A Ch'an̈ B'ab'el Libro Samuel 23:17 - Chuj San Sebastian Bible

¹⁷ 'Ix yaln Jonatán 'ixtic: —Man̈ ach xiwoc, yujto ma'oj elchj yuj in mam. Ach tic 'oj och xon qui reyloc an̈ Israel on̈c tic, an xo 'oj woch schab'l yajlil. An̈jtona yojc xo in mam, xchi Jonatán.

Chuj San Mateo Bible

¹⁷ Ix yalan vin̈ d'a vin̈aj David chi' icha tic: —Man̈ ach xivoc, yujto man̈ ol ach ilchajlaj yuj vin̈ in mam chi'. Yujto a ach tic, ol ach ochn̈ej co reyaloc a on̈ israel on̈ tic, a inxo ol in och d'a schab'il yajalil d'ayach. A jun tic yojtacxopax vin̈ in mam chi', xchi vin̈.

A Ch'an̈ B'ab'el Libro Samuel 23:17 Referans Kwoze

A Ch'an̈ B'ab'el Libro Samuel 20:31

Yujto ya' sb'a pitzn win yunnal Isaí cha, ma'oj och reyl ach tic. Yuj cha, a ticnec 'a't saymal, tzlajw cha, tze'n cot 'ayin, yujto smoj 'oj chamoc, xchi.

A Ch'an̈ B'ab'el Libro Samuel 24:20

A ticnec 'ix nachj 'el wu'uj, to ach 'oj och reyal. A opiso 'a yib'n̈ qui chon̈ab' may mach 'oj stac' yi'n 'ec' 'a yol a c'ab'.

A Ch'an̈ Carta D'a Eb' Hebreo 13:6

Yuj cha, caw matz on̈ xiwc caln 'ixtic: A Cajlil, a tzcolwj wet'oc. Yuj cha, caw matz in xiw yuj tas 'oj in yutc eb' wit 'anma'il, xqui chi.

A Tas Sc'ulejnac Eb' Schecab' Jesús Hechos 28:16

Ax yic on̈ c'och 'a Roma chi 'on̈, ['ix ya'n 'och win capitan̈ chi eb' preso 'a yol sc'ab' junx win syajlil eb' soldado 'ayc' ta'.] Palta ax Pablo, ma'ix 'och 'a preso yet' eb', ton̈j 'ix tan̈wx yuj jun win soldado.

Is 54:17

Palta ach xo tic, may xon junc mach tztac' sb'on junc yamc'ab' tztac' ach satn 'eli. A eb' tzach cob' 'a'n queja, sictac xoj 'oj 'ajcn eb' o'oj. Atn jun tic tzwac' in ti wa'n 'a eb' in checab', an Jehová in, an 'oj in col-l eb', xchi Dios.

Ro 15:24

Yuj cha, tzin na'a, a yic 'oj in 'at 'a España, 'oj 'ec' ex wila', sec 'oj jawc in tzaljc'ojlal eyet' ta'. 'Oj lajwc in can jaye'oc c'u eyet' ta', tzin nib'j 'oj e colwj 'ayin, sec 'oj in c'och 'a España cha.

A Tas Sc'ulejnac Eb' Schecab' Jesús Hechos 5:39

Palta toto yic Dios, ma'oj stac' ca'nec lajwoc. 'Ay smay, toq'ue a Dios tzca'c owl yet'oc, xchi winac.

Lc 12:32

Ax tic, 'icha in calnelu, 'ixta 'ex, man̈ ex xiwoc. Jaywn̈n̈ej ex toni, palta a qui Mam Dios tzex 'i'n 'och 'a yol sc'ab', yujto 'ixta x'el 'a sc'ojol.

Is 41:14

A Jehová a tzaln 'ixtic: Ex israel yin̈tl can Jacob, wach'xam man̈ niwnoc e b'isul, wach'xam mant 'a eyip, palta man̈ex xiwoc, an 'oj ex in colo'. Cojxn In Ton Dios In, e colmal waji.

Is 41:10

Man̈ ex xiwoc, 'ayn 'ec' eyet'oc. Man̈ ex 'och 'il, yujto an ton e Diosal in. An tzwac' eyip, an tzex in colo, an tzex in yamch wan yet' wip tzin c'anlb'ej 'a stojlal.

Pr 19:21

Til wal tas tz'el snan 'anma', palta cojn tas tzchaj sc'ojl Jehová, a chi tzb'o'i.

Pr 14:26

Toto 'ay yel'ch Jehová 'a qui satec, caw te'n cajc tzyal cha, to 'ixta', 'oj stac' pax scoln sb'a eb' cunnalec.

A Ch'an̈ B'ab'el Libro Samuel 24:4

Ax ewin ajun yet' David cha, 'ix yaln eb' 'ixtic: —A ticnec x'el'ch wal tas 'ix yal Jehová, to 'oj ya'ch jun 'ajc'ojl yajch 'aych 'a yol a c'ab'. B'o tas tza nib'j 'a 'a, xchi eb'. Xlajw cha, 'ix q'ue wan David, c'ojnc'ojnil xcoti, xwul spolnc 'el sti sjucn pichl Saúl.

A Ch'an̈ B'ab'el Libro Samuel 24:19

Wal yel may junc mach, to a yic tz'ilchj junc 'ajc'ojl yu'uj, tzlajw cha, tzya'n 'el 'a libre. Yuj cha, ¡a cab' Jehová 'oj 'a'nc spac 'aych yuj jun a wach'c'ojlal 'ayn tic!

Salmos 118:6

A 'ayc' wet'oc, yuj cha, matz in xiw yuj tas tzin yutj eb' wit 'anma'il.

A Ch'an̈ B'ab'el Libro Samuel 22:23

Palta cann̈ wet' 'a tic, man̈ ach xiwoc, yujto a jun tzach nib'n milnc chamoc, an̈jtona', tznib'j tzin smil paxi. Toto tzach can wet'oc, 'oj a colchji, xchi David.

A Ch'an̈ B'ab'el Libro Samuel 24:21

'A'cn a ti 'ayn ticnec 'a yojltac Jehová, chajtlto ma'oj a satl eb' win̈til, ma'oj yactc sb'inax in b'i 'a scal eb' wican, xchi Saúl 'a David.

A Ch'an̈ B'ab'el Libro Samuel 25:30

Yuj cha, a yic 'oj sb'onc Jehová smasnil wach'l 'ix yal o'oj, to ach 'oj och reyl 'a qui chon̈ab',

Is 35:3

'A'c 'och ste'nal eb' to may yip sc'ab', 'a'c yip eb' 'icha to sicb'nac 'el yoc.

Is 35:4

Alc 'ixtc 'a eb' chab'c'ojlal yaji: Te'wtzejc e b'a, man̈ ex xiwoc, yaj qui Diosalec 'a tic, a 'oj qui colnec 'eli, ax eb' 'ajc'ojl yajch 'ayn̈ec, 'oj 'ajxoc 'och syailal eb' 'a 'icha wal smoj schani, xe chi.