A Ch'an̈ B'ab'el Libro Yic Yab'ixal Eb' Rey 9:1 - Chuj San Sebastian Bible

¹ A yic xlajw sb'o 'el'ch jun yatut Jehová yuj Salomón, yet' jun sdespacho, yet' smasnil jun tzo'n̈ xo tas 'ix yac' sb'o'oc,

Chuj San Mateo Bible

¹ Ayic ix lajvi sb'oel stemplo Jehová yuj vin̈aj rey Salomón chi' yed' spalacio vin̈ yed' pax juntzan̈xo tas snib'ej vin̈ sb'o'o,

A Ch'an̈ B'ab'el Libro Yic Yab'ixal Eb' Rey 9:1 Referans Kwoze

2 Cr 7:11

'Ix sch'oxn sb'a Jehová jun 'ejm xo 'a 'ac'wl 'a Salomón, yic tox xb'o yatut Jehová yet' pax sdespacho winac, yet' smasnil tas snalb'ej win ya'n b'o 'a chab' n̈a cha, 'ix yaln Jehová 'ixtc 'a 'a: 'Ix wab' a lesal, xin si'n 'el jun lugar tic wico'oc, yic tz'och yatutaloc 'aj tz'ajx tz'a xajmb'al 'ayin.

Ec 6:9

Yel xo wach' jab' cab' tas 'ay 'ayn̈ec, 'a yib'n̈ pax to tzqui nib'jec nan̈loc xo. A jun tic, caw nab'an̈ej paxi, lajn wal 'icha yic tzcob' qui pechnec qui b'a yet' 'ic' yic tzcob' ca'lnoc qui yamni.

Ec 2:10

May 'aj xin tenc' tas tzin nib'ej; 'ix wac' in nab'en in b'on tas nab'il wu'uj. 'Ix wac' tzaljoc in c'ojl yet' smasnil in munljel, a jun in tzaljc'ojlal chi 'ix 'ajx spacc 'ayin.

Ec 2:4

Til wal tas niwc yel'ch xlaj in b'o'. 'Ix laj in b'o watut, xlaj wawn pax in uva.

A Ch'an̈ B'ab'el Libro Yic Yab'ixal Eb' Rey 9:11

A Hiram win sreyl Tiro, a x'a'n stel jun tzo'n̈ n̈a chi 'a Salomón, atn te c'ute', yet' te c'u'taj yet' pax smasnil q'uen oro xc'anx 'a 'a. Ax rey Salomón 'ix 'a'n junc'l chon̈b' 'ay 'a yol yic Galilea 'a Hiram cha.

A Ch'an̈ B'ab'el Libro Yic Yab'ixal Eb' Rey 7:51

A yic xlajw sb'o smasnil munljel 'ix yac' rey Salomón b'o 'a yatut Jehová, 'ix ya'n 'ijxoc 'at smasnil jun tzo'n̈ yamc'ab' to nab'a oro, yet' plata ya'jnac can David 'a Jehová, 'ix 'at ya'nc 'ajxoc can 'a yet'l 'aj tzmolx 'a yatut Jehová.

A Ch'an̈ B'ab'el Libro Yic Yab'ixal Eb' Rey 6:37

Schan̈l ab'il xo yoch Salomón reyal, 'a jun 'uj tzcuch Ziv, 'ix 'el yich yejm yipnub'al yich yatut Jehová.

A Ch'an̈ B'ab'el Libro Yic Yab'ixal Eb' Rey 7:1

Xlajw cha, xya'n b'o pax Salomón yatut, 'oxlajn̈e ab'il yel yich, yic xb'o 'elchi.

A Ch'an̈ B'ab'el Libro Yic Yab'ixal Eb' Rey 7:2

An̈jtona', xya'n b'o pax jun n̈a tzcuch Calte yic Líbano. 45 metro x'aj spac'b'il, nan̈l yoxl schawinc metro x'aj schiquin, nan̈l schan̈lajn̈il metro x'aj ste'il, chan̈ tzol te 'oy c'ute x'och yoyloc. Ax 'a sjolm te 'oy cha, ata can̈n q'ue te patzb' to c'ute'.

A Ch'an̈ B'ab'el Libro Yic Yab'ixal Eb' Rey 8:66

Ax yic xlajw q'uin̈ cha, ax 'a junx c'u 'ix yaln can sb'a rey Salomón 'a eb' chon̈ab', ax eb' 'anma cha, 'ix yaln eb' wach' paxti 'a yib'n win rey. Xlajw cha, 'ix paxx can eb' 'a yatut 'a tzaljc'ojlal yuj smasnil tas wach' sb'o Jehová 'a David, atn jun schecab', yet' eb' israel, atn eb' schon̈ab'.

A Ch'an̈ B'ab'el Libro Yic Yab'ixal Eb' Rey 9:10

Junc'l ab'il 'ix yac' Salomón ya'n b'o chab' niwc n̈a cha, atn jun yatut Jehová, yet' jun yatut winac.

2 Cr 8:6

Sb'on pax chon̈b' Baalat, yet' smasnil jun tzo'n̈ chon̈b' 'aj tzmolx tas tzc'uxx yuj Salomón. An̈jtona', sb'on pax smasnil chon̈b' 'aj tzmolx caruaje yet' no chej yic owal, yet' smasnil tas 'ix snib'j Salomón tzb'o 'a Jerusalén, 'a Líbano, yet' 'a smasnil lum lum 'a yol smacb'en.

A Ch'an̈ B'ab'el Libro Yic Yab'ixal Eb' Rey 3:1

'Ix nupn Salomón yet' 'ix yisl win sreyl Egipto, 'ixta x'aj yoch wach'c'ojlal 'a snan̈l chab' nacion̈ cha. 'Ix yi'n cot win 'ix, 'ix ya'n can 'a schon̈b' David, ya' sb'a wan swach' b'o yatut, yet' yatut Jehová, yet' pax muro tz'och oyn 'a spatquil Jerusalén.

2 Cr 7:1

A yic 'ix lajw sleslwi Salomón, 'ix cot c'ac' 'a satcha'an̈, 'ix tz'a xajmb'al to tz'a smasnil yet' jun tzo'n̈ xo xajmb'al. Caw 'ix macchj 'el yol yatut Jehová chi yuj stzictznial,

2 Cr 8:1

Junc'l ab'il 'ix yac' Salomón sb'on chan̈ yatut Jehová yet' pax jun sdespacho cha.