A Ch'an̈ B'ab'el Libro Samuel 14:16 - Chuj San Sebastian Bible

¹⁶ Ax eb' macwjum 'aych yuj Saúl 'a Gabaa 'a yol yic Benjamín, ax xyiln eb' to caw sactzicnac yec' eb' filisteo chi 'elc yuj xiwlal.

Chuj San Mateo Bible

¹⁶ Axo pax eb' ayoch smaclej yuj vin̈aj Saúl chi' d'a Gabaa d'a yol yic Benjamín, ix yilan eb' to ix q'ue somnaj eb' filisteo chi' smasanil, van saclempax eb'.

A Ch'an̈ B'ab'el Libro Samuel 14:16 Referans Kwoze

Is 19:2

Yuj cha, xyaln Jehová 'ixtic: 'Oj wac' spoj sb'a eb' 'aj Egipto cha, ax laj ya'n junjn eb' owal: A eb' swach'c'ojl sb'a, 'oj yac' eb' owal; ax eb' chon̈ab', 'oj yac' eb' owl yet' yit chon̈b'al, ax ya'n eb' yajl owl yet' eb' yit yajlil.

Salmos 68:2

'Icha wal tz'aj satcn 'at tab' 'a scal 'ic', 'ixta tz'aj eb' satcn 'ati. Tz'ulb'x 'ejm eb' 'icha tz'aj yulb'x 'ejm no chab'ic' yuj c'ac'; 'ixta wal 'oj 'aj satcn 'el eb' maysch'olnil sb'eyb'al 'a yojltac Dios.

Salmos 58:7

Sat cab' 'ejm eb' 'icha tz'aj stup 'ejm a a tzb'eyi. Lajn cab' tz'aj eb' 'icha te c'ultc tzte'x yuj 'anma'.

A Ch'an̈ B'ab'el Libro Samuel 14:20

Xlajw cha, xya'n Saúl syam sb'a smasnil eb' chon̈b' ajun yet' cha, 'ix 'at eb' 'aj 'aych owl cha. Ax xyiln eb', to caw tox somchj 'el eb' filisteo cha, mun xoj a eb' tzmil cham sb'a.

Jueces 7:22

Ya' sb'a tzyutz'j eb' 'oxe ciente israel chi scacha, ax eb' soldado madianita cha, 'ix ya'n Jehová somchjoc eb'. Mun a eb' xlaj smil cham sb'a 'a scamplamento cha. 'Ay pax eb' xlaj 'at 'eloc, masnto xc'och eb' 'a Bet-sita 'a stojlal cot Serera, 'a sti smon̈jonal lum Abel-mehola 'a stz'ey Tabat.

A Ch'an̈ B'ab'el Libro Samuel 14:15

Smasnil eb' filisteo 'ayc' 'a yol scamplamento cha, yet' eb' pucnc 'el 'a spatquil 'eli, caw x'och jun niwquil xiwc'ojlal 'a eb', yet' eb' caw jeln 'a owal, caw xiw eb'. A wal 'a jun rato cha, 'ix 'ec' jun quixcab' 'a sat lum lum cha, 'ixtnta xyutj Dios ya'n cot jun niwquil xiwc'ojlal 'a scal eb'.

A Ch'an̈ B'ab'el Libro Samuel 14:17

Yuj cha, xyaln Saúl 'ixtc 'a eb' 'anma ajun yet' cha: —Sayc eyil 'a qui calc tic, tzeyilni mach junc man̈ 'ayc' 'ec' quet'ec, xchi. Ax yic sayn eb' yila', ax xyiln eb' to may Jonatán 'ayc' yet' jun schecab'.