A Ch'an̈ B'ab'el Libro Samuel 23:29 - Chuj San Sebastian Bible

²⁹ Xlajw cha, 'ix 'at David 'a jun tzo'n̈ q'uen n̈aq'uen 'a jun tzo'n̈ lugar caw 'ay smay 'a yol yic En-gadi, ata xcan cajan.

Chuj San Mateo Bible

²⁹ Icha chi' ix aj sb'atcan vin̈aj David chi' sc'ub'ejel sb'a d'a yoltac q'uen n̈aq'ueen d'a yol yic En-gadi.

A Ch'an̈ B'ab'el Libro Samuel 23:29 Referans Kwoze

2 Cr 20:2

Xlajw cha, 'ix jaw jaywn̈ eb' wul yal 'a Josafat sreyl Judá 'ixtic: A 'a Edom yet' 'a junx sc'axpil 'ec' a Mar Muerto, ata tzcot nan̈l soldado yic tzwul ya'n owl et'oc. Yajx 'ec' eb' 'a Hazezón-tamar, xchi eb'. (A jun chon̈b' cha, atn pax tzcuch En-gadi.)

Ez 47:10

Til wal eb' yamn chay 'oj jawc 'a sti a mar 'a En-gadi masnto 'oj c'och eb' 'a En-eglaim, ax laj ya'nc eb' tacjoc schim 'a sti a cha. Til wal 'oj 'aj no chay 'a yojl a', 'icha e no 'ay 'a yojl a Mar Mediterráneo.

Cantares 1:14

Ach quelm to chamc'ojlb'il wu'uj, lajn ach wal tzwab' 'icha te snichte alheña, te 'ay 'a scal te 'awb'ente 'a En-gadi, xchi 'ix.

A Ch'an̈ B'ab'el Libro Samuel 24:1

A yic 'ix lajw ya'n Saúl owl yet' eb' filisteo, 'ix alx 'a 'a chajtlto a David, ata 'ayc' 'a lum cusltac lum 'a En-gadi.

Gn 14:7

Ax yic xmeltzj win rey Quedorlaomer yet' smasnil eb' ajun yet'oc, 'ix 'emch eb' 'a En-mispat, a jun lugar chi tzcuch pax Cades. Ata 'ix ya'cn lajwc 'el eb' smasnil tastc 'ix chachj yuj 'a yol b'e, 'a yol yic eb' amalecita. 'Ixta 'ix yutj can pax eb' ewin amorreo 'ay 'a yol yic Hazezon-tamar.

A Ch'an̈ B'ab'el Libro Samuel 23:28

'Ixta x'aj yoch wan Saúl spechn b'eyc'oc David yujto 'ix 'at yac' owl yet' eb' filisteo cha. Yuj cha, scuchn can jun lugar chi Tenm yic Pojjb'ail.

A Ch'an̈ B'ab'el Libro Samuel 24:22

Xlajw ya'n can David sti 'a Saúl, 'ix meltzj can yet' ewin ajun yet' chi 'a 'aj tzcol sb'a, ax Saúl 'ix paxx can 'a sdespacho.