A Ch'an̈ B'ab'el Libro Samuel 21:4 - Chuj San Sebastian Bible

⁴ —A 'ixm pan 'ayc' 'ayin, man̈ comn panoc 'ixim, palta to yic Jehová yaj 'ixim. 'Oj wac' 'ixm 'ayach, cojn toto may junc tas tot 'ix sb'o ewin a checb' chi yet' eb' 'ix 'ix, xchi Ahimelec cha.

Chuj San Mateo Bible

⁴ Ix tac'vi vin̈ sacerdote chi': —Malaj ixim comon pan ayeq'ui. Ay ixim, palta a ixim tz'ac'jioch d'a yichan̈ Jehová. Syal vac'an ixim d'ayach, tato vach' yaj eb' vin̈ ajun chi' ed'oc, tato maj vay eb' vin̈ yed' eb' ix ix, xchi vin̈.

A Ch'an̈ B'ab'el Libro Samuel 21:4 Referans Kwoze

Ex 19:15

'Ix yaln Moisés chi 'ixtc 'a eb': —A ticnec b'oc e b'a yic tzex 'och 'emmquilal 'a Jehová chab'ej, matz tac' e way yet' eyistzil, xchi 'a eb'.

Ex 25:30

Tza'n b'o 'ejm 'ixm pan 'a sat te mexa chi 'a wojltac, yujto a 'ixm pan cha, wicn̈ej yaj 'ixim, xchi Dios.

1 Co 7:5

Yuj cha, matz tac' e tenn 'och wan tas tznib'j eyitb'eym 'ayx junjn ex. Cojxn toto tze molalej, tzeyactn can jun chi jaye'oc c'u, sec wach' tzex leslwi 'a Dios wal 'a smasnil e c'ojol. Tzlajwn̈ej jaye c'u cha, junn̈j tzex 'ajx cani, sec matz ex 'ajx juwc 'el yuj win Satanás. Yujto 'ay smay, matz tac' e tenn 'och wan e niwnal.

Zacarías 7:3

Xwul sc'anb'noc eb' 'ixtc 'a eb' schecb' Dios, yet' 'a eb' ya'mal 'och sti eb' 'anma': ¿An̈j 'ijnoc am tzca'ch te pichl n̈achtac yic cusc'ojlal on̈, tzon̈ 'och pax am 'a c'ajb'c'ojlal 'a yotquil 'uj yic junjn ab'il, yic tzqui nan cot sma'nb'il 'ejm yatut Dios, 'icha xon tzqui b'o'ec, masnto ticnec? xchi eb'.

A Ch'an̈ B'ab'el Libro Samuel 21:6

Xlajw cha, xya'n win 'ixm pan yic Jehová 'a David, yujto man̈x 'a 'ixm pan 'ayc' ta', cojn 'ixm x'ijx 'elt 'a yol scajnub' Dios, ax 'ixm c'a't pan x'ochx can sjelc 'ixim.

Lv 15:18

Toto 'ay junc winac, 'ay tas tzb'o yet' junc 'ix 'ix, yowlal tz'achn eb' schawn̈il, palta mant wach'c eb' masnto yic tzq'uic'b' 'ejmi.

A Ch'an̈ B'ab'el Libro Samuel 21:3

A ticnec, ¿'aym jac tas wach' tzqui c'ux 'ayach? 'Ac' o'e'oc in pan, mto 'ay junc xo tas 'ayc' 'ayach, 'ac' jac wico', xchi David cha.