A Sb'ab'el Carta San Pedro 4:7 - Chuj San Sebastian Bible

⁷ A ticnec, jab'xoj 'oj lajwc 'ec' smasnil tas. Yuj cha, caw lista tzcutjec qui b'a. Te'n tzcutjec qui nab'en qui leslwi.

Chuj San Mateo Bible

⁷ A ticnaic, toxo ol lajvoquel smasanil tasi. Yuj chi' co cachec och vaan co b'a, n̈icanocab' scutej co b'a yic syal tzon̈ lesalvi icha val smojal.

A Sb'ab'el Carta San Pedro 4:7 Referans Kwoze

A Sb'ab'el Carta San Pedro 1:13

Yuj cha, caw te'n tzeyutj e nab'en. Lista tzeyutj e b'a. Caw tzeya'ch yipc e c'ojl tas 'oj yac' Dios 'ayn̈ec yuj swach'c'ojlal, yic 'oj jawc Jesucristo.

A Sb'ab'el Carta San Pedro 5:8

Caw lista tzcutjec qui b'a, macwjcoyec. Yujto 'icha junc no león tz'el yaw, tz'ec' saync 'ec' junc mach tzyac' lajwoc, 'ixta yec' jun 'ajc'ojl yajch 'ayn̈ec, atn win diablo.

2 Ti 4:5

Palta ach xo, caw te'n tzotj a nab'en 'a smasnil tiempo. Caw tzac' techjoc ab'n syail. Caw tzal-l wach' 'ab'x yic colnb'il 'a scal eb' 'anma'. Munljan̈ si'mb'il, sec may tas 'oj yac' palta 'a jun opiso cha.

Lc 21:34

Tzeyac' wal cuenta e b'a, man̈ e cha pitb'oc e b'a yuj pec'al, yuj 'u'lan̈, mto yuj tzann̈j junc xo tas tzex 'och 'il yuj 'a yolyib'n̈q'uinl tic. Toto ma'ay, ax 'oj jawc jun c'u cha, man̈ listaoc eyaji.

A Ch'an̈ Carta D'a Eb' Hebreo 10:25

Matz tac' cactnec can qui yamn qui b'a, 'icha sb'eyb'al jun tzo'n̈ xo eb'. Yowlal tzlaj ca'laquec qui nab'en. Ca'c wal 'ip, yujto tzquilc jun tzo'n̈ senya tzch'oxo, to jab'xoj sjaw sc'ul sjaw Cajlilec.

A Scarta San Pablo D'a Eb' Aj Colosas 4:2

Ax xo e masnil, yelc'ojlal caw tzex leslwi 'a smasnil tiempo. Tzlaj eya'nc pax yuj diosal 'a Dios.

Tito 2:12

Yuj swach'c'ojlal tic, tznachj 'el cu'uj, to yowlal tzcactj can jantcn̈ej tas man̈ wach'c 'a sat Dios, yet' jantcn̈ej tas maysch'olnil tzqui nib'j 'och 'a yolyib'n̈q'uinl tic. Yowlal caw tzcac' cuenta qui b'a, caw wach' tzcutj qui b'eyb'al. Cojxn 'a Dios tzca'ch qui nab'en.

Ro 12:12

'Ay cab' qui tzaljc'ojlalec 'a smasnil tiempo, yujto tzca'c 'och Dios yipc qui c'ojol. Caw te'n tzcutjec qui b'a cab'n syail. May cab' b'a'n̈ tzcactjec qui leslwi 'a Dios.

A Scarta San Pablo D'a Eb' Aj Filipos 4:5

Yowlal caw wach'n̈j tzcutjec qui nab'en yil eb' 'anma smasnil, yujto jab'xoj 'oj jawc Cajlilec.

Lc 22:46

Yuj cha, xyaln 'ixtc 'a eb': —¿Tas yuj tzex wayi? Q'uen̈ec wa'an. Leslwan̈ec, sec toq'ue ma'oj eyajx prowal, xchi 'a eb'.

Apoc 16:15

'Ix yaln Cajlilec 'ixtic: 'Ab'ec, 'icha sc'och junc 'elc'um, 'ixta 'oj in c'och tza'njoc. A wal ex lista eyaji, caw wach' eyico'. 'Icha to man̈ ex wayn̈coc, 'icha to 'aych e pichul. Ax xo ex man̈ listaoc eyaji, ax in c'ochi, 'icha to jitn ex 'eli, ax e b'eyc' 'a sat eb' 'anma smasnil. Caw 'oj eyac' e q'uixwloc, xchi.

