A Ch'an̈ B'ab'el Libro Samuel 20:24 - Chuj San Sebastian Bible

²⁴ Xlajw cha, sc'ub'n 'el sb'a David 'a calte 'a sti 'el chon̈ab', ax yic xnax sq'uin̈l yic xpac' 'uj cha, 'ix 'och wocn win rey 'a smexa wa'oc.

Chuj San Mateo Bible

²⁴ Ix lajvi chi', ix sc'ub'anel sb'a vin̈aj David chi' d'a caltac te'. Ayic ix chajiel yich yic tz'och q'uin̈ yuj yalji q'uen uj, ix em c'ojan vin̈aj rey Saúl sva'i.

A Ch'an̈ B'ab'el Libro Samuel 20:24 Referans Kwoze

Pr 21:3

Toto tzqui b'eylb'ejec wach'il yet' tojlal, a jun tzo'n̈ cha, yel xo tznib'j Jehová 'a yib'n̈ xajmb'al tzca'c 'a 'a.

Pr 17:1

Yel xo wach' junc'ojlal cajec, wach'xam to tacn̈ wal tzqui wajec, 'a yib'n̈ to q'uin̈ 'aych 'a catutec 'a junjn c'u, palta owln̈ej pax cajc 'a catutec cha.

Pr 15:17

Wach'xam 'itj tzqui loc yet' eb' tzon̈ mol wac yet'oc, toto 'ay chamc'ojlal 'a qui calc yet' eb', yel xo wach' quiquec 'a yib'n̈ to cob' chib'j tzqui chic yet' eb', palta owln̈ej pax cajc yet' eb'.

Pr 4:17

Caw tznib'jn̈ej eb' sb'o maysch'olnil 'a yit 'anma'il, 'icha qui nib'n wa qui b'a.

Jn 18:28

Ax yic sacb'i, 'ix yi'n 'elt ewin Jesús 'a yol yatut win Caifás. Xyi'n 'at ewin 'a 'aj 'ay sdespacho win yajal. A sley eb' 'aj Judea cha, matz tac' yoch eb' 'a yol sdespacho win cha. Tzna eb', toq'ue tzjuw 'el eb' 'a sat Dios. Toq'ue man̈xtzac stac' swa eb' 'a jun yemc'ul yic q'uin̈ cha.

Zacarías 7:6

A yic tzex wa'i yet' yic tzeyu'n tas tzeyuq'uej, cojn yuj eya'n tzaljoc e c'ojl 'a mun yol eyico' tze b'oni.

Pr 21:27

A Jehová matz chaj sc'ojl yofrenda eb' maysch'olnil, ocxom wal eb' tzyac' yofrenda yet' stu nab'enal.

A Ch'an̈ B'ab'el Libro Samuel 20:5

'Ix ta'w David 'ixtic: —A q'uic'an 'oj naxoc sq'uin̈l yic tzpa'x 'uj, an xo tic, yowlal 'oj wem wocn in wa yet' win rey 'a 'icha qui b'eyb'alec. Palta comnoc tz'el 'a a c'ojol, to tzin c'ub'j can 'el in b'a 'a scalte 'a sti 'elt chon̈b' tic, masnto 'a yemc'ul chab'ej.

A Ch'an̈ B'ab'el Libro Samuel 20:23

Ax pax 'a jun qui trato 'ix qui b'ocn qui chawn̈il tic, a Jehová testigo tz'ajcn 'ayn̈ yuj 'a jun 'ejmn̈ej, xchi Jonatán.

A Ch'an̈ B'ab'el Libro Samuel 20:25

'Ix 'em wocn win rey chi 'a xila, 'icha xon sb'eyb'al, ata x'em wocn 'a yich n̈a. Ax Jonatán 'ix 'em wocn 'a yojltac coti, ax Abner 'ix 'em wocn 'a yichn̈ 'ec' Saúl cha. Ax te xila David, 'ix can te sch'ocoj, may mach x'em wocn 'a yojl te'.