A Ch'an̈ B'ab'el Libro Samuel 24:11 - Chuj San Sebastian Bible

¹¹ Mamin rey, 'ilt nab'n sti a jucn pichl 'ayc' 'a yol in c'ab' tic. Q'uinloc to xyal in c'ojol caw wal may syaloc ach in miln chamoc. A yet' jun tic tzojquej 'eli chajtlto may junc maysch'olnil tzin na 'a a patquil. May 'aj x'och in mul, may 'aj xwij chan̈ in b'a 'ayach, palta ach tic tzin 'a sayq'ui yic tzin 'a'n milxoc.

Chuj San Mateo Bible

¹¹ Mamin, iltonab' jab' sti' a jucan pichul ved'nac tic. Te secojtac ix aj ach in milanchamoc tato ix yal in c'ool. Yuj chi' a d'a jun tic syal snachajel uuj to malaj tas chuc tzin na' d'a a patic, malaj b'aj ix vic'chaan̈ in b'a d'ayach. Palta ¿tas yuj tzin a sayeq'ui yic tzin a milancham alani?

A Ch'an̈ B'ab'el Libro Samuel 24:11 Referans Kwoze

A Ch'an̈ B'ab'el Libro Samuel 26:20

Matz yal in c'ojl to najt 'ayn 'el 'a yojltac Jehová yic tzin chami. Palta ach tic mamin rey, ¿tas yuj tzach 'elt in a sayq'ui? Antic lajn in 'icha junc no c'ac. Tzin a pechn b'eyc'oc 'a jolmctac witz 'icha junc mach tz'ec' saync 'ec' no ch'ic 'a calte', xchi David.

A Ch'an̈ B'ab'el Libro Samuel 23:23

Tzcham wal eyiln 'aj tzc'ub'j 'el sb'a cha, tzlajw cha, tzwul eyalnc pax 'ayin 'aj wal 'ay, ax in 'at eyet' b'i'an. Toto yel ata 'ayc' 'a jun lugar cha, 'oj in 'at in sayc' 'a smasnil yol yic Judá, xchi.

A Ch'an̈ B'ab'el Libro Samuel 23:14

'Ix can cajn David 'a jun tzo'n̈ n̈aq'uen 'a lum jolm witz 'a lum cusltac lum yic Zif. 'Ix sayx 'ec' yuj Saúl 'a junjn c'u, palta ma'ix 'ajx 'a yol sc'ab' yuj Dios.

Jn 15:25

Palta 'ixtn tic tz'aj yel'ch jun tzo'n̈ tic, sec tz'el'ch tas tz'ib'b'il can 'a ch'an̈ ley 'aj tzcob' ya'ch eb' snab'en. 'A 'aj tzyal 'ixtic: Tzcomn chichn 'och eb' 'ayin, xchi 'a Ch'an̈ U'un̈.

A Ch'an̈ Schab'il Libro Yic Yab'ixal Eb' Rey 5:13

Palta ax eb' schecab', 'ix snitzn 'ochch sb'a eb' 'a stz'ey, 'ix yaln eb' 'ixtc 'a 'a: —Mamin, toto 'ay wal junc xo tas caw ya 'ix yal win schecb' Dios tic 'ayach, ¿tom ma'oj a b'o jun? Oc xo jun, cojn 'ix yala to tza b'icl a b'a, ax a b'ox cani, xchi eb' 'a 'a.

A Ch'an̈ B'ab'el Libro Samuel 26:18

Palta, ¿tas yuj tzin a pech b'eyc'oc, an a checb' in tic? ¿Tastc wal tu xin b'o 'aych jun? ¿Tas wal in mul x'och 'ayach?

Miqueas 7:2

'Icha te sat 'awb'ente cha, 'ixta waji, yujto man̈xtzac 'ilchj junc 'anma wach' sb'eyb'al, tojl snab'en 'a sat Dios 'a yol qui chon̈b'ec. A eb' wit chon̈b' cha, cojxn milj cham 'anma tznib'j eb' sb'o'. Tzlaj yac' 'ejm junjn eb' sch'an̈ yal 'a yol sb'e.