A Sb'ab'el Carta San Pedro 3:7

Ax xo ex 'ichmilab'il, caw wach' tzeyutj e nab'en 'a eyistzil. Nachj cab' 'el eyu'uj, to lajn eb' 'icha junc chen c'un spoji. 'Ay cab' yel'ch eb' 'a e sat, yujto junn̈j e q'uinl xe chaj yet' eb' yuj swach'c'ojlal Dios. 'Ixta tzeyutj e b'a 'a eb', sec ma'oj juwc e lesl yet' eb'.

Ef 6:18

An̈jtona', smasnil tiempo caw tzex leslwi 'a Dios yet' spoder Yespíritu, tze c'ann tas 'a 'a. Caw tzeya'ch e nab'en e leslwi. Man̈ ex tzactzjoc. Leslwan̈c yuj jantcn̈ej eb' yic xo Dios quet'ec.

1 Co 15:24

'Oj lajwc cha, 'ixta to b'i'an, ax sjaw jun slajub'. Ax Cristo, 'oj 'a'nc lajwc 'el smasnil eb' yajal, smasnil eb' 'ay yopiso, yet' pax smasnil jun tzo'n̈ 'ay spoder. 'Ixta to b'i'an, ax ya'n 'och yopiso 'a yol sc'ab' Dios Mamb'il.

1 Co 7:29

Ex wu'tac, ex wanab', a junx 'oj wal't 'ayx tic, to jab'xoj wal tiempo. Yuj cha, a eb' 'ayx yistzil ticnec, matz tac' cojn 'a yistl eb' chi tzya'ch snab'en.

Mt 24:42

Yuj cha, caw lista tzeyutj e b'a, yujto man̈ eyojcoc jantc yorail 'oj in jaw an Yajl in tic.

Jeremías 5:31

Cojn 'es tzyal-l eb' tzcob' yalch sb'a in checb'oc. Ax eb' ya'mal 'och sti eb' 'anma 'ayin, tzyac' eb' yajlil 'icha tas tznib'ej. Ax jun in chon̈b' tic, wach' tzyab' 'ixta'. Palta ¿tas wal 'oj yutc sb'a eb', yic 'oj jawc jun slajb' tiempoal? xchi Dios.

Lc 21:36

Yuj cha, caw lista tzeyutj e b'a. Leslwan̈c 'a smasnil tiempo sec 'ay e te'nal yic wach' 'oj stac' e coln 'el e b'a 'a jun tzo'n̈ 'oj jawc cha. Ma'oj e q'uixw e c'och 'a wojltac an 'Ochnc in 'Anmal tic, xchi Jesús 'a eb'.

Mt 25:13

Yuj cha, tzwal 'ayex, caw lista tzeyutj e b'a, yujto man̈ eyojcoc, 'aja sc'ual, yorail ['oj in jaw an 'Ochnc in 'Anmal tic.]

Ec 7:2

Yel xo wach' yic tzon̈ 'atc tan̈j 'ac'wl 'a 'aj tz'och chamel, 'a yib'n̈ to tzon̈ 'atc can 'a q'uin̈, yujto a chaml cha, to quiquec yaj qui masnil. Wach' toto tzqui nac 'a yib'an̈ yic pitzn on̈c to.

Gn 6:13

Yuj cha, xyaln Dios 'ixtc 'a win Noé: Tox 'ix in na ticnec, to 'oj in satl smasnil eb' 'anma', yuj eb', tzlaj niwtj maysch'olnil 'a yolyib'n̈q'uinl tic.

A Ch'an̈ Carta D'a Eb' Hebreo 9:26

Q'uinloc man̈toc jun 'ejmn̈ej xyac' sb'a Cristo xajmb'alil. Toto 'ixta', tecn yowlal caw niwn 'ejm chamnac, yictax sb'ocn yolyib'n̈q'uinl tic. Yujto a 'a yic jun slajb' tiempoal tic, cojn jun 'ejm wulnc 'eq'ui. Caw a ya'jnac sb'a xajmb'alil, yic yi'n 'el qui mul 'ayn̈ec.

Gn 19:35

Ax 'a yic junx 'ac'wl cha, 'ix ya'n pax eb' 'ix 'u'wc 'an̈ smam jun 'ejm xo, ax 'ix tza'n 'ix chi xway yet' winac. Ax Lot cha, ma'ix yab' win sway 'ix yet'oc, ma'ix yab' pax win sq'uex wan 'ix.