A Sb'ab'el Carta San Pedro 3:9 - Chuj San Sebastian Bible

⁹ Toto 'ay eb' tu tzyutj sb'a 'ayex, man̈ tuc tzeyutj e b'a 'a eb' jun xo. Toto 'ay eb' tzex b'uchni, man̈ ex b'uchwjoc pax 'a eb'. Ton̈j tze c'an swach'c'ojlal Dios 'a yib'n̈ eb'. Yujto a Dios on̈ 'awtnec 'och yico'oc, yic tzya'n swach'c'ojlal 'ayn̈ec.

Chuj San Mateo Bible

⁹ Tato ay eb' chuc syutej sb'a d'ayex, man̈ chucoc tzeyutej pax e b'a d'a eb'. Tato ay eb' tzex b'uchani, man̈ e b'uch pax eb', palta a svach'c'olal Dios tze c'an d'a yib'an̈ eb', yujto ix on̈ yavtejoch Dios yicoc, yic syac' svach'c'olal d'ayon̈.

A Sb'ab'el Carta San Pedro 3:9 Referans Kwoze

Ro 12:17

Toto 'ay mach maysch'olnil tzyutj sb'a 'ayn̈ec, caw wal matz tac' qui pacnec qui b'a 'a 'a. Caw wach' tzcutjec qui b'eyb'al 'a sat eb' 'anma smasnil.

Pr 20:22

May cab' b'a'n̈ tzeyala, to tze pac e b'a, 'a'c 'och e c'ojl 'a Jehová, sec a 'oj e colni.

Ro 12:14

A mach tu tzlaj yutc sb'a 'ayn̈ec, yowlal tzqui c'an cot swach'c'ojlal Dios 'a yib'an̈. Man̈oc yowl sc'ojl Dios chi tzqui c'anc cot 'a yib'an̈.

1 Ts 5:15

A eb' maysch'olnil tzyutj sb'a 'ayex, caw man̈ e pac e b'a 'a eb'. Smasnil tiempo, caw wach' tzlaj eyutc e b'a 'ayx junjn ex, yet' 'a eb' 'anma smasnil.

Mt 5:44

Palta an tzwal 'ayex, yowlal tze chamc'ojlej eb' 'ajc'ojl yajch 'ayex. [A eb' tzc'ann cot yowl sc'ojl Dios 'a eyib'an̈, ax xo tze c'an cot swach'c'ojlal Dios 'a yib'n̈ eb'. Wach'n̈j tzeyutj e b'a 'a eb' tzchichn 'och 'ayex. Ax eb' tzex b'uchni,] yet' eb' tz'a'n 'och 'a eyib'an̈, tzex leslwi pax yuj eb'.

Ef 4:32

Caw wach' tzlaj eyutc e nab'en 'ayx junjn ex. Tzlaj 'o'ch e c'ojl 'ayex. An̈jtona', tzlaj eya'lac niwnc'ojlal 'ayx junjn ex, 'icha xyutj Dios ya'n niwnc'ojlal 'ayn̈ec yuj Cristo.

Mt 5:39

Palta an tzwal 'ayex, man̈ eyac' owl yet' eb' maysch'olnil tzyutj sb'a 'ayex. Toto 'ay mach tzma'n spac'b'il e ti 'a e wach', tzeyac' jun pac' xo e ti 'a e surito chi smac'a'.

Pr 17:13

Toto tu tzcutjec qui pactzan swach'c'ojlal junc mach, may wal b'a'n̈ 'oj 'el yailal 'a yol catutec.

A Sb'ab'el Carta San Pedro 5:10

A 'a yic 'oj lajwc cab'nec syal jab'oc tiempoal, ax Dios 'oj on̈ swach' tz'acb'tzoquec, 'oj swach' 'a'c qui te'nalec, yet' quipec. Caw 'oj on̈ smolc ta'. Yujto a Dios, man̈ jantcoc swach'c'ojlal tzyac' 'ayn̈ec. A on̈ 'awtnec 'och yico'oc, sec wach' a jun caw swach'il, a 'oj yac' 'ayn̈ec 'a jun 'ejmn̈ej, yujto junxn̈ej cajc yet' Jesucristo.

Ro 8:28

Cojquec, jantcn̈ej jun tzo'n̈ tas tzjaw 'ayn̈ec, a Dios a tz'a'n coti, sec caw wach' quiquec an̈ 'ay qui chamc'ojlalec 'a 'a, an̈ec 'awtb'iln̈ xo yu'uj, sec tzon̈ 'ochc 'icha snajnac.

