A Ch'an̈ B'ab'el Libro Samuel 13:6 - Chuj San Sebastian Bible

⁶ A yic xyiln eb' israel to matz techj yuj eb' 'a eb' filisteo, caw x'och xiwc'ojlal 'a scal eb'. 'Ix 'at eb' sc'ub'c 'el sb'a 'a yoltc n̈aq'ue'en, 'a yoltc xab', 'a sat q'ue'en, 'a slot'l tenam yet' 'a yoltc ch'olan.

Chuj San Mateo Bible

⁶ Ayic ix yilan eb' israel to max techaj yac'an oval eb' yed' eb' filisteo chi', ix xivq'ue eb'. Ix b'at eb' sc'ub'ejel sb'a d'a yoltac q'uen n̈aq'ueen, d'a scaltac vayumtac, d'a sattac q'uen tenam, d'a yoltac juntzan̈ jul yic a a' yed' d'a yoltac q'uen xab'.

A Ch'an̈ B'ab'el Libro Samuel 13:6 Referans Kwoze

Jueces 6:2

A eb' israel cha, caw 'ipn swach' 'ixtx eb' yuj eb' madianita. Caw wal tzxiw eb' 'a eb', yuj cha, sb'on eb' israel chi sjul 'aj tzc'ub'j 'el sb'a 'a spatc eb' lum niwc witz, 'a yojl n̈aq'ue'en, yet' 'ajtil caw 'ajltac sc'och 'anma'.

A Ch'an̈ Carta D'a Eb' Hebreo 11:38

Man̈ smojc 'e'nc eb' 'a yolyib'n̈q'uinl tic, yujto yel xo wal wach' eb'. A eb' cha, 'icha xoj meb'a'il 'ajnc yec' eb' 'a lum cusltac lu'um, yet' 'a tzalctac. Ata 'e'nc cajn eb' 'a yoltc n̈aq'ue'en, yet' 'a yoltc xab'.

A Scarta San Pablo D'a Eb' Aj Filipos 1:23

Matz nachj 'el wu'uj, 'aja wal junc wach'. Tzin nib'j tzin chami, sec tztac' tzin c'och mu'c 'a 'aj 'ayc' Cristo, yujto yel xo wach' wic 'ixta'.

Is 42:22

Yuj e tenmtaquil 'ix 'el'x 'at tas 'ay 'ayex, ex 'ijx 'at 'icha presoal e masnil, ex 'ajx 'ejm 'a yol lu'um. Caw ex lajw 'eli. Man̈x 'a mach ex coln 'eli. Ex 'el'x 'ati, man̈x 'a mach ex 'i'n 'ec' 'a eb' 'elc'm cha, xchi Dios.

A Ch'an̈ Schab'l Libro Samuel 24:14

Yuj cha, xyaln David 'a Gad 'ixtic: —Caw wal matz nachj wu'uj. Yel xo wach' tzon̈ canc 'a yol sc'ab' Jehová, yujto niwquil schamc'ojlal 'ayn̈ec; man̈oc cab' 'a yol sc'ab' eb' 'anma tzon̈ canec, xchi.

A Ch'an̈ B'ab'el Libro Samuel 24:3

A yic 'ix c'och Saúl yet' eb' soldado 'a jun lugar cha, ata 'ay jun scol-l no calnelu 'a sti b'e, ata 'ay pax jun q'uen n̈aq'uen 'a sla'nil cha. 'Ix 'och Saúl chuljoc 'a yojl q'uen n̈aq'uen cha, man̈ yojcoc toto ata chotn 'ec' David 'a yich 'ochch q'uen yet' eb' winc ajun yet'oc.

A Ch'an̈ B'ab'el Libro Samuel 23:19

Ax eb' cajn 'a Zif, 'ix 'at eb' paxtinc yet' Saúl 'a Gabaa, 'ix yaln eb' 'ixtc 'a 'a: —A David ata 'ayc' sc'ub'c 'el sb'a 'a qui lum on̈, 'a jun q'uen n̈aq'uen 'ay 'a jolm witz Haquila 'a Hores, 'a stojlal sur 'a chon̈b' Jesimón.

