A Ch'an̈ B'ab'el Libro Samuel 25:28 - Chuj San Sebastian Bible

²⁸ Tza'n niwnc'ojlal 'a wib'n̈ yuj in paltail. Wal yel a Jehová 'oj 'ochn̈j et' 'a opiso, yet' eb' en̈til, 'ilt nab'an, to yuj Jehová tza'n owl tic 'a smasnil tiempo, may cab' b'a'n̈ tu tas tza b'o'o.

Chuj San Mateo Bible

²⁸ Tzac'an nivanc'olal d'a in patic a in a checab' in tic. Val yel a Jehová ol ochn̈ej ed'oc d'a opisio yed' eb' in̈tilal, ina to yuj Jehová tzac' oval, malaj chucal pax tza c'ulej.

A Ch'an̈ B'ab'el Libro Samuel 25:28 Referans Kwoze

A Ch'an̈ Schab'l Libro Samuel 7:11

yic xwa'n 'och eb' eyajlil ex 'i'n b'eyoc. An 'oj wic' 'ejm smasnil eb' 'ajc'ojl yajch 'ayex. An Jehová in, tzwa'cn ojcoc to 'oj wa'chn̈ej yopiso eb' en̈til.

A Ch'an̈ B'ab'el Libro Samuel 18:17

Xlajw cha, xyaln cob' Saúl 'a David 'ixtic: —Tzwac' 'ix in b'ab'l 'isl tzcuch Merab estziloc, 'in caw wal jeln ach a'n owal, caw tzach sc'anlb'ej Jehová yic tzya'n owl cu'uj, xchi. Yujto sna Saúl, to wach' man̈oc tz'och smul smiln cham David, yel xo wach' to a eb' filisteo tzmiln chamoc.

1 Cr 17:25

Ach tic in Diosal ach, 'ix ac' wojcoc 'eli, to a win̈til, caw 'oj 'ochn̈j 'a yopiso, yuj wal cha, tzin te'wtzan in b'a in leslwi 'a ojltac.

A Ch'an̈ B'ab'el Libro Samuel 24:11

Mamin rey, 'ilt nab'n sti a jucn pichl 'ayc' 'a yol in c'ab' tic. Q'uinloc to xyal in c'ojol caw wal may syaloc ach in miln chamoc. A yet' jun tic tzojquej 'eli chajtlto may junc maysch'olnil tzin na 'a a patquil. May 'aj x'och in mul, may 'aj xwij chan̈ in b'a 'ayach, palta ach tic tzin 'a sayq'ui yic tzin 'a'n milxoc.

1 Cr 17:10

yic xwa'n 'och eb' eyajlil ex 'i'n b'eyoc. An 'oj wic' 'ejm smasnil eb' 'ajc'ojl yajch 'ayex. An Jehová in, tzwa'cn ojcoc to 'oj wa'chn̈ej yopiso eb' en̈til.

A Ch'an̈ B'ab'el Libro Yic Yab'ixal Eb' Rey 9:5

Toto 'ixta tzotej, 'ayn̈j eb' en̈tl 'oj wa'ch reyl 'a chon̈b' Israel tic 'a smasnil tiempo, 'icha wutjnac waln can 'a a mam.

A Ch'an̈ Schab'l Libro Samuel 7:16

An 'oj wa'xcan 'och en̈tl a jelc reyl 'a yib'n̈ in chon̈b' 'a smasnil tiempo, xchi, xa chi 'a 'a, xchi Dios 'a win Natán.

Lc 23:47

Ax win capitan̈, 'ix yiln tas 'ix uji. 'Ix yaln win wach' paxti 'a Dios 'ixtic: —Wal yel, a jun winc tic, caw tojl snab'en, xchi winac.

Lc 23:41

An̈ tic, smoj wal tzcab' syal qui chan spac qui mul. Palta a jun tic, may jac tas tu x'el sb'oni, xchi winac.

Mt 5:16

'Icha junc cantil cha, 'ixta 'ex cab'i', tze ch'oxl e sacq'uinlal 'a eb' 'anma'. Tzyal 'el'chi, atn e wach' b'eyb'al tze ch'ox yil eb', sec 'oj yal eb' wach' paxti 'a qui Mam 'ayc' 'a satcha'an̈.

Salmos 89:29

A eb' yin̈til, 'oj wa'n̈j 'och eb' reyl 'a smasnil tiempo, 'oj b'eyn̈j jun 'opiso chi 'a yib'n̈ eb', ya' sb'a 'ayt 'ec' satchan̈ tic.

A Ch'an̈ B'ab'el Libro Yic Yab'ixal Eb' Rey 15:5

yujto a win David cha, caw tojl snab'en win 'a sat Jehová. May 'aj xyij 'el win snab'en 'a tas xyal Jehová 'a 'a, cojn wal smul 'ix 'ochi, yic xya'n milxoc win Urías hitita.

A Ch'an̈ Schab'l Libro Samuel 7:27

Mamin Jehová tztac' oj smasnil, ach qui Diosal on̈, ach 'ix al wab'i', chajtlto a eb' win̈til, caw 'oj 'ochn̈j eb' yajlil, yuj cha, tzin te'wtzan in b'a waln 'ayach.

A Ch'an̈ Schab'l Libro Samuel 5:2

Wach'xam a Saúl 'ochnc qui reyloc, palta ach wal a'jnac ep on̈ a jucb'tzan 'a yic on̈ 'e'c 'a owal; a pax Jehová aljnac 'ayach, chajtlto ach 'oj on̈ e'c b'eyoc, ax a'n pax yajlil 'a quib'n̈ an̈ israel on̈ tic, xchi eb'.

