A Sb'ab'el Carta San Pedro 5:12 - Chuj San Sebastian Bible

¹² A cu'tac Silvano tic, wojc xon snab'en, caw yiclum. A 'oj 'i'nc 'at jun in carta tic 'ayex. A jayb'eln̈ paxti xwalb't tic, yu'uj ax swach' jaw e nab'en ta'. A jun tzo'n̈ tic tzalni, tas tzyutj Dios ya'n swach'c'ojlal 'ayn̈ec 'a yel. Caw te'n tzeyutj e b'a 'a swach'c'ojlal tic.

Chuj San Mateo Bible

¹² A vin̈ cuc'tac Silvano tic, vojtac spensar vin̈, sc'anab'ajej val vin̈. A vin̈ ol ic'anb'at jun in carta tic d'ayex. Tzin tz'ib'ejb'at jay b'elan̈ lolonel tic, yic ol vach' ja e pensar. A juntzan̈ tic tz'alani chajtil syutej Dios yac'an svach'c'olal d'ayon̈ d'a val yel. A d'a svach'c'olal tic, tec'an tzeyutej e b'a.

A Sb'ab'el Carta San Pedro 5:12 Referans Kwoze

A Ch'an̈ Carta D'a Eb' Hebreo 13:22

Ex wu'tac, ex wanab', tzin tew 'at 'ayex, caw niwn tzeyutj e c'ojl 'a jun tzo'n̈ paxti tzwalb't 'ayx tic, yic tzwa'n e nab'enoc. Janc'n̈ej tas tzwalb't 'ayx 'a jun in carta tic.

A Tas Sc'ulejnac Eb' Schecab' Jesús Hechos 11:23

Ax yic xc'och Bernabé, 'ix yilni, to til wal swach'c'ojlal Dios 'ix ch'ox 'a eb'. Yuj cha, caw 'ix tzalj yuj eb', 'ix ya'n snab'enoc eb' smasnil. 'Ix yaln 'a eb' chajtlto caw te'n tzyutj sb'a eb', caw tzya'ch eb' snab'en 'a Cajlilec 'a smasnil tiempo.

2 Co 1:19

A Cristo Jesús, yel Yunnal Dios, a yab'xil 'ec' waljnac 'a e cal. 'Ec' yaln pax Silvano yet' Timoteo. A Cristo, may jun 'ejmoc yaljnac 'ixtic: Inye, ¿tom xchi? Tzyaln paxi to ma'ay. Yujto cojn wal a tas yel, a yaljnac.

1 Co 15:1

Al ticnec, ex wu'tac, ex wanab', tzin nib'j tze na cot jun wach' 'ab'x yic colnb'il waljnac 'ayex. A jun 'ab'x tic, e chajnac xo, caw te'n exx 'a ticnec.

A Tas Sc'ulejnac Eb' Schecab' Jesús Hechos 20:24

Palta a jun tzo'n̈ cha, matz in 'och 'il yu'uj. Wach'xam 'oj in cham yuj eb', palta may yel'ch jun chi 'a in sat. Cojxn tzin na'a, to tzwa'cn lajwc jun in munljel yamb'il 'och tic 'a tzaljc'ojlal, ax slajw wopiso ya'jnac Cajlil Jesús 'ayin, yic tzwaln 'el wach' 'ab'x yic schamc'ojlal Dios.

2 Ts 1:1

An Pablo in tic, jun waj yet' Silvano, yet' Timoteo, tic tzca't jun qui carta tic 'ayx on̈, atn 'ayx ex creyente 'a chon̈b' Tesalónica. Yic ex xo qui Mam Dios, yic ex pax Cajlil Jesucristo.

1 Ts 1:1

An Pablo in tic, jun waj yet' Silvano, yet' Timoteo, tic tzwa't jun in carta tic 'ayx ex creyente 'a chon̈b' Tesalónica. Yic ex xo qui Mam Dios. Yic ex pax Cajlil Jesucristo. Tzin nib'ej, [a qui Mam Dios yet' Cajlil Jesucristo,] tzyac' swach'c'ojlal yet' sjunc'ojlal 'ayx ta'.

San Judas 1:3

Ex chamc'ojlb'il wu'uj, caw xin nib'j xwa't junc in carta 'ayex, yic tzwaln 'at 'ayx yuj qui colnb'ilec. Palta ax ticnec, 'ay jun caw yowlal 'oj walb't 'ayex. Tzin tew 'at 'ayex, caw tzeyac' eyip, sec may tz'aj sjuw jun tzo'n̈ cuynb'il 'aj tzca'c 'och qui c'ojol. Yujto an̈ec yic on̈c xo Dios tic, a 'ayn̈ec ya'jnac can jun tzo'n̈ cuynb'il tic 'a jun 'ejmn̈ej.

3 Jn 1:12

Ax cu'tac Demetrio, wan yaln eb' smasnil yuj swach'il, yujto chequel to caw tzyiclj jun cuynb'il caw yel. An̈jtona', an̈ tic on̈, tzcal wach'l on̈. Eyojtac a tas tzcal on̈, caw yel.

