A Ch'an̈ B'ab'el Libro Samuel 12:6 - Chuj San Sebastian Bible

⁶ Yuj cha, xyaln pax Samuel 'ixtc 'a smasnil eb' chon̈b' cha: —A Jehová a si'n 'och Moisés, yet' Aarón yic yi'n 'elt eb' qui mam quichmec 'a lum Egipto.

Chuj San Mateo Bible

⁶ Ix yalanpax vin̈ d'a masanil eb' yetisraelal chi': —A Jehová sic'annaquel vin̈aj Moisés yed' vin̈aj Aarón ayic yic'annaquelta eb' co mam quicham d'a Egipto.

A Ch'an̈ B'ab'el Libro Samuel 12:6 Referans Kwoze

Miqueas 6:4

'In an wijnac 'elt eb' e mam eyichm 'a Egipto, in coln 'elt eb' 'a 'aj 'aych mosoal. An in checjnac 'at Moisés, Aarón yet' pax María, yic sjucb'tzax eb'.

Ex 6:26

Ax Aarón yet' Moisés, eb' tzb'inax 'a jun lista tic, atn 'a eb' 'aj 'ix yal Jehová, to a eb' tz'i'n 'elt smasnil eb' yin̈tl Israel 'a yol yic Egipto, 'a 'icha wal stzolil.

Salmos 105:41

Xya'n poj snan̈l q'uen niwquil q'ue'en, axta 'ix 'elt secnjoc a a'. 'Ix b'ey a 'a lum tacn̈ lum 'icha wal sb'ey a 'elmal a',

Salmos 99:6

A Moisés yet' Aarón 'aych eb' 'a scal eb' ya'mal 'och sti eb' 'anma 'a Dios. Ax Samuel 'ayc' 'a scal eb' xyal sb'a 'a Dios cha. A eb' tzyal sb'a 'a Jehová, tzta'w 'a eb', toto tzc'an eb' scolwal.

Os 12:13

A Jehová, a yet' jun schecb' 'ix yij 'elt chon̈b' Israel 'a Egipto. An̈jtona jun schecb' chi tztan̈wni jun chon̈b' cha.

Salmos 105:26

Yuj cha, 'ix schecn 'at eb' schecab', atn Moisés yet' Aarón, to caw a si'jnac 'el eb'.

Ex 6:27

A eb' xit'c paxtinc yet' win sreyl Egipto, atn Moisés yet' Aarón. A eb' xit' c'annoc 'elt eb' chon̈b' Israel 'a libre.