A Ch'an̈ B'ab'el Libro Samuel 19:5 - Chuj San Sebastian Bible

⁵ yujto eljnac, ya'jnac sq'uinl 'a yol sc'ab' chamel yic smiln cham win Goliat. 'Ixta yutjnac Jehová on̈ scolni. Ach xo tic, caw ach tzalji yic eln jun cha. ¿Tas yuj tza'ch a b'a 'a miln cham win 'a nab'an̈ej? xchi.

Chuj San Mateo Bible

⁵ Ix ila' to ix sb'ec sb'a vin̈ schami ayic ix smilancham vin̈ filisteo vin̈, icha chi' ix aj scolchaj co chon̈ab' tic yuj Jehová. A jun chi' ix il val. Ix ach te tzalaji. ¿Tas yuj tza na' a milcham vin̈, ina to malaj jab'oc smul vin̈ d'ayach? xchi vin̈.

A Ch'an̈ B'ab'el Libro Samuel 19:5 Referans Kwoze

1 Cr 11:14

palta ax eb' schawn̈il, a 'a scal 'ixm cebada chi x'och lin̈n eb' scol sb'a. 'Ix 'ajx ganar eb' filisteo chi yuj eb', yujto a Jehová 'ix 'a'n yac' ganar eb'.

A Ch'an̈ B'ab'el Libro Samuel 11:13

Palta xyaln Saúl 'ixtic: —A 'a jun c'u tic, may junc 'anma tztac' schami, yujto a Jehová on̈ colnec 'el ticnec, xchi.

Mt 27:4

Yuj cha, xyaln 'ixtc 'a ewinac: —Caw x'och in mul, yujto xwa'ch jun winc chi 'a yol sc'ab' chamel, palta may jac smul, xchi 'a ewinac. Palta xyaln ewin 'ixtic: —An̈ xo tic on̈ jun, ¿tom 'ay caln quic 'a a mul chi 'on̈? Mun 'oj a na', tas tzotj a b'a yuj jun ec cha, xchi ewinac.

A Ch'an̈ B'ab'el Libro Samuel 20:32

—¿Tas yuj 'oj chamoc? ¿Tas smul x'ochi? xchi Jonatán cha.

Jueces 9:17

Yujto a win in mam cha, 'ix yac' win owl eyu'uj, yic ex scoln can 'el win 'a yol sc'ab' eb' 'aj Madían.

A Tas Sc'ulejnac Eb' Schecab' Jesús Hechos 20:24

Palta a jun tzo'n̈ cha, matz in 'och 'il yu'uj. Wach'xam 'oj in cham yuj eb', palta may yel'ch jun chi 'a in sat. Cojxn tzin na'a, to tzwa'cn lajwc jun in munljel yamb'il 'och tic 'a tzaljc'ojlal, ax slajw wopiso ya'jnac Cajlil Jesús 'ayin, yic tzwaln 'el wach' 'ab'x yic schamc'ojlal Dios.

Salmos 119:109

'Ayn xo 'ec' 'a yol sc'ab' chamel, palta man̈ yujoc cha, sat in c'ojl 'a a cuynb'il.

A Ch'an̈ B'ab'el Libro Samuel 28:21

A yic xyiln jun 'ix chi win Saúl cha, to somchjnacx 'el snab'en, 'ix yaln 'ix 'a win 'ixtic: An a checb' in tic, xin yiclj smasnil tas xala, wach'xam 'ay smay in cham yuj tas xin b'o tic.

A Scarta San Pablo D'a Eb' Aj Filipos 2:30

A jun cu'tac tic, jab'xoj wal ma'ix chami, yujn̈ej to wan ya'n servil Cristo. Wach'xam 'ijn xchami, yujto wan in ya'n servil 'a tic, palta ma'ix sna jab'oc, toto tzchami. Ax xo tic, matz tac' in wul eya'nc servil, yuj cha, a 'ay cot in wul yac' servil 'a tic e jeloc.

Jn 15:25

Palta 'ixtn tic tz'aj yel'ch jun tzo'n̈ tic, sec tz'el'ch tas tz'ib'b'il can 'a ch'an̈ ley 'aj tzcob' ya'ch eb' snab'en. 'A 'aj tzyal 'ixtic: Tzcomn chichn 'och eb' 'ayin, xchi 'a Ch'an̈ U'un̈.

Mt 27:24

Ax 'ix yiln win Pilato cha, to matz yac' ganar win scoln Jesús, ton̈j xwach' q'ue somnjoc eb' 'anma chi yaln yu'uj. Yuj cha, xya'n win 'ijxc cot jab' ya'al, 'ix sb'icn 'el win sc'ab' 'a sat eb' 'anma chi smasnil. 'Ixta xyutj win sch'oxn 'a eb', to man̈ locnoc xon win yet' eb', 'ix yaln pax win 'a eb' 'ixtic: —An tic, may waln wic 'a schaml jun tojl snab'en tic. A jun tze b'o tic, mun eyic e ch'ocoj, xchi win 'a eb'.

