A Ch'an̈ B'ab'el Libro Samuel 2:5 - Chuj San Sebastian Bible

⁵ A eb' caw wal b'ut'n 'a yic yalan̈, ax ticnec tzchon̈ sb'a eb' majnil yic tz'ilchj jac tas tzc'uxu. A eb' 'ay swejel, ax ticnec, caw wal b'ut'n eb'. A 'ix 'ix man̈ 'unewumoc, ax ticnec 'ay ucwn̈ yune 'ix xyune'ej. A 'ix niwn xo yune', ax ticnec 'ix 'och wan 'ix yunewi.

Chuj San Mateo Bible

⁵ A mach syac' sobre svael d'a yalan̈taxo, axo ticnaic smunlaj yuj jab'oc svael. A mach ix ab'an syail vejel, axo ticnaic b'ud'an sc'ool. A ix ix max unevitaxonlaj, axo ticnaic, ayxo ucvan̈ yune' ix. Axo pax ix tzijtum unin ix yuneej, axo ticnaic man̈xalaj yune' ix.

A Ch'an̈ B'ab'el Libro Samuel 2:5 Referans Kwoze

Lc 1:53

Caw xyac' syaxilal 'a eb' 'ay swejel. Ax eb' rico, may tas 'ix yac' 'a eb', 'ix checn pax eb'.

Salmos 113:9

Ax eb' 'ix 'ix may xon yune', 'oj tzaljoc eb' 'ix yic 'oj 'och eb' 'ix nunb'ilal. ¡Alx cab' wach' paxti 'a Jehová!

Jeremías 15:9

A wal eb' 'ix nunb'il caw tzsomchj snab'en eb' 'ix, caw 'ajltac xoj yi'n eb' 'ix yic'. 'Icha to a c'ual 'ix meltzj 'och 'ac'wlil 'a eb', yujto 'ix cham ucwn̈oc yune' eb' 'ix. Toto 'ayt eb' cob' tzcan 'a yol chon̈ab', an Jehová in, an tzwala, to 'oj in wach' 'a'c 'och eb' 'a yol sc'ab' eb' 'ajc'ojol yic tzmilx cham eb' yuj eb', xchi Dios.

Salmos 34:10

A no león tz'el yip no yuj wejel, palta ax eb' 'anma tzyij 'ejm sb'a 'a Jehová, may xon b'a'n̈ tzyac' palta tas 'ay tz'och yuj eb'.

Lc 16:25

Palta xyaln cot Abraham chi 'ixtc 'a winac: Ach 'un, na coti chajtlto caw wach' ach 'ec' 'a yolyib'n̈q'uinal, ax Lázaro tic, caw may jac swach'l x'ec' yil ta'. Al ticnec, to wan yajx sniwnal sc'ojl 'a tic, ach xo, wan ab'n syal ticnec.

Is 54:1

A Dios 'ix yal 'ixtc yuj chon̈b' Jerusalén: A jun chon̈b' tic lajn 'icha junc 'ix 'ix may xon 'aj tz'unewi, 'actb'il can yuj yichmil, palta ax ticnec, smoj wal yel yaw yuj tzaljc'ojlal, smoj sb'itni, yujto yel xo wal niwn yune 'oj yune'oc 'a yib'n̈ 'ix 'ix 'ayc' yichmil yet'oc.

A Ch'an̈ B'ab'el Libro Samuel 1:6

Caw tu tzyal 'ix Penina chi 'a 'ix yic tzya'n 'ix cus sc'ojl 'ix Ana cha, yujto may junc yune 'ix tzyac' Jehová.

A Ch'an̈ B'ab'el Libro Samuel 1:20

'Ixta x'aj scuchn chan̈ 'ix yune'. Ax yic xc'och stiempoal, 'ix 'alj jun swinc 'unn 'ix, xya'n sb'ic Samuel. Xyaln 'ix 'ixtic: A win 'unn tic to c'anb'il win wuj 'a Jehová, xchi 'ix.

Gl 4:27

A 'a Ch'an̈ U'un̈, ata tzyal Dios 'ixtc yuj chon̈b' Jerusalén: Ach 'ix, wach'xam toxn may one', palta tzaljan̈. Man̈ ojcoc xon syal tz'aj yalj 'unin, palta q'ue cab' 'aw a tzalji. Yujto a junc 'ix 'ix 'actb'il can yuj yichmil, yel xo niwn yune 'oj 'aljoc 'a yib'n̈ 'ix tz'i'n yichmil 'ix cha, xchi 'a Ch'an̈.

Rt 4:15

A tz'och yipc a c'ojol, an̈jtona', a pax 'oj a'n servil yic 'oj och chichm 'ixal, yujto yune 'ix alb' tic winac. Caw wal tzach schamc'ojlej 'ix, 'ec'b'al wal ach snan 'ix 'a yib'n ucwn̈oc one', xchi eb' 'ix.

Is 33:9

Caw wal xcus chan̈ lum lu'um, xjuw yilx lum Líbano, xq'uixw can 'el lu'um, yujto c'uxn xicx chan̈ ste'al. Ax lum pan̈n Sarón, 'ix 'ochcn lum cusltac lumal, 'ixta pax lum Basán yet' lum switzl Carmelo, caw wal x'elcn jitn eb' lu'um.