A Ch'an̈ B'ab'el Libro Samuel 17:26 - Chuj San Sebastian Bible

²⁶ Yuj cha, sc'anb'n David 'a eb' 'ayc 'a stz'ey chi 'ixtic: —¿Tas tz'ajx 'a junc win tzmiln cham jun filisteo tic, sec tz'och wan sb'uchwj 'ayn̈ an̈ israel on̈c tic? ¿'Aj xcot jun filisteo cha, jun chuc chon̈b'al cha, yuj cha, tzb'uchwj 'a eb' soldado yic jun Dios pitzan? xchi.

Chuj San Mateo Bible

²⁶ Ix sc'anb'an vin̈aj David d'a eb' ayec' d'a stz'ey: —¿Tas tz'ac'ji d'a junoc mach tz'ac'an ganar smilancham vin̈ filisteo chi', yic syactej vin̈ on̈ sb'uchani? ¿Tas yaj jun vin̈ ch'oc chon̈ab'il chi', yuj chi' sb'uchvaj vin̈ d'a eb' soldado yic Dios Pitzan? xchi vin̈.

A Ch'an̈ B'ab'el Libro Samuel 17:26 Referans Kwoze

A Ch'an̈ B'ab'el Libro Samuel 11:2

'Ix ta'w Nahas chi 'ixtic: —Tzin b'o jun in trato eyet'oc, cojn toto tzchaj e c'ojl wi'n 'elt junjnoc yol e sat 'a e wach' junjn ex, sec 'ixta 'oj 'aj yel e q'uixwel yet' eb' eyit israelal, xchi.

Dt 5:26

Toc 'ay junc 'anma tz'ab'n spaxtin Dios pitzan, 'icha wal xcutjec cab'n spaxtin 'elt an̈ec tic 'a scal c'ac', to matz chami.

A Ch'an̈ B'ab'el Libro Samuel 17:36

Yuj cha, an a checb' in tic, wach'xam león, mto oso, cojnto tojln̈ej scham wu'uj. Ax jun filisteo chuc chon̈b'al tic, lajn 'oj wutc 'icha wutjnac e no cha, yujto tzb'uchwj 'a eb' soldado yic jun Dios pitzan.

A Ch'an̈ B'ab'el Libro Samuel 17:10

A wal 'a yic jun c'u tic, tzwaln eyab' ex israel: ¡Checc cot junc winc 'a e cal cha, yic tzwul ya'nc owl wet'oc! xchi.

A Ch'an̈ B'ab'el Libro Samuel 14:6

Xyaln Jonatán 'a win 'et'jnac syamc'ab' yic owl chi 'ixtic: —Cotan̈, 'e'con̈ 'a junx c'axp 'ec' cha, ax qui c'och 'a 'aj 'ay yet'l eb' chuc schon̈b' cha. Toq'ue 'oj colwjoc Jehová quet'oc, yujto a Jehová, may yajltacl on̈ scolni, wach'xam niwn qui b'eyi, mto jaywn̈ej qui b'eyi, xchi.

A Ch'an̈ Schab'il Libro Yic Yab'ixal Eb' Rey 19:4

Comnoc wal 'ix yab' Jehová qui Diosalec jun tzo'n̈ paxti 'ix yal win syajlil eb' soldado yic win sreyl chon̈b' Asiria checb'il cot yuj win rey yic tzb'uchwj 'a qui Diosal pitzan. Comnoc tzya'ch Jehová yailal 'a yib'an̈. Yuj cha, leslwan̈ cuj on̈, yuj jaywn̈ on̈ to tzon̈ cani, xchi Ezequías, xchi eb'.

