A Ch'an̈ B'ab'el Libro Samuel 2:20 - Chuj San Sebastian Bible

²⁰ Ax win Elí cha, 'ix yaln win swach' paxti 'a yib'n̈ Elcana yet' 'a yib'n̈ 'ix Ana. 'Ix yaln win 'ixtic: Ya' cab' Jehová onnal yet' 'ix estzil tic, sjelc win c'anb'il yuj 'ix, xya'n pax 'ix ya'malc servil Jehová, xchi winac. Xlajw xoj cha, xpax eb' 'a yatut. 'Ixtan̈ej xyutj win Elí chi yaln wach' paxti 'a yib'n̈ eb' 'a junjn ab'il.

Chuj San Mateo Bible

²⁰ Yuj chi', ix yal vach' lolonel vin̈aj Elí d'a yib'an̈ vin̈aj Elcana yed' ix Ana chi', ix yalan vin̈ icha tic: Yac'ocab' uninal Jehová yed' ix etb'eyum tic sq'uexuloc vin̈ unin ix yac' ix d'a Jehová, xchi vin̈. Ix lajvi chi', ix meltzaj eb' d'a spat.

A Ch'an̈ B'ab'el Libro Samuel 2:20 Referans Kwoze

Lc 2:34

Xlajw cha, 'ix sc'ann Simeón swach'c'ojlal Dios 'a yib'n̈ eb'. 'Ix yaln 'ixtc 'a María, atn snun Jesús: —'Ab'i, a jun tz'ulc 'unn tic checl xon yaji, to niwn eb' quit israelal 'oj somchjc 'el snab'en yu'uj. Niwn pax eb' 'oj b'o snab'en yu'uj. A 'oj ch'oxnoc tas tz'aj eb' scolchji, palta niwn eb' 'oj patquilnc can 'eli.

A Ch'an̈ B'ab'el Libro Samuel 1:11

Xya'n can 'ix sti 'a Jehová 'ixtic: Mamin Jehová caw wal tztac' oj smasnil. Toto smoj wal eln 'och in cusc'ojlal an a checb' in tic, tzin a nan coti. Comnoc tz'el wal a c'ojl a'n junc wune winc 'unin. A jun wune cha, tzwac' pax eco'oc 'a smasnil tiempo yic tzach ya'n servil. Ma'oj joxxoc 'el xil sjolom, sec a tzch'oxn 'eli to ec yaji, xchi 'ix.

Rt 4:11

'Ix ta'w eb' yichm wincal chon̈b' cha, yet' smasnil eb' 'ayc' cha, 'ix yaln eb' 'ixtic: —Tic tzquila, testigo tzon̈ 'ajcni. Ya' cab' Jehová syaxilal 'a yib'n 'ix 'ix tz'ochcn 'a yol atut cha. Lajn cab' 'oj 'el'chc 'ix 'icha 'ix Raquel yet' 'ix Lea, 'a 'aj cotnn̈c quin̈tl an̈ israel on̈c tic. An̈jtona pax ach tic, niwn cab' tz'aj a b'inax 'a yol yic Efrata yet' 'a Belén.

Rt 2:12

A Jehová a 'oj 'a'nc spac 'ayach, yuj smasnil a wach'c'ojlal. 'Ajx cab' spac a wach' nab'enal yuj Jehová qui Diosal an̈ israel on̈ tic on̈, jun 'aj tzach jaw wul a col a b'a, xchi Booz.

Gn 14:19

'Ix yaln wach' paxti 'a yib'n̈ Abram 'ixtic: Ya' cab' Dios swach'c'ojlal 'a eb'an̈, atn Dios to Cojxn Niwn Yel'chi, a xb'on satcha'an̈ yet' lum lum tic.

Malaquías 2:15

¿Tom man̈oc Dios 'ix 'a'n e mojc e b'a sec junn̈j niwnal tzex 'ajcni, yet' junn̈j pax espíritu 'aych 'ayex? ¿Tas snab'en Dios yuj cha, 'ixta xyutj tze na'a? 'Ixta xyutej, sec a eb' eyunnal, yic pax tz'aj eb'. Yuj cha, tan̈wjec e b'a, man̈ eyac' sat e c'ojl 'a e ti eya'jnac 'a eyistzil eyijnac e b'a yet' 'a yic quelmal.