A Sb'ab'el Carta San Pedro 2:15 - Chuj San Sebastian Bible

¹⁵ Tznib'j Dios, caw wach' tzcutjec qui b'eyb'al, sec wach' a eb' may snab'en, man̈x 'oj stac' yaln eb' jun tzo'n̈ tas may yel'ch 'a qui patquec.

Chuj San Mateo Bible

¹⁵ Sgana Dios vach' scutej co b'eyb'al, yic man̈xo ol yal-laj yalan chucal eb' malaj spensar d'a co patic.

A Sb'ab'el Carta San Pedro 2:15 Referans Kwoze

A Sb'ab'el Carta San Pedro 3:17

Yel xo wach' tzcab'c syal yuj qui wach' b'eyb'al, toto 'ixta tz'el 'a sc'ojl Dios. Ax toto yuj qui tu b'eyb'al, tzcab'n syail, caw nab'an̈ej.

Tito 2:8

Tojln̈ej tzotj a cuywj 'a eb', sec wach' matz tac' yaln eb', to maysch'olnil jun chi tzac' scuy eb'. Toto 'ixta', toxn̈ej 'ay eb' tzchichni, palta 'oj q'uixwc 'el eb', yujto may junc tas tztac' yaln eb' 'a qui patquil.

A Sb'ab'el Carta San Pedro 2:12

Caw wach'n̈j tzcutjec qui b'eyb'al yil eb' mant 'ojtnacoc Dios. A ticnec, tzyal eb' to maysch'olnil tzcutjec qui b'a. Palta toto tzyil eb' qui wach' b'eyb'alec, 'oj yal eb' wach' paxti 'a Dios yic 'oj jawoc.

Mt 7:26

Palta ax eb' tz'ab'n in paxti', toto matz yiclj eb' 'icha tzwala, lajn eb' 'icha jun winc may snab'en, sb'o yatut 'a yib'n̈ poc.

1 Ts 5:18

Caw tzlaj eya'n̈j yuj diosal 'a Dios, yaln̈ej tas tzjaw 'a eyib'an̈. 'Ixta tznib'j Dios tzqui b'o'ec, yujto yic on̈c xo Cristo Jesús.

1 Ts 4:3

A jun tzo'n̈ tas 'oj walb't 'ayx tic, tznib'j Dios to tzqui yicljec. Yowlal caw an̈j 'a tzca'c 'och qui nab'en. Caw matz tac' qui b'onec 'ajmulal.

Jeremías 4:22

'Ix yaln Jehová 'ixtic: A eb' in chon̈ab', caw wal may jac snab'en eb', caw matz in yojquej 'el eb' jab'oc. Lajn eb' yet' eb' 'unn caw may jac snab'en, matz nachj 'el jac yuj eb'. Caw jeln eb' sb'on maysch'olnil, palta man̈ yojcoc eb' sb'on tas wach', xchi Dios 'ayin.

A Schab'il Carta San Pedro 2:12

'Icha junc noc', may jac tas tznachj yu'uj, 'ixta eb' 'anma cha, yujto cojxn wal tas tznib'j 'och sniwnal eb' tzb'o'o. Yuj cha, 'icha junc noc', cojn yopiso syamchji, tzmilx chamoc, 'ixta eb'. Ton̈j tzcomn b'uchwj eb' 'a jun tzo'n̈ tas man̈ yojcoc. 'Oj wach' satcn 'el eb', yujto caw maysch'olnil tzyutj sb'a eb'.

Ro 1:21

Yujto wach'xam yojc eb' to 'ay Dios, palta matz yal eb' sDiosaloc, may yel'ch 'a eb'. Matz yac' pax eb' yuj diosal 'a 'a. A jantcn̈ej tas tzna eb', caw may yel'chi. May snab'en eb', yujto q'uic'q'uinl yaj spixn eb'.

Pr 9:6

'Actjec can e man̈ nab'enal, sec wach' pitzn exn̈ej; b'eylb'ejc sb'eyb'al eb' 'ay snab'en, xchi eb' 'ix schecb' 'ix cha. A jun 'ix cha, tzyal 'el'chi, atn jelnal.