Ez 13:18

Al 'a eb' 'ix to an Jehová Yajl in, an tzwal 'ixtic: ¡'Ay, 'oltacx wal ax 'ixx tzex 'ec' 'a stitc n̈a 'ec' e jalch jun tzo'n̈ nip 'icha cinta 'a sc'ab' eb' 'anma' sec may tz'i'n eb' eyalni! Tze b'on pax spotl sjolm eb', 'ixta tzeyutj eb' eyixtni, sec tz'och tza'n eb' in chon̈b' tic eyu'uj. Tze nib'j ax tzeyala jantc sq'uinl eb' mto b'a'n̈ tzcham eb', sec wach' yec' jac tiempo eyu'uj.

Lm 4:18

Caw 'aych sat eb' 'ajc'ojl chi 'ayn̈ on̈, 'aj tzlaj on̈ 'eq'ui. Man̈xtzac stac' xon quel 'a yol caye yuj eb' on̈, a ticnec b'i'an, xc'och sc'ul qui lajw 'el on̈, wal qui cham tic on̈.

Pr 15:1

A mach wach' tzyutj spacn junc paxti', tztup 'ejm owl yu'uj; ax toto ow tzyutj spacni, ton̈j tzwach' niwtj junc owl chi yu'uj.

Salmos 140:11

A eb' alm peclal, sat cab' 'el eb' 'a sat lum lum tic, a cab' maysch'olnil chi tzsatn 'el eb' tu snab'en cha.

Salmos 35:7

Wach'xam may in mul, palta sb'ojnac 'ejm eb' sch'an̈ yal 'a wojltac; may xwutj eb', palta 'ix sb'o eb' jun jul sec tzin 'at 'a yojol.

Job 10:16

Toto cob' tzwij chan̈ in b'a, ax am tz'aji, 'icha spechn b'ey no león junc noc' tzyam schib'joc, 'ixta am tzin otej; 'ay smay a b'on junc tas satjub'tac yilx 'a in patquil.

A Ch'an̈ B'ab'el Libro Samuel 18:27

'ix 'at David yet' eb' soldado yac' owl yet' eb' filisteo. Ax x'aji, 'ix smiln cham eb' chab' ciente eb' filisteo cha. Xlajw cha, xyi'n cot sjolm swincal eb', 'ix ya'n smasnil 'a win rey cha, sec tz'och sn̈ic winac. Yuj cha, xya'n win Saúl chi 'ix yisl tzcuch Mical yistloc winac.

A Ch'an̈ B'ab'el Libro Samuel 25:28

Tza'n niwnc'ojlal 'a wib'n̈ yuj in paltail. Wal yel a Jehová 'oj 'ochn̈j et' 'a opiso, yet' eb' en̈til, 'ilt nab'an, to yuj Jehová tza'n owl tic 'a smasnil tiempo, may cab' b'a'n̈ tu tas tza b'o'o.

Salmos 59:3

Mamin Jehová 'ay eb' 'anma caw jelan, tzlaj in smac eb' 'aj tzin 'eq'ui yic tzin smiln cham eb' snani. Palta may in mul 'a eb', may tas tu tzin b'o'o.

Salmos 119:161

May in mul, palta in spech b'eyc'oc eb' niwc yajal, ax a paxti', caw wal niwn yel'ch 'a in sat.

A Ch'an̈ B'ab'el Libro Samuel 12:3

A ticnec waj 'a yojltac Jehová, yet' 'a yojltac jun rey si'ch qui reyloc tic. Alc b'i'an toto 'ay mach xwixtej, mto 'ay 'aj xwij 'ec' swacax, mto sb'uru, mto 'ay 'aj x'och in mul 'a 'a, mto 'ay 'aj in chajnac q'uen c'ultac tumn 'a junc mach. Toto 'ixta', tztac' in tojn can 'a ticnec, xchi Samuel cha.

A Ch'an̈ B'ab'el Libro Samuel 26:23

A cab' Jehová tz'a'n spac 'a junjn mach yuj swach'l snab'en, yujto wach' tzyutj sb'a. Wach'xam 'a jun c'u tic, ach ya'ch Jehová 'a yol in c'ab', palta ma'ix yal in c'ojl ach in mil chamoc, yujto a ach si'n 'och 'a opiso.

A Ch'an̈ Schab'l Libro Samuel 1:14

—¿Tas yuj 'ix a te'wtzej a b'a a miln cham win rey sic'b'il 'och yuj Jehová? xchi David.

Salmos 7:5

Toto 'ay eb' xwixtej, to 'ixta', ya' cab' eb' snab'en in spechn b'eyc'oc. Yamchjquin cab' yuj eb'. Sjucquin cab' eb' 'a sat lu'um, ste'wtan̈c in cab' eb', masnto tzin mucchji.