Jeremías 26:15

Palta 'ojquejec 'el wal jun tic si'mb'il: Toto ax tic yet' eb' 'anma tic, tzin e mil chamoc, 'oj 'och jun tic e muloc, yujto tze mil cham jun mach to may jac smul. Yujto caw yel, a Jehová x'a'n wal-l smasnil jun tzo'n̈ paxti xwala, xin chi.

Salmos 69:4

'Ec'b'al sb'isl eb' tzcomn chichn 'och 'ayn 'icha sb'isl xil in jolom; caw xjelnb'i eb' 'ajc'ojl yajch 'ayin. Wach'xam may in mul, palta tznib'j eb' tzin smil chamoc, tznib'j eb' tzc'an meltzjoc tas 'ayn 'a nab'an̈ej, palta may tas wel'jnac.

A Ch'an̈ B'ab'el Libro Samuel 14:45

Palta 'ix yaln eb' chon̈b' 'ixtc 'a Saúl: ¡Tom tztac' scham Jonatán, yujto yuj winac on̈ colchji! ¡Man̈ smojc 'ixta'! Yojc wal Jehová to may 'oj 'i'noc Jonatán tic, yujto a Dios 'ix yamc'ab'n winac, xchi eb'. 'Ixta 'ix yutj eb' chon̈b' scoln can 'el Jonatán. Yuj cha, ma'ix chami.

Jueces 12:3

'Ix wilni to ma'ex jaw colwj quet' on̈, yuj cha, 'ix wa'n in b'a 'a yol sc'ab' chamel, yic xca'n owl yet' eb' amonita chi 'on̈. Ax Jehová a 'ix 'a'n eb' 'a yol qui c'ab' on̈ yic xca'n ganar eb' on̈. ¿Tas pax yuj tzex jaw wul eyac' owl wet' ax tic? xchi 'a eb'.

A Ch'an̈ Carta D'a Eb' Hebreo 2:3

Toto 'ixta x'aj eb' cha, ¿tast wal 'oj cutquec qui coln qui b'a an̈ec tic, toto tzquijec 'el qui nab'en 'a jun qui colnb'il caw niwn yel'ch tic? Caw a Cajlilec, a b'ab'l aljnac yab'xil qui colnb'ilec tic. Ax eb' 'ab'jnac, sch'oxjnac 'el eb' chajtlto caw niwn yel'ch jun 'ab'x tic, xyaln pax eb' 'ayn̈ec.

Ex 14:13

'Ix ta'w Moisés 'ixtc 'a eb' 'anma cha: —Man̈ ex xiwoc, te'wtzejc e b'a, 'oj eyila' tas 'oj yutc colwjoc sb'a Jehová quet'ec, yujto man̈x 'a xon b'a'n̈ 'oj eyilch jun tzo'n̈ 'aj Egipto tic, cojxn̈ej ticnec tzeyilcn 'och eb'.

Salmos 25:3

Wojtac, to a smasnil eb' tzach 'a'n 'och yipc sc'ojol, may xon b'a'n̈ 'oj 'el sq'uixwel eb'. 'El cab' sq'uixwel eb' ton̈j tzcomn meltzj 'och 'aych 'a nab'an̈ej.

A Ch'an̈ B'ab'el Libro Samuel 19:6

A yic xyab'n Saúl yuj tas wach' xyal Jonatán 'a 'a, 'ix yaln 'ixtic: —Tzwac' in ti 'a Jehová, to ma'oj wac' milxoc David, xchi.

A Ch'an̈ B'ab'el Libro Samuel 22:14

Yuj cha, xta'w Ahimelec 'a win rey chi 'ixtic: —¿Mach wal junc 'a scal eb' a checb' tic mamin rey to caw yiclum 'icha David? Yet' pax caw a n̈i winac, yajl pax yaj win 'a eb' soldado tzach tan̈wni, caw tz'ijx chan̈ sb'i win 'a yol a despacho.

A Ch'an̈ Schab'l Libro Samuel 23:10

Palta te'nn̈ej 'ix yutj sb'a, 'ix smil cham win eb' filisteo, masnto 'ix c'unb' c'och sc'ab', 'ix cancn t'un̈n sc'ab' win 'a yespada. A jun c'u cha, 'ix c'anlb'ax win yuj Jehová yic xya'n ganar jun owl cha. Xlajw cha, 'ix meltzj smasnil eb' soldado 'a 'aj 'aycn Eleazar cha, yic tzwul yi'nc can 'ec' eb' smasnil tas 'ix can yuj eb' 'ajc'ojl cha.

Salmos 94:21

Tu tas tzna eb' 'a spatquil eb' tojl snab'en, tzlaj ya'nc 'och eb' chaml 'a yib'n̈ eb' may smul.

1 Cr 11:18

Yuj cha, ax eb' 'oxwn̈ soldado caw jeln cha, 'ix 'och eb' 'a scamplamento eb' filisteo, 'ix 'at slechnc q'uet eb' a 'uc'b'ila 'ay 'a sti spuertail Belén cha, 'ix yi'n cot eb' a 'a David. Palta ma'ix yal sc'ojl David to xyuq'uej, ton̈j sec 'ejm ofrendail 'a Jehová.

Salmos 109:5

A 'in wach' nab'enal 'a eb', tu tzyutj eb' spacn 'ayin, ax spac in chamc'ojlal 'a eb', to tzin schacl eb'.