A Ch'an̈ B'ab'el Libro Samuel 16:4 - Chuj San Sebastian Bible

⁴ 'Ix syiclni Samuel sb'on tas xyal Jehová. Ax yic xc'och 'a Belén, 'ix 'elt eb' yichmtac wincal chon̈b' chi scha sc'och yet' xiwc'ojlal, 'ix yaln eb' 'ixtic: —¿Tas tzwul a b'o'? ¿Tzaljc'ojlal mto cusc'ojlal? xchi eb' 'a 'a:

Chuj San Mateo Bible

⁴ Ix sc'anab'ajan vin̈ tas ix yal Jehová chi'. Ayic ix c'och vin̈ d'a Belén, ix ul chaji vin̈ d'a xivc'olal yuj eb' yichamtac vinaquil chon̈ab' chi', elan̈chamel ix sc'anb'ej eb' d'a vin̈: —¿Tas tzul a c'ulej mamin? ¿Vach' am tas tzul a c'ulej? xchi eb' d'a vin̈.

A Ch'an̈ B'ab'el Libro Samuel 16:4 Referans Kwoze

A Ch'an̈ B'ab'el Libro Yic Yab'ixal Eb' Rey 2:13

'Ix 'at Adonías yune 'ix Haguit 'at sc'umc 'ix Betsabé, snun Salomón. 'Ix sc'anb'n 'ix 'ixtc 'a 'a: —¿Junc'ojlal am yaj a nab'en tzach jawi? xchi 'ix. —N', xchi winac.

Lc 5:8

Yic 'ix yiln Simón Pedro jun cha, 'ix 'em cumn 'a yojltac Jesús, 'ix yaln 'ixtic: —Mamin, mamtzac ej 'el a b'a 'a in tz'ey, yujto an tic caw 'ajmul in, xchi.

A Ch'an̈ Schab'il Libro Yic Yab'ixal Eb' Rey 9:22

A yic schan sb'a rey Joram chi yet' Jehú, 'ix yaln 'a 'ixtic: —¿Junc'ojlal am tzach jaw Jehú? xchi. 'Ix ta'w Jehú 'ixtic: —¿'Aj 'oj ec' junc'ojlal, ya' sb'a a 'ix a nun Jezabel an̈j 'ijnoc yoch 'ix 'emmquilal 'a jun tzo'n̈ comn dios yet' sb'alwjumal? xchi Jehú.

A Ch'an̈ B'ab'el Libro Samuel 21:1

Xlajw cha, xc'och David 'a chon̈b' Nob, xc'och 'a 'aj cajn Ahimelec win ya'mal 'och sti eb' 'anma 'a Dios. A win Ahimelec caw tz'ib'x yuj xiwlal 'a yic xchan 'el'ch sb'a yet' David, 'ix yaln 'a 'ixtic: —¿Tas yuj a ch'ocj tzach jawi, 'in may junc mach ajun et'oc? xchi.

A Ch'an̈ B'ab'el Libro Yic Yab'ixal Eb' Rey 17:18

Yuj cha, 'ix yaln 'ix 'a Elías 'ixtic: —¿Tas waj et' ach schecb' Dios? ¿Tom yuj a'n in na cot in mul, yuj cha, xcham jun wune tic? xchi 'ix.

Lc 8:37

Ax eb' 'anma smasnil 'a yol yic Gerasa cha, 'ix tew 'och eb' 'a Jesús, sec tz'el 'a yol slugar eb', yujto caw tzxiw eb' yu'uj, yuj cha, x'ochx 'a yol barco yic tzpaxi.

Lc 2:4

Yuj cha, 'ix 'at José 'a Nazaret 'a yol yic Galilea, 'ix c'och 'a Belén, 'a yol yic Judea, 'a 'aj 'aljnac win rey David pecti'. A José cha, yin̈tl can winac. Yuj cha, yowlal ata x'at ta'.

Os 11:10

'Oj 'ochx tza'n eb' in chon̈b' wu'uj, ax yel waw 'icha no león. Yuj tz'el waw cha, ax scot eb' wunnal 'a 'aj tz'em c'u, caw wal tz'ib'x eb' yuj xiwlal ax sjaw eb' 'ayin.

Os 6:5

Yuj cha ex in satn 'eli, 'icha wutjnac wa'n yal eb' in checb' 'ayex. Yuj in paxti', ex in satn 'eli. Caw checl eyailal xwa'chi, lajn wal 'icha yoc c'u.

A Ch'an̈ Schab'l Libro Samuel 6:9

A wal 'a jun c'u cha, caw xiw David 'a Jehová, yuj cha, xyaln 'ixtic: ¿Tas to 'oj wutc wi'n 'at te scaxail strato Jehová tic 'a 'aj cajn in 'eq'ui? xchi.

Gn 48:7

A yic in meltzj 'a Padan-aram, ata xchamcn 'ix a nun 'a Canaán, yic jab'xoj in jaw 'a Efrata; ata 'ix in mucn a nun 'a sb'el Efrata, xchi Jacob. (A jun lugar cha, tzcuch Belén ticnec).

Gn 35:19

'Ixta wal x'aj scham 'ix Raquel, xmucx can 'ix 'a yol b'e yic Efrata, atn jun lugar chi Belén sb'i ticnec.