A Ch'an̈ B'ab'el Libro Samuel 25:6 - Chuj San Sebastian Bible

⁶ Tzeyal 'a win 'ixtic: Junc'ojlal cab' aji, yet' smasnil onnal yet' pax smasnil tastc 'ay 'ayach.

Chuj San Mateo Bible

⁶ b'at yalpax juntzan̈ lolonel tic eb' vin̈ d'a vin̈: Syal vin̈aj David: Junc'olalocab' ajec' yed' masanil eb' cajan ed'oc d'a yol a pat yed' masanil tas ay d'ayach.

A Ch'an̈ B'ab'el Libro Samuel 25:6 Referans Kwoze

1 Cr 12:18

'Ix 'och Yespíritu Dios 'a Amasai syajlil eb' 30 cha, 'ix yaln 'ixtc: ¡Ach David yunnal Isaí, ec caj on̈, 'oj qui can et'oc! ¡Junc'ojlal cab' aji! ¡Junc'ojlal cab' aj yet' eb' xcolwj et'oc, yujto a qui Diosalec a xcolwjn̈ej pax et'oc! xchi. 'Ix schaj David eb', 'ix ya'n 'och eb' capitan̈il 'a scal eb' syajlil eb' soldado cha.

Lc 10:5

A yic tzex laj c'och 'a junjn n̈a, tze b'ab'l 'a'j stzatzl sc'ojl eb', tzeyaln 'ixtc 'a eb': 'Ay cab' junc'ojlal 'a yojl jun n̈a tic, xe chi.

1 Ti 5:6

Palta 'ay pax eb' 'ix chamnc yichmil, cojxn 'a tas tznib'ej, ata tzya'ch eb' snab'en. Yuj cha, wach'xam pitzn eb' 'a sat 'anma', palta ax 'a sat Dios, chamnc xo eb'.

Salmos 122:7

'Ay cab' junc'ojlal 'a yol chon̈ab', may cab' tas tzna eb' soldado 'ayc' 'a scuartel.

2 Ts 3:16

A Cajlilec 'a'm junc'ojlal. Tzin nib'ej, c'uxn tzyac' sjunc'ojlal 'ayx 'a smasnil tiempo. 'Och cab' eyet' e masnil ta'.

Jn 14:27

A ticnec, tzwa'cn junc'ojlal 'a e pixan. Atn wal in junc'ojlal tic tzwa'cn 'ayex. Man̈ 'icha'oc jac junc'ojlal tz'ilchj 'a yolyib'n̈q'uinl tic, man̈ 'ixta'oc wic tic tzwa'cn 'ayex. Man̈ eyac' somchjoc 'el e nab'en, man̈ ex xiwoc.

1 Ts 3:8

A yic xcab'n on̈, to an̈ja te'n tzeyutj eya'n 'och e nab'en 'a Cajlilec, xjapx can qui c'ojl eyuj on̈.

A Ch'an̈ Schab'l Libro Samuel 18:28

Ax yic xjaw win Ahimaas 'a stz'ey win rey, 'ix 'em n̈ojnjoc win 'a yojltac winac masnto 'a sat lu'um. Xlajw cha, xya'n win stzatzl sc'ojl winac, xyaln win 'ixtic: —Alx cab' wach' paxti 'a Jehová, atn jun qui Diosalec mamin rey, yujto a eb' xmeltzj 'och 'ajc'ojlal 'ayach, caw satx 'el eb' yu'uj, xchi winac.

A Ch'an̈ B'ab'el Libro Samuel 25:5

Yuj cha, 'ix schecn 'at lajn̈wan̈ eb' winc 'ayc' yet'oc yic tz'at 'ajxc stzatzl sc'ojl Nabal chi yu'uj, 'ix yaln 'ixtc 'a eb':

Salmos 122:8

Yuj eb' wit chon̈ab' yet' eb' in wach'c'ojol, yuj cha, ax waln 'ixtic: 'Ay cab' junc'ojlal 'a jun chon̈b' tic, xin chi.

Gn 43:23

Xyaln win mayltoma chi 'ixtic: —Man̈ ex 'och 'il yuj jun cha, man̈ ex xiwoc. A e Diosal yet' e mam, a x'a'n 'ejm q'uen 'a yol sti e coxtl chi jun 'ejm xo. An xin chaj q'uen e tumn xeyac' stojloc 'ixm e trigo xeyij cha, xchi win 'a ewinac. Xlajw cha, xyi'n 'elt win mayltoma win Simeón 'a preso, x'el-l win 'a 'aj 'ayc' eb' 'u'tacab'il cha.