Dn 9:16

Mamin, cojc wal si'mb'il on̈, to tza b'on̈j tas tzala. Yuj cha, 'el cab' wal 'a a c'ojol, to tzej 'el yailal yet' yowl a c'ojl 'aych 'a yib'n̈ chon̈b' Jerusalén, yujto a chon̈b' yaji, ecn̈ej yaj lum tzaln Sión. Smasnil nacion̈ 'ay 'a stz'ey, caw tzb'uchwj eb' 'a jun chon̈b' tic. Yuj wal qui mul on̈, yet' yuj smul eb' qui mam quichm on̈, 'ixta tz'aji.

Jeremías 10:10

A Jehová, atn jun Dios pitzan, caw Rey 'a jun 'ejmn̈ej. A yic tzcot yowal, caw tz'ib'x lum lum tic yu'uj. Man̈xtzac stac' ste'wtzan sb'a jun tzo'n̈ nacion̈ 'a yowl sc'ojl cha.

Salmos 79:12

Ach Cajlil on̈, uc 'ejm cab' tzac' spac jun tic 'a eb' 'anma cajn 'a qui la'nil tic on̈, yujto caw ya yaln eb' b'uchwal paxti 'ayach.

Salmos 44:13

On̈ a'cn 'och b'uchnb'ilal 'a eb' 'anma cajn 'a qui tz'ey on̈. Caw tzon̈ stzuntzj eb' on̈, may jac quel'ch 'a sat eb' on̈.

Nehemías 5:9

Xwaln pax jun 'ejm xo 'a eb' 'ixtic: A jun tas wan e b'on tic man̈ wach'oc. Smoj to tze ch'oxli to niwn yel'ch qui Diosalec 'a e sat, sec wach' man̈xtzac b'uchwj jun tzo'n̈ nacion̈ 'ajc'ojl yajch 'ayn̈ec.

1 Jn 5:20

An̈jtona', cojquec paxi, wulnc 'ec' Yunnal Dios 'a yolyib'n̈q'uinl tic. A xjacn qui nab'enec, sec wach' tzcojquejec 'el Dios caw yel. Yuj cha, junn̈j cajc yet' jun caw yel cha, atn Jesucristo Yunnal. A jun cha, caw yel Dios. A tz'a'n qui q'uinlec 'a jun 'ejmn̈ej.

1 Ts 1:9

Yujto smasnil eb', wan laj yalnc eb' eyab'xil, chajtlto wach' e chajnacn̈ on̈, yic quec' 'ayx on̈. Wan yaln pax eb', chajtl eyutjnac eyactn can jun tzo'n̈ eyaljnac 'och e diosaloc, eyamn 'och eya'n servil Dios pitzan, atn Dios caw yel.

Jl 2:19

ax yaln 'ixtic: 'Oj wac' e trigo, yal eyuva, eyaceite, masnto 'oj e b'ut'ji. Man̈x 'oj wac' b'uchwjoc eb' chuc chon̈b'al 'ayex.

Salmos 74:18

Mamin Jehová, na coti chajtlto a eb' 'ajc'ojl yajch 'ayach, caw tzach stzuntzj eb', tzlaj yal eb' tu paxti 'ayach, tzach sb'uchn pax eb'.

A Ch'an̈ B'ab'el Libro Samuel 17:30

Xlajw cha, xyi'n 'el sb'a 'a stz'ey jun yu'tac cha, 'ix 'at sc'anb'noc 'a junx winac. An̈jtona 'icha x'aj yalx 'a b'ab'el, 'ixta x'aj yalx pax 'a 'a.

A Ch'an̈ B'ab'el Libro Samuel 31:4

Yuj cha, 'ix yaln 'ixtc 'a win schecb' 'et'jnac syamc'ab' tzmacn sat jul-lab': —'Ij q'uet espada, tzin a tecn cham yet'oc, sec a jun tzo'n̈ chuc chon̈b'al tic, ma'oj tzaljoc eb' in smilni, xchi Saúl. Palta ax win 'et'jnac syamc'ab' cha, ma'ix syiclj tas xyala, yujto caw tzxiw winac. Yuj cha, xyi'n q'uet Saúl chi yespada, sjuln 'ejm lachn̈joc sb'a 'a yib'n̈ q'uen espada cha.

