A Ch'an̈ B'ab'el Libro Samuel 1:10 - Chuj San Sebastian Bible

¹⁰ Ax yic xc'och 'ix ta', caw wal ji'jmtac yoc' 'ix, syamn 'och 'ix sleslwi.

Chuj San Mateo Bible

¹⁰ Ayic ix c'och ix ta', ix te oc' ix sic'lab'il, ix syamanoch ix slesalvi d'a Jehová.

A Ch'an̈ B'ab'el Libro Samuel 1:10 Referans Kwoze

Job 7:11

Yuj cha, ma'oj stac' in macn in ti'. 'Oj wal in b'a yuj in yailal, yujto an wal tzwab' syail.

Lc 22:44

Caw wal x'och pitz'n cuslal 'a spixan, yuj cha, caw yelc'ojlal xleslwi. Til wal x'el yalil, 'icha yem niwc tz'uj, 'ixta x'aj yel schic'l yaliloc, x'em 'a sat lu'um.]

Job 10:1

Man̈xtzac in nib'j to pitzn in. 'Oj in checltoc 'el in yailal, ax in paxtin yet' in c'a'lc'ojlal.

Salmos 91:15

A yic 'oj eyawj 'ayin, 'oj in ta'w 'ayex; an wal caw 'ayn 'ec' eyet'oc. 'Oj ex in col 'elt 'a scal eyailal, caw niwn yel'ch 'oj ex wutoc.

A Ch'an̈ Carta D'a Eb' Hebreo 5:7

A yic yec' Cristo 'a yolyib'n̈q'uinl tic, leslwnac, sc'ann tas 'a Dios. Caw 'ip leslwnac, caw wal 'o'nac. Ax Dios a 'ay spoder scoln 'el 'a yol sc'ab' chamel. Yab'jnac Dios slesl Cristo, yujto 'emmquilal yutjnac sb'a 'a 'a.

Is 54:6

A jun e chon̈b' tic, lajn 'icha junc 'ix cob's 'ix 'actb'il can yuj yichmil, 'aycn 'a cusc'ojlal, 'ixta yajcni. Ax ticnec tz'awtx pax yuj Dios jun 'ejm xo, tzyaln 'a 'ixtic:

Jueces 21:2

'Ix syamn sb'a eb' 'a scajnub' Dios 'a Bet-el, masnto xq'uic'b'i, 'ix 'oc' eb' 'a yojltac Dios, 'ix yaln eb' 'ixtic:

Lm 3:15

Caw wal xwab' syal tas in yutej, man̈x 'a jac sja'l wico'.

Jeremías 22:10

Man̈ ex 'oc' yuj schamlil rey Josías, palta 'o'n̈ec yuj win Salum, atn win yunnal winac, yujto 'ix 'ijx 'at 'a jun 'ejmn̈ej, man̈x b'a'n̈ 'oj meltzjoc, man̈x 'oj yil slum 'aj 'ix 'alji.

Is 38:15

Man̈x 'a tas wach' walni, yujto ach 'ixta 'in otej. 'Emmquilal xoj wec' ticnec yuj in yailal 'ix 'eq'ui.

Salmos 50:15

Alc e b'a 'ayin yic 'ay e somc'ojlal, an 'oj ex in colo'. 'Ay cab' wel'ch 'a e sat, xchi Dios.

Job 9:18

Man̈xtzac yac' am wic' jac wip 'a scal in yailal, caw am tzwach' niwtj in yailal chi yu'uj.

A Ch'an̈ Schab'il Libro Yic Yab'ixal Eb' Rey 20:3

Tzin tew 'aych Mamin Jehová, to tza na coti chajtlto wach' 'ix wutj ach wa'n servil, xin b'on tas tzchaj a c'ojol, xchi 'a slesal. 'Ix 'oc' wal si'mb'il.

Rt 1:20

Palta 'ix yaln 'ix 'a eb' 'ixtic: —Man̈x eyal Noemí 'ayin, Mara xe chi, yujto a Dios tztac' yuj smasnil, a x'i'n 'ec' in tzaljc'ojlal, ax cusc'ojlal xyac' 'ayin.

Jeremías 13:17

Toto ax tic matz e chaj eyab' tas tzwala, 'oj woc' eyuj 'a c'ultaquil, yujto tzeyij chan̈ e b'a. Caw 'oj 'eltoc yal in sat eyu'uj, yujto 'oj eyijx 'at 'icha presoal, xin chi 'a eb'.

A Ch'an̈ Schab'l Libro Samuel 13:36

At wal slajw yaln win cha, 'ix jaw eb' yunnal win rey chi 'a 'a, xq'ue b'uynjoc eb' yoq'ui. An̈jtona', 'ix 'oc' pax win rey chi yet' eb' yit yajlil 'ayc' yet'oc, caw wal ji'jmtac yoc' eb'.

Gn 50:10

A yic xjaw eb' 'a Goren-ha-atad, 'a stojlal 'aj tzq'uel c'u 'a a niwn a Jordán, ata 'ix stan̈wj eb' yac'wlil sniwnal win Jacob, ax José caw wal niwquil xcus yuj smam chi 'a uque c'ual.

A Ch'an̈ Schab'l Libro Samuel 17:8

Ach tic, ojc wal si'mb'il to caw jeln win a mam chi yet' eb' 'anma ajun yet' cha. Ax ticnec, caw wal 'ayx cot yowl win 'icha junc no snun oso tz'ijx 'ec' yune 'a 'a. An̈jtona', a pax win a mam cha, caw wal c'aync win ya'n owal, may junc 'ac'wl ton̈j 'ayc' win 'a scal eb' 'anma'.

A Ch'an̈ B'ab'el Libro Samuel 1:9

'Ay jun 'ejem 'ayc' eb' 'a Silo cha. A yic xlajw swa eb', 'ix q'ue wan 'ix Ana cha, 'ix 'at 'a scajnub' Jehová. Ax 'a yol sti smac jun cajnub' cha, ata wocn 'ejm win Elí, win ya'mal 'och sti eb' 'anma 'a Dios.

A Ch'an̈ B'ab'el Libro Samuel 1:11

Xya'n can 'ix sti 'a Jehová 'ixtic: Mamin Jehová caw wal tztac' oj smasnil. Toto smoj wal eln 'och in cusc'ojlal an a checb' in tic, tzin a nan coti. Comnoc tz'el wal a c'ojl a'n junc wune winc 'unin. A jun wune cha, tzwac' pax eco'oc 'a smasnil tiempo yic tzach ya'n servil. Ma'oj joxxoc 'el xil sjolom, sec a tzch'oxn 'eli to ec yaji, xchi 'ix.

Pr 14:10

Junjn on̈ec, mun cojtquec tas qui somc'ojlalec, mto qui tzaljc'ojlalec; a eb' chuc 'anma'il may yaln eb' yic 'a 'a.

Gn 30:1

Snan sb'a sc'ojl 'ix Raquel, yujto may yune 'ix yet' Jacob, yuj cha, syamn 'och 'ix schichn 'och 'a spatc 'ix Lea cha, xyaln 'ix 'a win Jacob chi 'ixtic: —'Ac' wune', toto ma'ay tic 'oj in chami, xchi 'ix.