A Ch'an̈ B'ab'el Libro Samuel 25:24

'Ix c'och 'ix 'a yojltac, 'ix yaln 'ixtic: —Ach wajlil, a smul win wichmil cha, can cab' 'a wib'an̈. Tzin tew 'ayach, to tzac' 'in permiso in paxtin jac et'oc, tzab'n tas 'oj wal an a checb' in tic.

A Ch'an̈ B'ab'el Libro Samuel 24:17

'Ix yaln 'ixtc 'a David: —Ach tic caw wal tojl a nab'en 'a wib'an̈, caw 'ay a niwnc'ojlal, yuj cha, ma'in a mil chamoc, caw wach' xotj 'a pactzan in tu nab'enal 'ayach.

A Ch'an̈ B'ab'el Libro Samuel 17:47

Smasnil eb' 'anma yamn tic, 'oj yojcoc 'el eb', chajtlto man̈ espadaoc, man̈ lanzaoc tzc'anlb'ej Jehová, yic tzcoln 'el schon̈ab'. A jun owl tic yic Jehová. A 'oj eya'n 'och 'a yol qui c'ab' on̈, xchi David.

A Ch'an̈ B'ab'el Libro Samuel 15:28

Yuj cha, xyaln Samuel 'ixtc 'a winac: —'Icha wal 'ix otj a jatn 'el sti in potl tic, 'ixta 'oj yutc Jehová ach yi'n 'el reyl 'a qui chon̈ab'. Ax ya'n can pax opiso chi 'a yol sc'ab' junc xo et chon̈ab', junc yel xo wach' 'a eb'an̈.

2 Cr 20:15

'Ix yaln Jahaziel chi 'ixtic: Sictac tzex 'aj eyab'n e masnil ex 'aj Judá, yet' e masnil ex cajn 'a Jerusalén, yet' ach rey Josafat. 'Ixtc 'ix yutj Jehová yalni: Man̈ ex xiwoc, man̈ eyec xiw e b'a 'a yojltac jun tzo'n̈ soldado caw niwn sb'isl cha, yujto a jun owl cha, man̈ eyico'oc, wic an Dios in tic.

A Ch'an̈ B'ab'el Libro Samuel 2:35

Ax wa'n can 'och junc xo ya'mal 'och sti eb' 'anma 'ayin, atn junc win yiclum tzyutj sb'a 'ayn 'icha tzin nib'ej. 'Oj wac' najtxb'oc yopiso eb' yin̈til, ax wa'n yopiso yet' jun win rey 'oj in si'li.

A Ch'an̈ B'ab'el Libro Samuel 22:14

Yuj cha, xta'w Ahimelec 'a win rey chi 'ixtic: —¿Mach wal junc 'a scal eb' a checb' tic mamin rey to caw yiclum 'icha David? Yet' pax caw a n̈i winac, yajl pax yaj win 'a eb' soldado tzach tan̈wni, caw tz'ijx chan̈ sb'i win 'a yol a despacho.

A Ch'an̈ B'ab'el Libro Samuel 24:4

Ax ewin ajun yet' David cha, 'ix yaln eb' 'ixtic: —A ticnec x'el'ch wal tas 'ix yal Jehová, to 'oj ya'ch jun 'ajc'ojl yajch 'aych 'a yol a c'ab'. B'o tas tza nib'j 'a 'a, xchi eb'. Xlajw cha, 'ix q'ue wan David, c'ojnc'ojnil xcoti, xwul spolnc 'el sti sjucn pichl Saúl.

A Ch'an̈ B'ab'el Libro Samuel 30:26

A yic 'ix c'ochx David 'a chon̈b' Siclag, 'ix schecn 'at schecb' 'a eb' yichm wincal Judá, atn eb' swach'c'ojol, yuj ya'n 'at jac tastc xit' yi'cn 'ec' cha. 'Ix yaln 'at 'ixtc 'a eb': Yaj jab' in siylab' tzwa't 'ayex, atn tastc xit' wi'cn 'ec' 'a eb' 'ajc'ojl yajch 'a Jehová, xchi.

Salmos 7:3

Mamin Jehová in Diosal ach, may 'aj 'ix 'och in mul, toc 'ay eb' xwa'ch chaml 'a yib'an̈.

Nm 23:21

A 'a scal eb' israel, atn eb' yin̈tl Jacob, may cusc'ojlal yet' yailal tz'ilchj 'a scal eb', yujto a Jehová sDiosal eb'. A 'ayc'n̈ej yet' eb', a syajlil eb' yaji.

A Ch'an̈ B'ab'el Libro Samuel 24:21

'A'cn a ti 'ayn ticnec 'a yojltac Jehová, chajtlto ma'oj a satl eb' win̈til, ma'oj yactc sb'inax in b'i 'a scal eb' wican, xchi Saúl 'a David.

A Ch'an̈ B'ab'el Libro Samuel 29:3

A eb' syajlil eb' soldado filisteo cha, 'ix sc'anb'j eb' 'ixtc 'a win Aquis cha: —¿Tas tzwul sb'o ewin hebreo tic 'a qui calc tic? xchi eb'. —Atn win David tic, schecb' Saúl sreyl Israel, palta 'ayx yab'lil 'ayc' wet' 'a tic. A yictax xjaw wet'oc, mant xon junc spaltail tzwila, xchi win 'a eb'.

A Ch'an̈ B'ab'el Libro Yic Yab'ixal Eb' Rey 15:3

A win Abiam tic, 'ix sb'eylb'ej sb'eyb'al smam cha, 'icha wal yutjnac smam chi sayn smuloc, 'ixta pax xyutj ya'n 'och smul cha. Caw man̈ tojloc snab'en 'a sat Jehová sDiosal, man̈ 'ichaoc yutjnac David snab'en, atn win smam 'ichm win cha.