A Ch'an̈ B'ab'el Libro Samuel 25:22 - Chuj San Sebastian Bible

²² A cab' Dios tz'a'n 'och in yailal, toto pitznto Nabal mto junc xo winc 'a scal eb' yican wuj yab'n 'ixtc q'uic'an, xchi.

Chuj San Mateo Bible

²² Yuj chi' svala': Aocab' Dios tz'ac'anoch in yaelal tato pitzanto vin̈aj Nabal chi', ma junocxo vinac d'a scal eb' sc'ab' yoc vin̈ q'uic'an yab' icha tic.

A Ch'an̈ B'ab'el Libro Samuel 25:22 Referans Kwoze

A Ch'an̈ B'ab'el Libro Yic Yab'ixal Eb' Rey 14:10

Yuj cha, 'oj wa' cot yailal 'a eb'n̈ yet' eb' en̈til. 'Oj in satl smasnil eb' winc 'a scal eb' et israelal, wach'xam moso man̈ yico'oc sb'a, wach'xam mun yic sb'a. Caw 'oj in satl eb' smasnil, 'icha wal tz'aj smesx 'el stza no cajb'en noc' 'a yet'ul, masnto tzlajw 'el smasnil.

A Ch'an̈ B'ab'el Libro Samuel 20:13

Palta toto a 'in mam cha, tu tas tzna 'a eb'an̈, a cab' Jehová tz'a'n 'och junc niwquil yailal 'a wib'an̈ toto matz wal ab'i', yic tza coln a b'a. A cab' Jehová tz'och et'oc 'icha wal x'aj yoch yet' in mam.

A Ch'an̈ B'ab'el Libro Samuel 3:17

'Ix sc'anb'n Elí chi 'ixtc 'a 'a: —¿Tas 'ix yal Jehová 'aych q'uiq'ui? Tzin tew 'ayach, may cab' tas tza c'ub'j 'el 'ayin. Ya' cab' Dios a yailal si'mb'il, toto matz al smasnil tas xyal 'aych cha, xchi.

A Ch'an̈ B'ab'el Libro Yic Yab'ixal Eb' Rey 21:21

Yuj cha, xyal Jehová 'a eb'n̈ 'ixtic: 'Oj wi' cot cusc'ojlal 'a eb'an̈, 'oj in satl smasnil ewin en̈til. 'Oj in satl eb' winc to niwc yel'chi, yet' eb' 'aych checb'al 'a scal chon̈b' Israel.

A Ch'an̈ Schab'il Libro Yic Yab'ixal Eb' Rey 9:8

Smasnil yin̈tl Acab 'oj a satli, smasnil eb' winc 'aych mosoal to man̈ yico'oc sb'a, yet' eb' mun yic sb'a, 'oj satl eb' 'a scal chon̈b' Israel, man̈x 'a junc 'oj can 'a pitznal.

A Ch'an̈ B'ab'el Libro Yic Yab'ixal Eb' Rey 16:11

Cojn wal xq'ue'ch win Zimri chi reyal, 'ix syamn 'och win smiln cham eb' yunnal Baasa yet' eb' yican. C'uxn xcham eb' smasnil, man̈x 'a xon junc winc chi xcani, mto junc swach'c'ojl tztac' spacn sb'a 'a 'a.

A Ch'an̈ B'ab'el Libro Samuel 20:16

'Ixta 'ix yutj sb'on can strato yet' David, to 'oj b'eyn̈j 'a scal yin̈tl David cha. 'Ix yaln pax 'ixtic: A cab' Jehová 'oj pactzanc 'a eb' 'ajc'ojl yajch 'ayach, xchi.

A Ch'an̈ B'ab'el Libro Samuel 14:44

—Ya'ch cab' Dios junc niwquil yailal 'a wib'an̈ toto ach tic, ma'oj a chami, xchi Saúl.

Rt 1:17

A wal 'aj 'oj a chami, ata pax 'oj in chami, ata tzin nib'j tzin mucxi. Ya' cab' Jehová in yailal, toto tzach wactj cani, masnto a chamel a 'oj pojnc qui nan̈l et'oc, xchi 'ix.