Mt 25:34

An Rey in tic, 'oj wal 'ixtc 'a eb' 'ayc' 'a in wach' c'ab': Ax tic, ya'jnac in Mam swach'c'ojlal 'ayex, 'ochn̈ec wet' 'a 'aj tzwac' Yajlil, yictax sb'on Dios yolyib'n̈q'uinl tic, sb'on can jun tic eyico'oc.

A Ch'an̈ Carta D'a Eb' Hebreo 6:14

Yaljnac 'ixtc 'a 'a: Wal yel, niwn in yaxilal 'oj wac' 'ayach. Til wal en̈tl 'oj wac' pitzwc can 'eli, xchi 'a 'a.

Lc 18:18

'Ay jun win yajl xc'anb'n 'ixtc 'a Jesús: —Ach in wach' Cuymal, tzin c'anb'j 'ayach, ¿tas wach' tzin b'o'o, sec 'oj in cha in q'uinl 'a jun 'ejmn̈ej? xchi win 'a 'a.

Lc 10:25

Xlajw cha, 'ay jun win cuywjum 'a ley yic Moisés, xq'ue lin̈an. Snib'j win yac' prowal Jesús. Yuj cha, sc'anb'n win 'ixtc 'a 'a: —Mamin, ¿tas yowlal 'oj in b'o', sec 'oj in cha in q'uinl 'a jun 'ejmn̈ej? xchi win 'a 'a.

Mt 19:29

Tzann̈j mach tzyactj can yatut wu'uj, mto yu'tac, yanab', mto smam snun, mto yunnal, mto slum tzyactj can wu'uj, a jun cha, caw niwn spac 'oj scha'. Ax schan pax sq'uinl 'a jun 'ejmn̈ej.

Ro 8:30

An̈ec sic'b'iln̈ec can 'el yu'uj, 'awtb'iln̈ec pax yu'uj. A tzaln cujec an̈ 'awtb'iln̈ec yu'uj, to wach'n̈ec 'a sat. Tzya'n pax swach'l 'ayn̈ec.

Mr 10:17

Ax yic wan s'atx Jesús 'a yol b'e, 'ay jun winc 'ix sc'ol yip scot 'a 'a, 'ix 'em cumn win 'a yojltac sjawi, 'ix yal win 'ixtic 'a 'a: —Ach in wach' Cuymal, tzin c'anb'j 'ayach, ¿tas 'oj in b'o' sec 'oj in cha in q'uinl 'a jun 'ejmn̈ej? xchi win 'a 'a.

Gn 42:25

Xlajw cha, xya'n José 'ajxoc b'ut'joc scoxtl eb' yet' 'ixm trigo cha, xya'n pax win 'ajxoc meltzjoc q'uen stumn junjn ewinac, xya'n 'ejm 'a sti scoxtl junjn eb', xya'n 'at pax tas tzc'ux eb' 'a yol b'e, 'ixta wal xyutj win eb'.

A Ch'an̈ B'ab'el Libro Samuel 26:11

A cab' Jehová matz chan in mil cham win rey to sic'b'il 'el yu'uj. Palta 'ij cot slanza 'ayc' 'a sjolmtac cha, yet' a a 'ay 'a yol yet'l cha, tzlajw cha, tzon̈ 'atxi, xchi David.

Pr 28:10

A mach tz'i'n 'at eb' 'anma wach' sb'eyb'al 'a maysch'olnil, a jun cha, mun a 'oj can 'a jun sch'an̈ yal tzb'o 'ejm cha, ax junc tojl snab'en, 'oj scha wach'il.

Gl 3:14

'Ixta x'aj Cristo Jesús, sec yu'uj, ax ya'n Dios syaxilal 'ayx man̈ ex israeloc, 'icha yutjnac ya'n 'a Abraham pecti'. An̈jtona', yuj Cristo chab'il Yespíritu Dios cujec qui masnil, 'icha yutjnac ya'n can sti'.

A Ch'an̈ Carta D'a Eb' Hebreo 12:17

Cojquec, at 'a junx tiempoal, snib'jnac tot cob' 'ajxnac pax yic yuj smam cha, palta man̈x 'ic 'ajx 'a 'a. Wach'xam caw 'o'nc to, palta man̈xtoc stac' sb'onyaj win jun sb'ojnac can cha.