A Schab'il Carta San Pedro 2:15

'Ix yactj can eb' jun tojl b'eyb'al, satcn 'at eb'. Yuj cha, a sb'eyb'al win Balaam 'a pecti', win yunnal Beor, a chi tzb'eylb'ej eb'. A win cha, ton̈j snib'jnac win yac' ganar stumn 'a spatc maysch'olnil.

A Schab'il Carta San Pedro 1:12

Yuj cha, wach'xam eyojc xon jun tzo'n̈ tic, wach'xam te'n ex xo 'a jun tzo'n̈ cuynb'il caw yel 'aj 'aych e nab'en, palta nachji, 'oj wac' e na coti.

A Scarta San Pablo D'a Eb' Aj Colosas 4:9

An̈jtona cu'tac Onésimo, 'oj 'at pax yet'oc. A Onésimo tic, eyit chon̈ab', caw chamc'ojlb'il cujec. Caw yiclumn̈ej tzyutj sb'a. A chawn̈ eb' tic, c'uxn 'oj 'at yal eb' 'ayex, tastc wan sb'o 'a tic.

A Scarta San Pablo D'a Eb' Aj Colosas 4:7

A jun cu'tac Tíquico tic, chamc'ojlb'il cujec. Caw yiclum tzyutj sb'a smunlj 'a yic Dios. 'Aych ya'malc servil Cajlilec wet'oc. C'uxn 'oj 'at yal 'ayex, tas waj 'a tic.

A Scarta San Pablo D'a Eb' Aj Colosas 1:7

A Epafras, a cuyjnacx 'a jun 'ab'x tic. Chamc'ojlb'il cujec, yujto quit munljumal qui b'a yet' on̈. Caw yiclum tzyutj sb'a ya'n servil Cristo 'a e cal ta'.

Ef 6:21

A cu'tac Tíquico, chamc'ojlb'il cujec. Caw tzya'ch sc'ojl smunlj quet' 'a Cajlilec. A 'oj 'at alnc 'ayex, tas waj 'a tic, yet' tas wan in b'oni.

Ef 3:3

A jun man̈ 'ojcab'ilc xon 'a yic yalan̈, a Dios xch'oxn 'ayin. 'Ix ya'n wojcoc 'eli. Tox xwal jac 'ayx yuj jun tic 'a jun in carta tic.

2 Co 1:24

Matz qui nib'j tzex cac' mandar on̈, yic tzcaln 'ayx on̈ tas tzeyutj eya'n 'och e c'ojl 'a Dios. Yujto te'n xon tzeyutj e b'a eya'n 'och e c'ojl 'a 'a. Palta tzqui nib'j tzon̈ colwj ca'n e nab'enoc on̈, sec 'oj wach' jawc e tzaljc'ojlal ta'.

Ro 5:2

Yuj Cristo, 'ay calnec quic qui chan swach'c'ojlal Dios, yujto tzca'c 'och qui c'ojl 'a 'a. Yuj cha, til wal swach'c'ojlal tzch'ox 'ayn̈ec ticnec. Caw tzon̈ tzaljec, yujto tzca'c 'och yipc qui c'ojol, to 'oj tza'wnoc qui wach'lec 'icha swach'l Dios.

Jn 21:21

Yic 'ix yiln Pedro jun cha, 'ix sc'anb'n 'ixtc 'a Jesús: —Mamin, a jun tzjaw tic, ¿tasm 'oj 'aj scham jun xo? xchi 'a 'a.

A Tas Sc'ulejnac Eb' Schecab' Jesús Hechos 15:22

Yuj cha, a eb' schecb' Jesús, yet' eb' anciano, 'ix smol alj eb' yet' eb' creyente smasnil. 'Ix snan eb' to tzsi'l eb' jaywn̈oc eb' creyente, yic tz'at eb' 'a chon̈b' Antioquía yet' Pablo yet' Bernabé. Xlajw cha, 'ix si'n 'el eb' Judas, tzcuch pax Barsabás, yet' Silas. A chawn̈ eb' cha, checl yaj eb' 'a sat eb' creyente.

A Sb'ab'el Carta San Pedro 1:13

Yuj cha, caw te'n tzeyutj e nab'en. Lista tzeyutj e b'a. Caw tzeya'ch yipc e c'ojl tas 'oj yac' Dios 'ayn̈ec yuj swach'c'ojlal, yic 'oj jawc Jesucristo.

A Sb'ab'el Carta San Pedro 4:10

Tzlaj ca'laquec servil 'ayn̈ junjn on̈ec, a tzyala, tastc copiso tz'ajx yuj Dios. Toto 'ixta', wach' tzcutjec qui c'anlb'an copiso cha. Yujto chucch copiso tzyac' 'ayn̈ junjn on̈ yuj swach'c'ojlal.