A Ch'an̈ B'ab'el Libro Samuel 10:20 - Chuj San Sebastian Bible

²⁰ Xlajw cha, 'ix ya'n Samuel snitz cot sb'a junjn 'in̈tal eb' yit chon̈ab', ax 'a yib'n̈ eb' yin̈tl Benjamín 'ix 'em jun suerte cha.

Chuj San Mateo Bible

²⁰ Ix lajvi chi' ix yalan vin̈ to snitzcot sb'a eb' yajalil junjun in̈tilal eb' israel, axo d'a yib'an̈ eb' yin̈tilal Benjamín ix em sorteo.

A Ch'an̈ B'ab'el Libro Samuel 10:20 Referans Kwoze

A Ch'an̈ B'ab'el Libro Samuel 14:41

Yuj cha, xyaln Saúl 'ixtc 'a Jehová: —'A'ch suerte 'a quib'n̈ wal 'a stojlal, mach x'och smul 'a qui cal tic on̈, xchi. Ax x'aji, a 'a yib'n̈ Jonatán yet' 'a yib'n̈ Saúl, ata x'em jun suerte cha, ax eb' chon̈ab', 'ix colchj can 'el eb'.

A Ch'an̈ B'ab'el Libro Samuel 10:19

Palta ax ticnec, 'ix e patquilj can 'el qui Diosalec, atn jun on̈ 'i'n 'elt 'a scal yailal, yet' 'a scal cusc'ojlal, yic xe c'ann jun qui reyl tzyac' yajlil 'a quib'n̈ec. Yuj cha, a ticnec 'ochn̈ec 'a yojltac Jehová, junjn 'in̈tal yet' junjn macn̈il tzex 'aj 'eyochi, xchi.

A Ch'an̈ B'ab'el Libro Samuel 10:21

'Ix yalni chajtlto tzwach' nitzj cot sb'a eb' yin̈tl Benjamín cha, ax 'a yib'n̈ eb' yin̈tl Matrí 'ix 'em jun suerte cha. 'Ix 'ejm pax 'a yib'n̈ Saúl yunnal Cis. Yuj cha, 'ix sayn 'ec' eb', palta ma'ix 'ilchj yuj eb'.

A Ch'an̈ B'ab'el Libro Samuel 14:38

Yuj cha, xyaln Saúl: —Cotn̈ec 'a tic e masnil ex syajlil chon̈ab' yic tzqui saynec quila', mach x'och smul 'a qui calc ticnec.

A Ch'an̈ Schab'l Libro Samuel 3:19

'Ix paxtin pax Abner yet' eb' yin̈tl Benjamín. Xlajw cha, 'ix 'at 'a Hebrón yic tzpaxtin yet' David yuj tas xyal eb' yit israelal, yet' eb' yin̈tl Benjamín.

Jonás 1:7

'Ix yaln eb' ch'umn barco chi 'a junjn 'ixtic: —A ticnec, ca'c 'och b'ul, sec wach' 'oj nachjoc 'el cujec mach 'ay smul, yuj cha, tzjaw jun tic 'a quib'n̈ec, xchi eb'. Xlajw cha, 'ix ya'n 'och eb' jun b'ul cha. Ax x'aji 'ix can 'a yib'n̈ Jonás chajtlto yu'uj 'ixta tz'aj eb'.

Dt 33:12

'Ix yaln 'ixtc 'a yib'n̈ eb' yin̈tl Benjamín: Caw wal nib'b'il eb' yin̈tl Benjamín yuj Jehová, caw tzaljc'ojlal yaj eb', a Dios caw niwn yel'chi, a tzcolwj yet' eb'. ¡A 'aych stan̈malc eb'! xchi.