A Ch'an̈ B'ab'el Libro Samuel 14:11

Ax yic xch'oxn sb'a eb' schawn̈il 'a 'aj 'ay yet'l eb' filisteo macwjum cha, yic xyiln sb'a eb' 'a eb', 'ix yaln eb' filisteo chi 'ixtic: 'Iltec, yaj eb' hebreo 'a cha, wan laj yeltoc eb' 'a yol sjul 'aj sc'ub'jnac 'el sb'a, xchi eb'.

Jueces 20:41

Yuj cha, 'ix swach' te'wtzan sb'a eb' israel 'a yojltac eb' yic Benjamín. Ax eb' 'ajc'ojl cha, caw 'ix xiw eb' yuj tas 'ix jaw 'a yib'n̈ cha.

Jueces 10:9

Ax eb' 'aj Amón cha, 'ix c'axw 'ec' eb' 'a yol a Jordán yic tz'at ya'nc eb' owl yet' eb' yin̈tl Judá, eb' yin̈tl Benjamín yet' eb' yin̈tl Efraín. Caw wal tz'ixtx eb' chi yuj eb'.

Josué 8:20

Ax yic xmeltzj 'at q'ueln eb' winc yic Hai chi 'a spatquil, 'ix yiln eb' to wan sq'ue wan tocc'oc stab'l schon̈b' eb' stz'a'i, xq'ue'ch jun tab' chi 'a satcha'an̈. Man̈x 'a 'aj wach' scoln sb'a eb', ax eb' israel x'at 'elc 'a lum cusltac lum cha, 'ix meltzj eb' yac' owl chi yet' eb'.

A Ch'an̈ B'ab'el Libro Samuel 7:7

Ax xyab'n sb'a eb' filisteo to yamn eb' israel smasnil 'a Mizpa, yuj cha, 'ix cot eb' syajlil eb', yet' eb' soldado wul yac' owl yet' eb'. Ax xyab'n sb'a eb' israel cha, to wan scot eb' 'ajc'ojl chi 'a eb', yuj cha, caw xiw eb'.

A Ch'an̈ B'ab'el Libro Samuel 13:15

Xlajw cha, 'ix 'elx Samuel 'a Gilgal, 'ix c'ochx can 'a Gabaa 'a yol yic Benjamín. Ax Saúl 'ix sb'isn eb' soldado ajun yet' cha, 'aym waque'oc ciente eb' 'a smasnil.

A Ch'an̈ B'ab'el Libro Samuel 14:22

'Ixta pax smasnil eb' israel sc'ub'jnac 'el sb'a 'a lum jolmctac witz yic Efraín, 'ix yab' eb' chajtlto tz'at eb' filisteo 'eloc. Yuj cha, 'ix 'och tza'n pax eb' yuj eb', yic tzya'n eb' owl yet' eb',

Jeremías 41:9

A jun xab' 'aj xyac' 'ejm Ismael sniwnal eb' 'anma smil cham cha, atn jun 'aj tzyam sb'a a a 'ix yac' win rey Asa joyxoc, yic scoln sb'a 'a win Baasa sreyl Israel. A jun xab' cha, caw wal niwquil, palta 'ix b'ut'j yuj sniwnal eb' 'anma smil cham Ismael.

Ez 33:27

Al 'a eb', to an Jehová in, an tzwal 'ixtc 'a yib'n̈ eb': A eb' cajn 'a jun tzo'n̈ chon̈b' mac'b'il 'ejmi, 'oj cham eb' yuj owal. Ax eb' cajn 'a calte', a no calte'al noc' 'oj chinc eb', yet' pax eb' cajn 'a yoltc n̈aq'ue'en, a yab'il 'oj milnc eb'.

A Ch'an̈ B'ab'el Libro Samuel 31:7

Ax yic xyab'n eb' israel cajn 'ec' 'a sc'axpil 'ec' span̈nil Jezreel, yet' eb' cajn 'a span̈nil sti 'a Jordán, chajtlto 'ix 'at eb' soldado israel 'eloc, ax Saúl yet' eb' yunnal 'ix chamcn pax eb', yuj cha, 'ix yactn can eb' schon̈ab', 'ix 'at pax eb' 'elc jun xo. Xlajw cha, ax eb' filisteo chi 'ix c'ochcn cajn 'a schon̈b' eb' cha.