A Ch'an̈ B'ab'el Libro Yic Yab'ixal Eb' Rey 9:4 - Chuj San Sebastian Bible

⁴ Yuj cha, wach'n̈j cab' tzotj a b'a yet' smasnil a c'ojol, 'icha yujtnac sb'a David, atn a mam. Tzin a'n 'och yipc a c'ojol, tzach b'ey wal 'a stojlal, tza yiclni smasnil tas 'ix wac' a b'o', tza yiclni pax jun tzo'n̈ in ley yet' jun tzo'n̈ in checnb'il.

Chuj San Mateo Bible

⁴ Yuj chi', tato vach'n̈ej ol utej a b'a d'ayin d'a smasanil a c'ool, icha yutejnac sb'a vin̈aj David a mam, tato tzin ac'och yipoc a c'ool, tojoln̈ej tzutej a b'a, tza c'anab'ajan masanil tas ix vac' a c'ulej, tza c'anab'ajan in c'ayb'ub'al yed' in checnab'il,

A Ch'an̈ B'ab'el Libro Yic Yab'ixal Eb' Rey 9:4 Referans Kwoze

A Ch'an̈ B'ab'el Libro Yic Yab'ixal Eb' Rey 15:5

yujto a win David cha, caw tojl snab'en win 'a sat Jehová. May 'aj xyij 'el win snab'en 'a tas xyal Jehová 'a 'a, cojn wal smul 'ix 'ochi, yic xya'n milxoc win Urías hitita.

A Ch'an̈ B'ab'el Libro Yic Yab'ixal Eb' Rey 3:14

Toto 'oj a b'o tas tzin nib'ej, ax a yiclni in ley yet' in checnb'il, 'icha 'ix yutj syiclni a mam cha, toto 'ixta', 'oj wac' najtxb'oc a q'uinal, xchi Dios.

A Ch'an̈ B'ab'el Libro Yic Yab'ixal Eb' Rey 11:6

Yuj wal cha, caw tu tas sb'o win 'a sat Jehová, yujto ma'ix syiclj sb'on tas xyala, 'icha ya'jnac smam cha.

A Ch'an̈ B'ab'el Libro Yic Yab'ixal Eb' Rey 11:4

A yic x'och Salomón 'ichm wincal, ax eb' 'ix yistl chi x'i'n 'at snab'en 'a jun tzo'n̈ xo comn dios, yuj cha, man̈xtoc xya'ch snab'en si'mb'il 'a Jehová sDiosal, 'icha ya'jnac David, atn smam.

Gn 17:1

A Abram 99 ab'il sq'uinal, yic sch'oxn sb'a Jehová 'a 'a, xyaln 'a 'ixtic: —An ton Dios in, tztac' wuj smasnil, wach' tzotj a b'a 'a in sat.

Lc 1:6

Caw tojl snab'en eb' schawn̈il 'a sat Dios. Caw yiclum eb' 'a jun tzo'n̈ schecnb'il Cajlil, yet' 'a jun tzo'n̈ xo sley, caw may spalta'il eb' 'a 'a.

Zacarías 3:7

A Jehová tztac' yuj smasnil, a 'ix aln 'ixtic: B'eylb'ejn̈ej in b'eyb'al, tza yiclni smasnil tas xwac' a b'o'. Toto 'oj a b'o smasnil jun tzo'n̈ cha, to 'ixta', 'oj ach wa'ch yilmalc watut, ax a tan̈wni yet' yamq'uil. An 'oj wac' opiso och a wojltac, 'icha eb' in checb' 'aych 'a wojltac tic.

Pr 28:18

A mach wach' snab'en, 'oj colxoc, ax junc tu snab'en, 'oj 'el-lc yailal 'a yib'an̈.

Salmos 26:11

Aln pax jun, cojxn̈ej tas wach' tzin b'o'o. 'O'ch cab' wal a c'ojl 'ayin, coln 'eli.

A Ch'an̈ B'ab'el Libro Yic Yab'ixal Eb' Rey 14:8

An 'ix wij 'ec' jun 'opiso tic 'a yin̈tl David, 'ix wa'n can 'ayach. Palta ach xo tic, man̈ lajnoc xotj a b'a 'icha in checb' David cha, syiclj in checnb'il yet' smasnil sc'ojol, cojn tas tojol a 'ix sb'o 'a in sat.

A Ch'an̈ B'ab'el Libro Yic Yab'ixal Eb' Rey 11:38

Toto 'oj a b'o smasnil tas 'oj wac' a b'o', wach' 'oj otc a b'a, toto 'oj a b'o tas tojl 'a in sat, ax a yiclni in ley yet' in checnb'il, 'icha ya'jnac in checb' David, toto 'ixta', 'aynn̈ej 'ec' et'oc. Caw 'oj wa'ch opiso 'a jun 'ejmn̈ej, 'icha wutjnac wa'n yopiso David cha, ax wa'n 'och chon̈b' Israel tic 'a yol a c'ab'.

