A Ch'an̈ B'ab'el Libro Yic Yab'ixal Eb' Rey 8:63 - Chuj San Sebastian Bible

⁶³ A Salomón 'ix yac' 22 mil no wacax, yet' 120 mil no calnelu yic tz'och no xajmb'al-l yuj yic junc'ojlal. 'Ixta xyutj win yet' smasnil eb' israel ya'n can 'och yopiso jun yatut Jehová cha.

Chuj San Mateo Bible

⁶³ Ay 22 mil noc' vacax yed' 120 mil noc' calnel ix yac' vin̈ silab'il d'a Dios yuj sch'oxan sjunc'olal yed'oc. Icha chi' ix aj yochcan jun templo chi' d'a yopisio yuj vin̈aj Salomón chi' yed' masanil chon̈ab'.

A Ch'an̈ B'ab'el Libro Yic Yab'ixal Eb' Rey 8:63 Referans Kwoze

Nehemías 12:27

A yic 'ix c'och sc'ul yajx can 'och smuroal Jerusalén 'a yol sc'ab' Dios, 'ix 'awtx cot eb' levita 'a smasnil lugar 'a 'ajtil cajn eb'. 'Ix jaw eb' 'a Jerusalén yuj jun q'uin̈ cha, yet' yuj yalx wach' paxti', tzb'itnax b'it 'a tzaljc'ojlal yet' platillo, arpa yet' lira.

2 Cr 15:11

A 'a jun c'u cha, 'ix yac' eb' xajmb'al 'a Jehová, uque ciente no mam wacax, uque pax mil no calnelu, atn no xit' yi'cn 'ec' eb' 'a eb' 'ajc'ojl cha.

Jn 10:22

Ax 'a yic xjaw stiempoal n̈ab'lq'uinal, 'ix 'och sq'uin̈ yatut Dios 'a Jerusalén.

Miqueas 6:7

¿'Oj tzaljoc am chan̈ Jehová, toto tzca'c junc mil no mam calnelu xajmb'alil, mto junc lajn̈e mil ch'ub' aceite? ¿Mto tzca'c eb' qui b'ab'l 'unnal xajmb'al-l 'a yuj qui mulec? xchi eb'.

Ez 45:17

Ax win yajl cha, a win tz'och 'ajcuentail ya'n tz'a no xajmb'al tz'a'i, 'ixm harina, yal uva tz'ajx ofrendail 'a yic tzpac' 'uj, 'a yic sc'ul 'iljelal, 'a yic tzjaw junjn q'uin̈ 'a chon̈b' Israel. A pax win 'oj 'a'nc no xajmb'al yic stojl mul, yet' yofrendail 'ixm trigo, no xajmb'al tz'a'i, yet' no xajmb'al yic junc'ojlal, sec tz'ajx niwnc'ojlal smul eb' israel cha.

2 Cr 30:24

Yujto a Ezequías sreyl Judá, 'ix siyj jun mil no quelm wacax, uque mil no calnelu 'a eb' chon̈ab' yic tzya'n eb' xajmb'aloc, an̈jtona', 'ixta pax eb' yajl yaji, 'ix siyj eb' jun mil no quelm wacax, yet' lajn̈e mil no calnelu. Caw niwn eb' ya'mal 'och sti eb' 'anma 'a Dios 'ix sacb'tzej can sb'a.

2 Cr 2:4

A ticnec, to 'oj wac' b'o chan̈ yatut Jehová qui Diosal on̈. 'Oj wa'cn yico'oc, sec ata tz'ajx tz'a perjuma su'q'ui sjab' 'a yojltac, tz'em tzoln 'ixm pan 'a yojltac, tz'ajx tz'a xajmb'al to tz'a smasnil 'a sq'uin̈b'ial yet' 'a yemc'ual, 'a sc'ul 'iljelal, 'a yic tzpac' 'uj, yet' jun tzo'n̈ xo q'uin̈ tznax yic tz'ijx chan̈ sb'i Jehová qui Diosal on̈. 'Ixta tzyal checnb'il 'ac'b'il 'ayn̈ an̈ israel on̈ tic 'a smasnil tiempo.

1 Cr 29:21

Ax 'a junx c'u 'ix yac' eb' no xajmb'al yet' pax no xajmb'al to tz'a smasnil 'a Jehová: Jun mil no quelm wacax, jun mil no mam calnelu, yet' pax jun mil no quelm calnelu, yet' yal uva tz'ajx xon 'a yic tz'ajx junjn macn̈ no xajmb'al tz'ajx yuj eb'.

2 Cr 7:4

Xlajw cha, ax win rey Salomón yet' smasnil eb' chon̈ab', 'ix ya'n can 'och jun n̈a chi yico'oc Dios. A win rey cha, 'ix yac' win 22 mil no mam wacax yic tz'och no xajmb'aloc, yet' 120 mil no calnelu.

Esdras 6:15

A yatut Dios cha, 'ix lajw sb'o 'a yoxl xo c'u yoch 'uj Adar, yic swacl xo ab'il yoch Darío reyl 'a Persia.

Ez 36:38

A jun tzo'n̈ chon̈b' lajwnac can 'ejm cha, 'oj b'ut'joc pax 'ejm 'anma 'a 'a, lajn wal yilx 'oj 'aj 'ejm eb' 'anma chi 'a 'icha tz'aj sb'ut'j c'och no calnelu 'a Jerusalén yic tz'ajx no xajmb'al-l 'a q'uin̈. Atta 'oj in eyojcoc 'eli, to an Jehová in, xchi Dios.

Salmos 30:1

Mamin Jehová tzach in b'itnej yet' in wach' paxti', yujto ach in a sic'q'ue wan 'a scal in yailal; ma'ix a nib'j in sb'uch eb' 'ajc'ojl yajch 'ayin.