A Ch'an̈ B'ab'el Libro Samuel 25:23 - Chuj San Sebastian Bible

²³ Palta ax yic schan sb'a 'ix Abigail yet' David cha, 'ix 'emt 'ix 'a yib'n̈ no b'uru, 'ix 'em n̈ojn 'ix, masnto squil 'ejm 'ix snan̈l sat 'a sat lu'um, yuj sch'oxn 'eli, to niwn yel'ch David chi 'a 'ix.

Chuj San Mateo Bible

²³ Ayic ix yilanb'at vin̈aj David ix Abigail chi', ix emta ix d'a yib'an̈ noc' b'uru chi', ix em n̈ojan ix d'a sat luum.

A Ch'an̈ B'ab'el Libro Samuel 25:23 Referans Kwoze

A Ch'an̈ B'ab'el Libro Samuel 20:41

Cojnn̈ej x'atcn win quelm cha, 'ix 'elt David chi 'a yen̈l q'uen q'uen cha. 'A yic x'elt cha, 'ix 'em n̈ojnjoc 'a yojltac Jonatán 'ox'ejem, masnto x'emch snan̈l sat 'a sat lu'um. Xlajw cha, stz'ub'lan 'elt eb' sti', 'ix 'oc' eb' schawn̈il, ax David caw 'ix 'oc' si'mb'il.

Jueces 1:14

Ax yic wan s'at 'ix yet' winac, 'ix yaln win 'a 'ix to tzc'an 'ix juncxo slum 'a smam cha. Yuj cha, x'emt 'ix 'a yib'n̈ no sb'uru 'aj 'ay q'ue'i, 'ix sc'anb'n win Caleb 'ixtc 'a 'ix: —¿Tas tzach 'i'ni? xchi win smam 'ix cha.

Josué 15:18

Ax yic wan spax Otoniel chi yet' 'ix 'a yatut, xyaln win 'a 'ix, to tzc'an 'ix slum 'a smam. Yuj cha, x'emt 'ix 'a yib'n̈ no b'uru 'aj 'ay q'ue'i. Ax win Caleb sc'anb'n win 'ixtc 'a 'ix. —¿Tas tza nib'ej? xchi winac.

A Ch'an̈ B'ab'el Libro Samuel 24:8

An̈jtona', 'ix 'elt David 'a yojl q'uen n̈aq'uen cha, 'ix 'at 'a spatquil Saúl, 'ix 'awj 'at 'ixtc 'a 'a: —Mamin rey, xchi 'a Saúl. A yic 'ix meltzj 'at q'ueln Saúl 'a spatic, 'ix 'em n̈ojn David 'a sat lu'um, yuj sch'oxn 'eli to niwn yel'ch Saúl 'a sat.

Rt 2:10

A yic xyab'n 'ix 'ixta', 'ix 'em n̈ojnjoc 'ix 'a sat lu'um, 'ix yaln 'ix 'a win Booz chi 'ixtic: —¿Tas yuj wach' tzotj paxtinc a b'a 'ayin? Caw wach' pax tzotj a nab'en 'ayin, tic pax wal chuc chon̈b'al in, xchi 'ix.

A Ch'an̈ B'ab'el Libro Samuel 25:24

'Ix c'och 'ix 'a yojltac, 'ix yaln 'ixtic: —Ach wajlil, a smul win wichmil cha, can cab' 'a wib'an̈. Tzin tew 'ayach, to tzac' 'in permiso in paxtin jac et'oc, tzab'n tas 'oj wal an a checb' in tic.

A Ch'an̈ B'ab'el Libro Samuel 25:41

'Ix 'em n̈ojn 'ix yuj sch'oxn 'eli to niwn yel'ch David 'a 'a, 'ix yaln 'ixtic: —An tic, schecb' xon David chi waji, caw wal tzchaj in c'ojl in b'icn 'el yoc eb' schecab', xchi 'ix.

A Ch'an̈ Schab'l Libro Samuel 1:2

Ax 'a schab'jial 'ix c'och jun winc 'a David cha, ata xcot win 'a 'aj 'e'nc scamplamento Saúl. Caw jatquixtac spichul, 'ay q'ue lum 'a scal xil sjolom yic tzch'oxn 'eli chajtlto 'ay scusc'ojlal. Ax yic xc'ochi, 'ix 'em n̈ojnjoc 'a yojltac David.

A Ch'an̈ Schab'l Libro Samuel 9:6

A yic 'ix jaw win Mefi-boset yunnal can win Jonatán, yixchicn can Saúl 'a yojltac David, 'ix 'em n̈ojnjoc 'a yojltac win rey cha, yic tzch'oxn 'el syiclumal. 'Ix yaln David 'a win 'ixtic: —¿Ach tic Mefi-boset a b'i? xchi. —An ton 'ixta in b'i mamin rey, xchi winac.

A Ch'an̈ Schab'l Libro Samuel 14:4

'Ix jaw 'ix 'aj Tecoa chi 'a yojltac win rey cha, 'ix 'em n̈ojn 'ix 'a yojltac winac, yic tzch'oxn 'ix yemmquilal, 'ix yaln 'ix 'ixtic: —Colwjan̈ wet' mamin rey, xchi 'ix.

A Ch'an̈ Schab'l Libro Samuel 18:28

Ax yic xjaw win Ahimaas 'a stz'ey win rey, 'ix 'em n̈ojnjoc win 'a yojltac winac masnto 'a sat lu'um. Xlajw cha, xya'n win stzatzl sc'ojl winac, xyaln win 'ixtic: —Alx cab' wach' paxti 'a Jehová, atn jun qui Diosalec mamin rey, yujto a eb' xmeltzj 'och 'ajc'ojlal 'ayach, caw satx 'el eb' yu'uj, xchi winac.

1 Cr 21:21

A yic xyiln winac chajtlto wan sc'och David, 'ix 'elt 'a yol te'lab' cha, 'ix 'em n̈ojan, masnto squil 'ejm snan̈l sat 'a sat lum 'a yojltac.