A Ch'an̈ B'ab'el Libro Samuel 23:27 - Chuj San Sebastian Bible

²⁷ 'ix c'och jun checb' 'a Saúl, 'ix yaln 'ixtic: —Meltzjan̈ mu'c wal ticnec mamin rey, yujto a eb' filisteo tox x'och eb' 'a yol qui nacion̈, xchi.

Chuj San Mateo Bible

²⁷ Elan̈chamel ix c'och jun vin̈ checab' d'a vin̈aj Saúl chi', ix yalan vin̈: —Mamin rey, meltzajan̈ d'a elan̈chamel, yujto a eb' filisteo toxo ix och eb' d'a yol co chon̈ab', xchi vin̈.

A Ch'an̈ B'ab'el Libro Samuel 23:27 Referans Kwoze

A Ch'an̈ Schab'il Libro Yic Yab'ixal Eb' Rey 19:9

Ata 'ix yab' win rey cha yalxi, to a win Tirhaca sreyl Etiopía to wan scot win yet' eb' soldado wul yac' owl yet'oc. Yuj cha, 'ix schecn pax 'at win rey chi eb' schecb' jun 'ejm xo 'a win rey Ezequías 'a Judá, xyaln 'at 'ixtic:

Apoc 12:16

Palta a lum lum xcolwj 'a 'ix. 'Ix jacw jun niwquil xab' oln 'a lu'um. An̈jta 'ix satcn 'ejm jun niwquil a chi x'elt 'a yol sti cha.

Salmos 116:3

A yailal yic chamel, in sjal 'ejm c'otan. 'Ix jaw xiwc'ojlal yic chaml chi 'a wib'an̈. A yailal yet' cusc'ojlal xin chaj in b'a yet'oc.

1 Cr 14:13

Palta 'ix c'ochx eb' filisteo yixtc eb' 'anma jun 'ejm xo 'a jun pan̈n 'a'lic cha,

Dt 32:36

A Jehová 'oj colwjoc yet' eb' schon̈ab', yic tzyilni to wan yel yip eb'. 'Oj 'o'ch sc'ojl 'a eb' schecab' yic 'oj yilnoc to man̈x 'a yip eb', man̈xtzac stac' scoln sb'a eb'.

Gn 22:14

Xlajw cha, xya'n can Abraham sb'ic jun lugar chi 'ixtic: A Jehová, a tz'a'n tasto yowlal tznib'xi, xchi. Yuj cha, an̈ja 'ixta yaln eb' 'anma ticnec: A 'a lum witz yic' Jehová, ata tzyac' tas yowlal tznib'xi, xchi eb'.

A Ch'an̈ B'ab'el Libro Samuel 23:26

A 'a sc'axpil 'at jun witz cha, ata tz'at Saúl yet' eb' soldado, ax 'a junx sc'axpil 'eq'ui, ata tz'at David yet' eb' winc ajun yet'oc, caw tzyac' yip s'at 'elc 'a Saúl. Ax yic tox 'ix yac' ganar Saúl yoch oyn yet' eb' soldado 'a spatquil eb', jab'xoj ya'n ganar syamchj yu'uj,

A Ch'an̈ B'ab'el Libro Samuel 23:28

'Ixta x'aj yoch wan Saúl spechn b'eyc'oc David yujto 'ix 'at yac' owl yet' eb' filisteo cha. Yuj cha, scuchn can jun lugar chi Tenm yic Pojjb'ail.

A Ch'an̈ B'ab'el Libro Samuel 27:10

A yic tzc'anb'n Aquis junjn 'ejm 'ixtc 'a David: ¿Tas chon̈b'al xit' 'ac' lajwc ticnec? xchi. Atn 'a stojlal sur yic Judá, mto 'a stojlal sur yic Jerameel, mto 'a stojlal sur yic slum eb' ceneo, xchi David cha.