Jeremías 9:25

'Ix yaln pax Jehová 'ixtic: Wan sjaw stiempoal yic 'oj wa'nc 'och syailal eb' 'aj Egipto, eb' 'aj Judá, eb' 'aj Edom, eb' 'aj Amón, eb' 'aj Moab, yet' eb' cajn 'a lum cusltac lu'um, atn eb' tzjoxl xil sjolm 'a spac'b'il sjolom. A smasnil jun tzo'n̈ 'anma tic, tzcob' ya'ch eb' yechl circuncisíon 'a sniwnal, palta matz yac' eb' 'emmquilal 'ayin. An̈jtona pax eb' israel, tzcob' ya'ch eb' yechl circuncisión 'a sniwnal, palta matz yiclj eb' jun in trato tzch'ox jun yechl cha, xchi Dios.

Ez 28:10

An Jehová in, an tzwala to yol sc'ab' eb' chuc chon̈b'al 'aj 'oj a chami, 'icha tz'aj scham eb' 'anma tu sb'eyb'al, xchi Dios, xa chi 'a win sreyl Tiro cha, xchi 'ayin.

Josué 3:10

A yuj tas 'oj ch'oxxoc eyila', ax snachj 'el eyu'uj, to a jun Dios pitzan a 'ayc' 'a qui calec. A 'oj 'i'noc 'el jun tzo'n̈ eb' 'anma 'ay 'a jun tzo'n̈ lugar 'aj 'oj queq'uec: atn eb' cananeo, eb' hitita, eb' heveo, eb' ferezeo, eb' gergeseo, eb' amorreo yet' eb' jebuseo.

2 Cr 32:17

An̈jtona', 'ix stz'ib'j to 'at rey Senaquerib chi scarta yic tzb'uchwj 'a Jehová sDiosal chon̈b' Israel, 'a 'aj tzyalb't 'ixtic: 'Icha jun tzo'n̈ sdiosal jun tzo'n̈ nacion̈, toxn ma'ix stac' scoln 'el eb' schon̈b' 'a yol in c'ab', an̈jtona', 'ixta pax sDiosal Ezequías, toxn ma'oj stac' scoln 'el schon̈b' 'a yol in c'ab', xchi 'a ch'an̈.

Is 37:23

¿Mach jun 'aj tu 'ix ala, 'ix a xib'tn paxi? ¿Mach jun 'aj niwquil 'ix otj yol a jaj, xa jun a sat 'a 'a? Atn 'ayn an Dios in to Cojxn in.

Dn 5:23

A eco', to 'ix a b'an̈ a b'a 'a sat jun sYajlil satcha'an̈. 'Ix a'n 'ijxoc cot 'a ojltac jun tzo'n̈ svaso 'ayc' 'a yol yatut. Ach xo tic yet' smasnil eb' 'awtb'il cot o'oj, 'ix o'j 'an̈ yet' eb' 'a yojl jun tzo'n̈ vaso cha. 'Ix aln wach' paxti 'a jun tzo'n̈ comn dios nab'a plata, oro, bronce, hierro, te', yet' q'uen q'ue'en, atn jun tzo'n̈ matz tac' xon yilni, matz yab'i, may jac yojtac. Man̈oc 'a Dios 'aj 'ix al wach' paxti', palta ticni a 'a yol sc'ab' 'ayc' a q'uinal, a tzach 'i'n b'eyc'oc.

Dn 6:27

A Dios tic, caw tzcolwji, a tz'a'n 'el pax junc mach 'a libre. A tzch'oxn jun tzo'n̈ satjub'tac yilx 'ay 'a satcha'an̈, yet' 'a sat lum tic. A xcoln 'el Daniel 'a yol sc'ab' e no león, xchi win rey cha.