A Ch'an̈ B'ab'el Libro Samuel 14:12 - Chuj San Sebastian Bible

¹² Xlajw cha, x'awj eb' 'a Jonatán yet' 'a jun schecb' chi 'ixtic: —¡Cotn̈ec 'aj 'ayn̈ 'ec' tic, 'ay jun tas 'oj cal eyab'i'! xchi cob' eb'. Yuj cha, xyaln Jonatán 'a jun schecb' chi 'ixtic: —'Ochn̈n̈ej tza'n wu'uj, yujto a Jehová a 'oj 'a'n 'och eb' 'a yol qui c'ab' an̈ israel on̈ tic, xchi.

Chuj San Mateo Bible

¹² A val d'a jun rato chi' ix avajemta eb' d'a vin̈aj Jonatán yed' d'a vin̈ yed'nac vin̈ chi': —Lemec, q'uean̈eccot d'a tic, ay jun tas ol cal eyab'i, xchi eb' filisteo chi'. Axo ix yalan vin̈aj Jonatán d'a vin̈ ajun yed' chi': —Ol ach q'uen̈ej tzac'an vuuj, yujto a ticnaic ol yac'och eb' filisteo tic Jehová d'a yol co c'ab' a on̈ israel on̈ tic, xchi vin̈.

A Ch'an̈ B'ab'el Libro Samuel 14:12 Referans Kwoze

A Ch'an̈ Schab'l Libro Samuel 5:24

A yic 'oj ab'nc sc'an̈ sb'eyc' jun 'icha 'anma 'a scal sc'ab' te bálsamo cha, 'ixta to b'i'an, tza yamn 'och ac' owl yet' eb', yujto a jun chi 'oj ch'oxnoc, chajtlto an Jehová in tic, b'ab'l inx o'oj, yic tzin miln cham eb' filisteo cha, xchi.

A Ch'an̈ Schab'il Libro Yic Yab'ixal Eb' Rey 14:8

Xlajw cha, schecn 'at Amasías schecb' 'a Joás sreyl chon̈b' Israel, yunnal win Joacaz, yixchicn Jehú. 'Ix yaln 'at 'a 'ixtic: Cotan̈, ca'lc qui b'a ca'n owal, xchi.

A Ch'an̈ B'ab'el Libro Samuel 14:10

Palta toto tzyal eb' 'ayn̈ 'ixtic: Cotn̈ec 'aj 'ayn̈ 'ec' tic, toto xchi eb', tzon̈ 'at 'aj 'ayc' eb' cha, yujto a jun cha, ch'oxnb'il 'oj 'aj 'ayon̈, chajtlto a Jehová tz'a'n 'och eb' 'a yol qui c'ab', xchi.

Jueces 7:15

A yic xyab'n Gedeón, tas tzyutj win chi ya'n spac swaych win yitb'eym cha, 'ix 'em cumn win yal yuj diosal 'a Dios. Xlajw cha, 'ix meltzj 'a 'aj 'ay scamplamento cha, ax yic 'ix c'ochi, 'ix yaln 'ixtc 'a eb' yit israelal cha: —Q'uen̈ec wan muc'uc, coyec, yujto tox 'ix yac' Jehová eb' madianita 'a yol qui c'ab'ec, xchi.

Jueces 4:14

Xlajw cha, xyaln 'ix Débora chi 'a Barac 'ixtic: —'Ixc muc'uc, yujto a ticnec xc'och sc'ul ya'n 'och Jehová win Sísara 'a yol qui c'ab'. B'ab'l xo s'at Jehová 'a cojltac, xchi 'ix. Xlajw cha, x'em paxt Barac 'a lum jolm witz Tabor, tza'n 'och lajn̈e mil soldado yu'uj.

Gn 24:48

Xlajw cha, 'in 'em cuman, 'ix waln wach' paxti yet' in lesl 'a Jehová, atn sDiosal in patron̈ Abraham, to a 'ix 'och wet'oc, yic in cot 'a yol b'e, wach' in 'aj in coti, yic tzwul wi'nc yistzil win yunnal in patron̈ 'a scal eb' yican.

Gn 24:42

'Ixta in 'aj in jaw 'a sti a 'uc'b'il a chi ticnec, 'ix waln 'a in lesl 'ixtic: Ach Jehová, sDiosal ach in patron̈ Abraham, toto yel 'aych 'och wet'oc, wach' 'oj 'aj 'el'ch jun in checnb'il tic.

Jueces 9:54

Yajn̈j wal cha, 'ix yawtn cot Abimelec jun win quelm soldado tztan̈wni 'a owal, xyaln 'a win 'ixtic: 'Ij q'uet a espada chi 'a yol yatut cha, tzin a tzu'n cham muc'uc. Matz in nib'j to 'oj alxoc, to 'ix tzin milni, xchi winac. 'Ix stecn 'och win quelm chi yespada 'a sn̈i sc'ojl winac, 'ix chami.

A Ch'an̈ B'ab'el Libro Samuel 14:13

Xlajw cha, x'at Jonatán 'a 'aj 'ayc' eb' filisteo cha, caw wal pa'n 'aj xb'ey 'a sat q'uen cha. A sc'ab' xcan toc'an yic xb'eyi, ste'wtzan pax sb'a yet' yoc, tza'n 'och jun schecb' chi yu'uj. Ax yic xc'och eb' 'a eb' 'ajc'ojl cha, a eb' tz'em yuj Jonatán, ax jun schecb' chi tzwach' miln cham eb'.

Jueces 7:14

'Ix ta'w win yitb'eym win chi 'a 'ixtic: —A jun pan cha, tzyal 'el'chi atn win Gedeón win israel yunnal Joás, a win yet' eb' soldado. A Dios 'oj ca'nec am 'a yol sc'ab' win yet' qui camplamentoec tic, xchi.