Job 2:10

Yuj cha, xyaln win 'ixtic: —Ach 'ix, a wal tzwab'i, lajn a paxtin yet' eb' 'ix 'ix may xon jac snab'en. An̈ tic, tox xqui chaj smasnil syaxilal Dios. ¿Tom at wal yailal ma'oj qui cha'? xchi winac. Wach'xam 'aych syailal Job, palta may tas tu 'ix yal 'a spatc Dios.

San Judas 1:10

Ax eb' tic, ton̈j tzcomn b'uchwj eb' 'a junc man̈ yojcoc. 'Ay jun tzo'n̈ tas yojc eb', atn tas yojc xon junc noc' may snab'en. A 'a jun tzo'n̈ tic tzwach' 'a'j juwc 'el sb'a eb'.

A Sb'ab'el Carta San Pedro 4:2

Yuj cha, 'ixta cab' tzcutjec qui b'a, sec wach' 'oj qui b'oc 'icha tznib'j Dios, ya' sb'a 'ayn̈ect 'ec' 'a yolyib'n̈q'uinl tic. Man̈x 'oj qui b'oc 'icha tznib'j qui niwnalec tic.

1 Ti 1:13

Al 'a yic yalan̈, caw b'uchwjnacn 'a Cristo. Caw wa'jnac in tul 'a 'a, 'ay 'aj b'ajb'il wu'uj. Palta caw x'o'ch sc'ojl Dios 'ayin, yujto ma'ix nachj 'el wu'uj, tas xin b'o'o, yujto mant in creyenteoc ta'.

Salmos 107:42

Ax yic 'oj yilnc eb' wach' sb'eyb'al jun tzo'n̈ cha, 'oj tzaljoc eb', ax eb' maysch'olnil snab'en, man̈x 'a tas 'oj yal eb'.

Tito 3:3

Yujto an̈ tic 'a yic yalan̈, caw may jac qui nab'en. Man̈ on̈ yiclumoc 'a Dios. Caw satnc on̈ to ta'. Caw ca'jnac servil jun tzo'n̈ tzann̈j maysch'olnil qui nib'jnac 'ochi. Caw maysch'olnil qui b'eyb'al ta'. Caw on̈ chichn 'och 'a eb' quit 'anmal yuj tastc 'ay 'a 'a. Yajb'iln̈ 'el yuj eb'. An̈jtona', xlaj qui yaj qui b'a junjn on̈ ta'.

Gl 3:1

Ax xo wal ex 'aj Galacia, caw man̈ nab'enal eyaji. Tecn 'ay junc x'a'n juwc 'el e nab'en 'icha tzyac' junc 'ajchum. Yuj cha, man̈x yiclumoc tzeyutj e b'a 'a jun cuynb'il yel. A yic quec' ta 'on̈, caw caljnac 'ayx on̈, chajtlto xcham Jesucristo 'a spenc culus. 'Icha wal to caw eyiljnac schami.

Mt 25:2

Own̈ eb' may wal snab'en, own̈ eb' jelan.

Salmos 5:5

A eb' b'an̈quintac, ma'oj stac' sc'och eb' 'a ojltac. Ach tic tza chacl eb' tzb'on maysch'olnil.

Job 5:16

A pax 'aych yipc sc'ojl eb' may wal ste'nal, tzmacn sti eb' maysch'olnil snab'en, sec man̈x 'a tas tztac' yaln eb'.

Dt 32:6

¿Tom 'ixtc wal tzeyutj eya'n spac 'a Jehová? Ax chon̈b' ex tic, caw may jac e nab'en. ¿Tom man̈oc Jehová e Mam yaji? ¿tom man̈oc ex b'oni? A 'ex b'oni, xya'n e q'uinal.

A Sb'ab'el Carta San Pedro 3:16

'Ay eb' tzon̈ b'uchn yuj qui wach' b'eyb'al, yujto 'aych qui nab'enec 'a Cristo. Palta caw ca'c cuenta qui b'a yet' qui nab'en, sec wach' a yic tzon̈ sb'uchnec eb', mun 'oj q'uixwc 'el eb'.