A Ch'an̈ B'ab'el Libro Samuel 15:6 - Chuj San Sebastian Bible

⁶ 'Ix ya'n Saúl alxoc 'ixtc 'a eb' ceneo: 'Eln̈ec 'a scal eb' amalecita, sec ma'oj ex qui satl yet' eb' on̈, yujto ax tic, 'o'nc 'och e c'ojl 'a eb' quit chon̈b' on̈ yic sjaw eb' 'a tic yic yelt eb' 'a lum Egipto, xchi. Yuj cha, xyi'n 'el sb'a eb' ceneo 'a scal eb' amalecita.

Chuj San Mateo Bible

⁶ Ix yalanb'at vin̈ d'a eb' quenita: —Elan̈ec d'a scal eb' amalecita, yic man̈ ol ex in satel yed' eb', yujto oc'nac e c'ool d'a eb' quetisraelal ayic sjavinac eb' d'a tic, ayic spetoj eb' d'a Egipto, xchib'at vin̈ d'a eb'. Elan̈chamel ix yiq'uel sb'a eb' quenita chi' d'a scal eb' amalecita chi'.

A Ch'an̈ B'ab'el Libro Samuel 15:6 Referans Kwoze

Jueces 1:16

A eb' yin̈tl Hobab win quenita, sn̈i Moisés, 'ix 'el eb' 'a jun schon̈b' 'aj til wal te palma, atn Jericó. 'Ix q'ue'ch eb' yet' eb' yin̈tl Judá, 'ix c'och cajn eb' 'a scal eb' 'anma cajn 'ec' 'a lum cusltac lum 'ay 'a yol yic Judá, atn lum 'ay 'a Neguev 'a stz'ey Arad.

Jueces 4:11

A 'a sla'nil Cedes cha, 'a 'aj 'ay te mach' yic Zaanaim, ata 'ay smantiado Heber win quenita, yujto tox 'ix spojl sb'a 'a scal eb' yit quenitail, atn eb' yin̈tl Hobab, win sn̈i Moisés.

Ex 18:19

'Ab' tas 'oj wala', a Dios 'oj colwjoc et'oc. Ach tzach 'och 'a yojltac Dios yuj eb' 'anma tic, tzaln 'a Dios yuj tas tz'el sb'on eb'.

A Ch'an̈ B'ab'el Libro Samuel 27:10

A yic tzc'anb'n Aquis junjn 'ejm 'ixtc 'a David: ¿Tas chon̈b'al xit' 'ac' lajwc ticnec? xchi. Atn 'a stojlal sur yic Judá, mto 'a stojlal sur yic Jerameel, mto 'a stojlal sur yic slum eb' ceneo, xchi David cha.

Jueces 5:24

A 'ix Jael yisl win Heber, win quenita caw wach' yic 'ix 'a yib'n̈ jun tzo'n̈ xo eb' 'ix. Caw wach' yic 'ix 'a yib'n̈ eb' 'ix 'ix 'ayc' 'a yoltc mantiado.

Apoc 18:14

'Oj yal eb' chon̈wjum chi yuj jun chon̈b' chi 'ixtic: —A wal jun tzo'n̈ tas nib'jub'tac yochi, 'ix satli. Jantcn̈ej ricoal, yet' jun tzo'n̈ xo tas wach', c'uxn 'ix sat 'ejm 'a jun 'ejmn̈ej, 'oj schic eb'.

2 Ti 1:16

Palta caw tzin nib'j tz'o'ch sc'ojl Cajlil 'a eb' 'ay 'a yol yatut Onesíforo, yujto niwn 'ejm xwul yac' sniwnal in c'ojol. Wach'xam preso waji, palta ma'ix q'uixw sjaw 'ayin.

2 Co 6:17

Yuj cha, yaljnac can pax Cajlil 'ixtic: 'Eln̈ec 'a scal eb', 'ijec 'el e b'a, man̈ eyam junc tas maysch'olnil. Toto 'ixta', 'oj ex in cha wico'oc.

A Tas Sc'ulejnac Eb' Schecab' Jesús Hechos 2:40

Til to wal tastc 'ix yal 'a eb'. 'Ix ya'n snab'enoc eb'. 'Ix yaln 'ixtic: —Colc 'elt e b'a 'a jun yailal 'oj jawc 'a yib'n̈ eb' 'anma maysch'olnil tic, xchi Pedro chi 'a eb'.

Pr 9:6

'Actjec can e man̈ nab'enal, sec wach' pitzn exn̈ej; b'eylb'ejc sb'eyb'al eb' 'ay snab'en, xchi eb' 'ix schecb' 'ix cha. A jun 'ix cha, tzyal 'el'chi, atn jelnal.

1 Cr 2:55

yet' pax junjn macn̈ eb' 'ajtz'ib' 'e'nc cajn 'a chon̈b' Jabes, atn eb' tirateo, simeateo yet' eb' sucateo. Atn eb' quenita tic cotnc 'a yin̈tl Hamat, atn smam 'ichm can Recab.

Nm 16:34

A yic xyab'n eb' chon̈b' chi yel yaw eb' 'anma cha, 'ix 'at eb' 'eloc, xyaln eb' 'ixtic: Comnoc matz on̈ sb'u'c 'ejm lum jun xo, xchi eb'.

Gn 18:25

Ma'oj stac' a b'on 'ixta', yic tza satn 'el eb' may smul yet' eb' 'ay smul, 'icha to lajn xoj eb' tzyal cha. Man̈ a b'o 'ixta'. Caw Yajl ach 'a yolyib'n̈q'uinl tic. Toc wal 'oj a b'o tas man̈ tojloc, xchi Abraham 'a Dios.

A Ch'an̈ B'ab'el Libro Samuel 15:5

Xlajw cha, 'ix 'at Saúl yet' eb' soldado, xc'och eb' 'a chon̈b' Amalec, axta sc'ub'j 'el sb'a eb' 'a jun niwn ch'olan.

A Ch'an̈ B'ab'el Libro Samuel 30:29

'a Racal, yet' 'a jun tzo'n̈ niwc chon̈b' 'a yol yic Jerameel, yet' pax 'a jun tzo'n̈ niwc chon̈b' 'a yol yic eb' ceneo,

Gn 15:19

Atn lum yic eb' ceneo, eb' cenezeo, eb' cadmoneo, eb' hitita, eb' ferezeo, eb' refaíta, eb' amorreo, eb' cananeo, eb' gergeseo yet' eb' jebuseo, xchi Dios.