A Sb'ab'el Carta San Pedro 3:13 - Chuj San Sebastian Bible

¹³ Toto cojn jun wach' b'eyb'al tzqui b'eylb'ejec, ¿mach junc 'oj stac' on̈ sjunec 'eli?

Chuj San Mateo Bible

¹³ Tato an̈ej vach'il sco c'ulej, ¿mach junoc ol ic'anchaan̈ chucal d'a co patic?

A Sb'ab'el Carta San Pedro 3:13 Referans Kwoze

Pr 16:7

Toto tzchaj sc'ojl Jehová qui b'eyb'alec, to 'ixta', ax eb' 'ajc'ojl yajch 'ayn̈ec, tz'och eb' 'a junc'ojlal quet'ec.

1 Ts 5:15

A eb' maysch'olnil tzyutj sb'a 'ayex, caw man̈ e pac e b'a 'a eb'. Smasnil tiempo, caw wach' tzlaj eyutc e b'a 'ayx junjn ex, yet' 'a eb' 'anma smasnil.

Ro 8:28

Cojquec, jantcn̈ej jun tzo'n̈ tas tzjaw 'ayn̈ec, a Dios a tz'a'n coti, sec caw wach' quiquec an̈ 'ay qui chamc'ojlalec 'a 'a, an̈ec 'awtb'iln̈ xo yu'uj, sec tzon̈ 'ochc 'icha snajnac.

3 Jn 1:11

Ach chamc'ojlb'il wu'uj, man̈ a b'eylb'oc sb'eyb'al eb' maysch'olnil. Cojn sb'eyb'al eb' wach' tza b'eylb'ej. Toto wach' tzcutj qui b'eyb'al, yic on̈ xo Dios. Palta a eb' maysch'olnil sb'eyb'al, toxn man̈ yojcoc eb' Dios.

Salmos 38:20

A tas wach' tzwutj 'a eb', tu tzyutj eb' spacn 'ayin; tzlaj 'och eb' 'ajc'ojlal 'ayin, yujto wach' tzwutj in b'eyb'al.

1 Ti 5:10

Cojn eb' checl yaj 'a sat eb' yit creyenteal, eb' wach' sb'eyb'al. Cojn eb' wach' tzyutj sq'uib'tzan yune', eb' 'ela tzyutj sb'a 'a eb' tzlaj 'ec' 'a 'a. Cojn eb' tz'a'n servil eb' yit creyenteal 'a 'emmquilal, eb' tz'o'ch sc'ojl 'a eb' 'aych 'a syailal, eb' wach'n̈j tzyutj sb'a 'a smasnil tiempo. Cojn eb' tic tztac' yoch scuentaoc iglesia.

1 Co 14:1

Caw tzeyac' eyip e chamc'ojlan e b'a junjn ex. An̈jtona', tzeya'n 'ip e sayn 'ec' jun tzo'n̈ 'opiso tzyac' Yespíritu Dios 'ayex. 'Ay wal jun 'opiso yel xo wach', atn jun alj 'el spaxti Dios.

Ro 13:3

Yujto a eb' yajl cha, 'ay yopiso eb', sec tzxiw eb' maysch'olnil sb'eyb'al. Man̈ yujoc xiw eb' wach' sb'eyb'al 'ay yopiso eb'. Yuj cha, toto tzqui nib'jec matz on̈ xiwc yuj eb', yowlal wach' tzcutjec qui b'eyb'al yil eb'. Toto 'ixta', 'oj tzaljoc eb' quet'ec.

Pr 15:9

Caw wal matz chaj sc'ojl Jehová stu b'eyb'al eb' maysch'olnil, palta 'ay schamc'ojlal 'a eb' tojl sb'eyb'al.

Ef 5:1

An̈ec tic, yunnaln̈ec xo Dios ticnec, chamc'ojlb'iln̈ec xo yu'uj. Yuj cha, yowlal tzqui b'eylb'ejc 'icha sb'eyb'al.

Pr 12:21

A eb' wach' snab'en, may tas tu tzjaw 'a yib'n̈ eb'; ax eb' tu sb'eyb'al, caw wal tzactzj eb' yuj yailal tz'el-l 'a yib'an̈.

Jeremías 39:12

'Ij 'at Jeremías, tza tan̈wni, man̈ extc winac, a wal smasnil tas tzc'an 'ayach, 'ac' 'a 'a, xchi win rey cha.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.