A Ch'an̈ B'ab'el Libro Samuel 2:1 - Chuj San Sebastian Bible

¹ 'Ix leslwi 'ix Ana 'ixtic: ¡Mamin Jehová, caw wal tzalj in c'ojol! Ach 'ix ac' wip, yuj cha, tzin tzalj 'ayach. Tzax stac' waln 'a eb' 'ajc'ojl yajch 'ayin, to ach colwj wet'oc.

Chuj San Mateo Bible

¹ Ix lesalvi ix Ana, ix yalan ix icha tic: Ste tzalaj val in c'ol d'a Jehová. A' ix ac'an vip. Ayxo tas syal valan d'a eb' ayoch ajc'olal d'ayin, yujto a Jehová ix och ved'oc. Yuj chi' tzin tzalaj val ticnaic.

A Ch'an̈ B'ab'el Libro Samuel 2:1 Referans Kwoze

Salmos 13:5

A 'a chamc'ojlal Mamin, a tzwa'ch yipc in c'ojol, caw tzalj in c'ojol, yujto ach tzin a colo.

A Scarta San Pablo D'a Eb' Aj Filipos 4:6

Man̈ on̈ 'ochc 'il yuj junc tas. Jantcn̈ej tas tzqui na'ec, calc 'a Dios, tzon̈ leslwiec. A yic tzqui c'annec tas 'a 'a, yowlal tzca'c pax yuj diosal 'a 'a.

Salmos 92:10

Palta ach tza'ch wip 'icha no simron wacax, ach 'ix ac' in tzaljc'ojlal.

Salmos 89:17

Yujto ach ton wal tzac' quip on̈, yuj a wach'c'ojlal tza'n cac' ganar on̈.

A Scarta San Pablo D'a Eb' Aj Filipos 4:4

Tzalj coyc 'a Cajlil 'a smasnil tiempo. Tzwaln pax jun 'ejm xo, caw tzalj coyec.

Salmos 20:5

'Oj qui tzalji yic 'oj 'ejmc eb' 'ajc'ojl o'oj, ax qui'n chan̈ qui bandera 'a sb'i qui Diosal. Ya' cab' Jehová smasnil tas tza c'an 'a 'a, xchi eb' chon̈ab'.

Salmos 9:14

To 'ixta', 'oj wal-l 'a 'aj tz'och eb' 'anma 'a spuertail Jerusalén, to ach tic smoj wal yalx wach' paxti 'ayach. Caw tzin tzalj ticnec, yujto in a colcn 'eli.

Salmos 35:9

Toto 'ixta', 'oj in can 'a tzaljc'ojlal o'oj, yujto ach tzin a colo.

A Scarta San Pablo D'a Eb' Aj Filipos 3:3

Palta an̈ec xo, a 'a sat Dios 'ac'b'iln̈ec xo circuncidar 'a yel, yujto tzcalc qui b'a 'a Dios 'a 'esal. An̈j 'a Cristo Jesús 'aj tzon̈ tzaljec. Ax jun tas tzb'o 'a qui niwnalec, matz ca'c 'och xon jac yipc qui c'ojol.

Ro 5:11

Man̈ cojnoc yuj jun tzo'n̈ tic tzon̈ tzaljec, tzon̈ tzaljec pax 'a Dios yuj Cajlil Jesucristo, yujto yu'uj, junc'ojlal xoj cajc yet' Dios ticnec.

Salmos 118:14

Yuj cha, tzin b'itn 'a 'a, yujto a wip yaji. A 'in Colmal yaji.

Salmos 89:24

Chamc'ojlb'iln̈ej wu'uj, 'oj wac' 'el'choc tas xwal 'a 'a. Wu'uj ax sq'ue'ch yet' yopiso cha.

Ex 15:21

'Ix b'itn 'ix 'a yojltac eb' 'ix 'ixtic: B'itncoyec, qui'c chan̈ sb'i Jehová, yujto caw satjub'tac yilx xyutj ya'n ganar owal. 'Ix mucchj can 'ejm no chej 'a yol a', yet' smasnil eb' 'anma 'ay q'ue 'a yib'n̈ no', xchi María 'a sb'it.

Ex 15:1

Xlajw cha, 'ix sb'itnan Moisés jun b'it yet' smasnil eb' israel 'a yojltac Jehová, xyaln eb' 'ixtic: Caw wal tzon̈ b'itnec 'a Jehová yic tzqui'nec chan̈ sb'i, yujto caw wal satjub'tac 'ix yutj ya'n ganar owal. 'Ix mucchj can 'ejm no chej 'a yojl a mar yet' ewin 'et'jnac e no'.