Salmos 26:1

Mamin Jehová alcn 'eli to may in mul, yujto wach'n̈j tas tzin b'o'o. Caw 'aych 'och yipc in c'ojol, may xon in chab'c'ojlal 'ayach.

Salmos 15:2

Atn eb' tic: Eb' yiclum 'ayach, eb' to wach' tas tzb'o'o, eb' tzaln tas yel yet' smasnil sc'ojol.

A Ch'an̈ B'ab'el Libro Yic Yab'ixal Eb' Rey 8:25

Yuj wal cha Mamin Jehová, qui Diosal ach on̈, 'el'ch cab' pax tas a ta'wjnac 'a jun a checb' David, yic alni to 'ayn̈j eb' yin̈tl 'oj 'och 'a a despacho yic tzya'n yajlil 'a chon̈b' Israel, cojn toto yiclum 'oj yutc sb'a eb' 'ayach, 'icha wal yutjnac sb'a in mam.

Dt 28:1

Toto caw yel, yiclum 'oj eyutc e b'a 'a Jehová qui Diosalec, ax e b'eylb'an smasnil jun tzo'n̈ schecnb'il tzwalcn 'ayx tic, toto 'ixta', caw niwn 'oj eyaj 'el'ch yuj 'a yib'n̈ jun tzo'n̈ xo nacion̈ 'a yolyib'n̈q'uinl tic.

Pr 20:7

A mach tojl snab'en, may tas tzyac' palta 'a sb'eyb'al, caw tzaljc'ojlal tzcan eb' yunnal.

Pr 10:9

A eb' wach' sb'eyb'al, may 'aj 'oj xiw eb'; ax eb' tu tzyutj sb'a, 'oj jawc 'a yib'n̈ eb'.

Gn 20:5

Yujto a pax Abraham 'ix aln 'ayin, to wanb' 'ix, xchi; 'ixta pax 'ix yutj 'ix yalni, in nul'j winac, xchi 'ix. Yuj cha, yet' smasnil in c'ojol, 'ixta 'ix in b'o'o, may tas tu wan in b'oni, xchi win rey cha.

A Ch'an̈ B'ab'el Libro Yic Yab'ixal Eb' Rey 3:3

Caw wal tzchamc'ojlej Salomón Jehová, tzyiclni ley alb'il can yuj David 'a 'a, atn smam. Locn pax tz'at yac' xajmb'al yet' incienso 'a jolmctac witz,

A Ch'an̈ B'ab'el Libro Yic Yab'ixal Eb' Rey 3:6

'Ix ta'w Salomón 'ixtic: Ach tic Mamin, caw 'ay a chamc'ojlal 'a a checb' David, atn in mam, yujto yiclumn̈ej 'ix yutj sb'a 'ayach. Caw tojl 'ix yutj sb'a 'aych 'a smasnil sc'ojol, yuj cha, 'ix 'el 'a a c'ojol to an 'unnab'iln tic, in 'em wocn 'a sdespacho, 'icha ton wan yuj ticnec.

A Ch'an̈ B'ab'el Libro Yic Yab'ixal Eb' Rey 6:12

A yuj jun n̈a wan a b'on tic, toto tza'n ach 'ochn̈ej 'a spatquil in ley, tza yiclni in checnb'il, tza b'eylb'an smasnil in cuynb'il, toto 'ixta', 'oj wac' 'el'choc smasnil tas alb'il can wuj 'a a mam oj ach tic, atn David.

A Ch'an̈ Schab'il Libro Yic Yab'ixal Eb' Rey 20:3

Tzin tew 'aych Mamin Jehová, to tza na coti chajtlto wach' 'ix wutj ach wa'n servil, xin b'on tas tzchaj a c'ojol, xchi 'a slesal. 'Ix 'oc' wal si'mb'il.

Salmos 78:72

Sjucb'tzej win eb' schon̈b' Dios 'a smasnil sc'ojol, 'ix stan̈wj win eb' 'a swach'il yet' 'a stojlal.

Salmos 101:2

Tzin nib'j a a tojlal tzin b'eylb'ej. ¿B'a'n̈ wal tzach jaw pax 'ayn jun? Tzin nib'j may tu paxti'al tzalx 'a wib'n̈ yet' wopiso.

Salmos 128:1

Caw wach' yic eb' yiclum tzyutj sb'a 'a Jehová, yujto 'oj scha eb' swach'c'ojlal.

A Ch'an̈ Schab'l Libro Samuel 22:22

Tzin b'eylb'ej sb'eyb'al Jehová, may 'ajtil xwij 'el in b'a 'a stz'ey in Diosal yic tzin b'on stu'al.

2 Cr 17:4

palta a sDiosal yet' smam 'icham, a 'ix yac' servil. 'Ix syiclni schecnb'il, man̈oc sb'eyb'al eb' 'aj chon̈b' Israel 'ix sb'eylb'ej.

Ez 18:9

Tzb'eylb'ej in checnb'il, yiclum tzyutj sb'a 'a tas tzwala. Yuj stojlal snab'en cha, najtl 'oj yila'. An Jehová Yajl in, an tzwala.