A Ch'an̈ B'ab'el Libro Samuel 10:12 - Chuj San Sebastian Bible

¹² Palta 'ay jun winc 'ayc' ta', 'ix ta'w 'ixtic: ¿Mach cob' smam jun tzo'n̈ eb' tic jun? xchi. Ata 'elnc yich jun paxti tzalx 'ixtic: ¿Tom locn Saúl tic yet' eb' schecb' Dios tic? xchi.

Chuj San Mateo Bible

¹² Ay jun vin̈ aj Gabaa chi' ix alani: ¿Mach smam juntzan̈xo eb' vin̈ checab' tic jun? xchi vin̈. Ata' ix elcancot jun slolonel eb' anima: ¿Tom ipan vin̈aj Saúl tic schecab' Dios? xchi eb'.

A Ch'an̈ B'ab'el Libro Samuel 10:12 Referans Kwoze

Jn 6:45

Tz'ib'b'il can yuj jun tzo'n̈ eb' schecb' Dios 'ixtic: 'Oj 'ajxoc cuywc smasnil 'anma yuj Dios, xchi eb'. Yuj cha, jantcn̈ej eb' tzya'ch schicn 'a tas tzyal qui Mam Dios, toto tznachj 'el yuj eb' tas tzyala, 'oj jawc eb' 'ayin.

Is 54:13

'Oj in cuy eb' 'a swach'il, caw wach' oj 'aj 'el'ch eb'.

Santiago 1:17

A 'a satcha'an̈, ata tzcot jantcn̈ej tas wach' tz'ajx 'ayn̈ec 'a nab'an̈ej. Yet' pax jantcn̈ej jun tzo'n̈ siylab' caw wach', a Dios tz'a'n cot 'ayn̈ec. A b'ojnac jun tzo'n̈ tz'ec' 'a satcha'an̈, tzya'n 'emt sacq'uinl 'a quib'n̈ec. Palta wach'xam tzjelmj yilx jun tzo'n̈ cha, tz'och wewen 'a 'a, ax Dios, man̈ 'ichcta tz'aji. May 'aj tzjel snab'en jun 'ejmoc.

Jn 7:16

Yuj cha, xyaln 'a eb' 'ixtic: —A jun tzo'n̈ cuynb'il tzwal 'ayx tic, man̈ wico'oc. Yic jun mach checjnacn coti.

A Ch'an̈ B'ab'el Libro Samuel 10:13

Ax yic xlajw yaln can 'el spaxti Dios cha, 'ix c'ochx Saúl 'a 'aj tz'och 'emmquilal, xlajw cha 'ix c'och 'a yatut.

A Ch'an̈ B'ab'el Libro Samuel 19:23

Yuj cha, 'ix 'at Saúl chi 'a Naiot, palta 'ix 'och pax Yespíritu Dios 'a 'a, 'ix syamn 'och yal-l spaxti Dios 'a yic wan sb'eyi, masnto xc'och 'a jun lugar cha.

A Ch'an̈ B'ab'el Libro Samuel 19:24

An̈jtona yic xc'och cha, xyi'n 'el spichul, syamn 'och pax yaln 'el spaxti Dios 'a yojltac Samuel 'a smasnil c'u yet' 'a smasnil 'ac'wl cha. Ata tzcot jun paxti tzalx 'ixtic: ¿Tom alm 'el spaxti Dios yaj Saúl tic? xchi.