A Sb'ab'el Carta San Pedro 1:8

Ax xo, wach'xam man̈x 'ic eyil Jesucristo, palta 'ay e chamc'ojlal 'a 'a. Matz eyila, palta tzeya'ch e c'ojl 'a 'a. Caw tzex tzalji. A wal e tzaljc'ojlal cha, caw niwn yel'chi, man̈ jantcoc swach'il.

Salmos 51:15

Mamin Jehová jac wal in ti', sec 'oj ach in b'itnoc yet' in wach' paxti'.

Salmos 18:2

'Icha to in n̈aq'uen aji, 'icha to in cuartel aji, in colmal ach, in Diosal ach, atn jun n̈aq'uen 'aj tzin col in b'a. Ach tzach wa'ch yipc in c'ojol, in tan̈mal aji, ach 'aych 'och wipoc, wen̈loc, yuj cha, matz in yamchj yuj eb' 'ajc'ojl yajch 'ayin.

Habacuc 3:1

An Habacuc in tic, schecb' in Dios, atn jun in lesl tic.

Salmos 75:10

A 'oj satnc 'el sb'an̈quinal eb' maysch'olnil, ax ya'n niwtjoc sjelnal eb' wach' sb'eyb'al.

Salmos 71:8

Smasnil c'u tzach in b'itnej, yic tzwi'n chan̈ a b'i.

Apoc 18:20

Palta ax xo ex 'aj satcha'an̈, tzaljan̈c yuj jun chon̈b' cha. Ex schecb' Jesucristo, yet' ex schecb' Dios, e masnil ex yic xo, tzaljan̈ec. Yujto eyu'uj, 'ix sb'eyc'ojlan Dios jun chon̈b' cha, 'ix ya'n syailal.

Lc 1:69

'Ix ya' cot jun qui Colmalec caw niwn spoder. A 'a scal eb' yin̈tl can David, win ya'mal servil, ata 'oj 'aljoc.

Nehemías 11:17

Junx winac tzcuch Matanías yunnal Micaía, yixchicn Zabdi; a smam yicham atn Asaf; a Asaf cha, a xjucb'tzan eb' xb'itn 'a pecti', atn eb' xb'itnan wach' paxti yet' alj yuj diosal 'a yorail lesal. A Bacbuquías a schab'l yajl yaj 'a scal eb' yican. Junx win tzcuch Abda yunnal Samúa, yixchicn Galal; a smam yicham atn Jedutún.

Dt 33:17

Caw wach' yilx eb' yin̈tl José, 'icha junc sb'ab'l 'unnal junc no quelm wacax, caw jelan. 'Ay yip 'icha junc no simrón wacx caw niwc sch'a'ac. 'Oj stec smasnil chon̈ab', masnto 'aj tzlajw c'och yolyib'n̈q'uinl tic. A sch'ac chi tzch'oxn 'eli to caw 'ay yip, atn smil-l sb'isl eb' yin̈tl Efraín, yet' smil-l sb'isl eb' yin̈tl Manasés, xchi.

Job 16:15

Caw wal tzin cus si'mb'il, xwa'n 'och jun tzo'n̈ in n̈achtac pichl yuj cusc'ojlal, ax smasnil tas 'ay 'ayin, c'uxn 'ix lajw 'ejmi.

Salmos 148:14

A 'ix 'a'n qui jelnal an̈ schon̈b' on̈c tic, sec tzon̈ b'inaxec an̈ yiclum on̈c tic, yujto an̈ yin̈tl on̈c Israel tic, an̈ on̈ yijec 'ochch 'a stz'ey. ¡Alx cab' wach' paxti 'a Jehová!

A Ch'an̈ B'ab'el Libro Samuel 1:6

Caw tu tzyal 'ix Penina chi 'a 'ix yic tzya'n 'ix cus sc'ojl 'ix Ana cha, yujto may junc yune 'ix tzyac' Jehová.

A Ch'an̈ B'ab'el Libro Samuel 1:7

'Ixtan̈ej tzyutj sb'a 'a junjn ab'il, a yic tzxit'c eb' 'a scajnub' Jehová. A 'ix Penina cha, caw wal tzb'uchwj 'ix 'a 'ix Ana cha, yuj cha, caw tz'oc' 'ix, man̈xtzac wa 'ix.

2 Cr 20:27

Xlajw cha, 'ix b'ab'lj Josafat, caw wal tzaljc'ojlal 'ix meltzj yet' eb' 'ay 'a Judá yet' eb' 'ay 'a Jerusalén. A Jehová x'a'n stzaljc'ojlal eb', yujto 'ix colchj 'el eb' 'a yol sc'ab' eb' 'ajc'ojl cha.

Salmos 21:2

'Ix ac' 'el'choc tas tznib'ej, ma'ix a tenc' tas 'ix sc'ana.

Salmos 89:18

Ach 'ix ac' jun qui Colmal on̈. Ach qui Diosal on̈, Cojxn ach toni, ach 'ix a sic' 'elt jun qui reyl on̈.