A Ch'an̈ B'ab'el Libro Yic Yab'ixal Eb' Rey 8:32 - Chuj San Sebastian Bible

³² a 'a satcha'an̈, ata tza chaj ab' tas yaj jun cha, tza b'onyaj 'a stojlal; tza'n 'och yailal 'a yib'n̈ mach tz'och smul cha, tza b'onyaj pax mach may smul, a tzyal wal tas yilxi.

Chuj San Mateo Bible

³² comonoc tzab' d'a satchaan̈, tza ch'olb'itan d'a stojolal mach ay smul, tom a jun mach tz'ac'jioch d'a yib'an̈ chi', mato a jun mach tz'ac'anoch d'a yib'an̈ chi'. A achocab' tzac' syaelal jun mach ay smul chi', axo pax jun mach malaj smul chi' jun, a achocab' tzac' checlajoc to malaj smul.

A Ch'an̈ B'ab'el Libro Yic Yab'ixal Eb' Rey 8:32 Referans Kwoze

Dt 25:1

Toto 'ay chawn̈oc 'anma tzyac' owal, yowlal tz'at eb' sb'oyaj sb'a 'a sat eb' juez; a jun may smul cha, a tzcolchj cani, ax jun 'ay smul cha, tzcann̈j 'a yib'an̈.

Ez 18:20

A mach tz'och smul, a tzchami. A win 'unnab'il, matz tac' scham win yuj smul smam. 'Ixta pax win mamb'il cha, matz tac' scham win yuj smul yunnal. A mach tojl tas tzb'o'o, wach' spac 'oj scha'; ax mach maysch'olnil tas tzb'o'o, maysch'olnil tas 'oj scha sb'a yet'oc.

Ez 18:13

Tzyac' tumn majnil, tzc'ann yune q'uen tumn cha. A junc winc 'ixta sb'eyb'al cha, man̈ najtloc 'oj yila', yujto yajb'entac tas tzb'o'o, yuj cha, mun tzyij cot chaml 'a yib'an̈.

Ex 34:7

Caw 'ay in chamc'ojlal 'a yib'n̈ smasnil 'anma'. 'Ay in niwnc'ojlal 'a yib'n̈ eb' yuj smaysch'olnilal. Niwn tzwutj in c'ojl 'a yib'n̈ eb' yuj smul tzlaj 'ochi, palta a eb' 'ay smul cha, matz cann̈j eb' 'ixta'. Yowlal 'oj jawc yailal 'a yib'n̈ eb' mamb'il yet' 'a yin̈tl eb' b'aq'uin̈, xchi Dios.

Ro 7:9

A 'a yic mant wojcoc jun ley cha, pitzn in 'a sat Dios in nani. Ax yic 'ix wojcan 'eli, 'ix nachj 'el wu'uj, to caw may in ch'olnil. 'Ixta to b'i'an, 'ix wojcan 'eli, to chamnc in 'a sat Dios yu'uj.

Ro 2:13

A eb' ton̈j tz'ab'n jun ley cha, man̈ wach'c eb' 'a sat Dios, ax eb' tzyiclni tas tzyala, atn eb' chi wach' 'a sat.

Ez 18:30

Ex israel, e Yajlil waji, an 'oj ex in b'eyc'ojloc yuj tas maysch'olnil tze b'o'o. An tzwala to tzeyactj can smasnil e tu b'eyb'al, sec man̈oc 'oj e satn 'eli.

Pr 17:15

Toto tz'ajx niwnc'ojlal mach 'ay smul, mto tz'ajx 'och yailal 'a yib'n̈ junc may smul, a wal chab' tic, caw wal matz nib'j Jehová.

Pr 1:31

Caw 'oj eyab' syal yuj e b'eyb'al cha, 'oj eyec tzactzjoc e b'a yuj e maysch'olnilal cha.

Nm 5:27

Toto x'och smul 'ix 'a yol sc'ab' yichmil, a jun a 'oj yuc' 'ix cha, c'a 'oj 'aj yol sc'ojl 'ix yuj a', 'oj malchan̈ sc'ojl 'ix, ax stz'onb' pax 'el sniwnal 'ix, ax yochcn 'ix ch'oxnb'il yic maysch'olnilal 'a scal eb' yit chon̈ab'.

Ex 23:7

Man̈ eya'ch e b'a eya'n 'och 'es 'a yib'n̈ junc 'anma'. Man̈ eya'ch pax chaml 'a yib'n̈ junc 'anma may smul, yujto an 'oj wac' syailal eb' 'ixta tzb'o cha.

A Ch'an̈ Schab'l Libro Samuel 22:21

A Jehová, 'ix yac' spac wico', yujto wach' in b'eyb'al.

Salmos 18:25

Ach tic Mamin Jehová, tzac' 'el'choc a ti 'a eb' yiclum 'ayach; a eb' wach' snab'en, wach' pax tzotj a nab'en 'a eb'.

Is 45:25

Cojn 'ayn an Jehová in, ata 'oj yic' eb' yin̈tl Israel tojlal, 'oj yac' eb' tzaljoc sc'ojl wu'uj, xchi Dios.

A Ch'an̈ B'ab'el Libro Samuel 2:25

Toto 'ay junc mach tz'och smul 'a junc yit 'anma'il, tztac' to tzcolwj Dios yet'oc. Palta toto 'ay mach tz'och smul 'a Jehová, ¿mach wal 'oj stac' scolni? xchi Elí. May xon yel'ch tas xyal smam eb' chi 'a 'a, yujto a Jehová tox 'ix sna'a to 'oj cham eb'.

A Ch'an̈ B'ab'el Libro Yic Yab'ixal Eb' Rey 2:32

'Och cab' smulc yuj Jehová, yujto man̈ yojcoc in mam, atn David, yic 'ix smiln cham win Joab chi win Abner yunnal Ner, sgeneralil eb' soldado israel, yet' pax Amasa yunnal Jeter, sgeneralil eb' soldado Judá. A eb' chawn̈ cha, caw wach' eb', yiclum eb'.

A Ch'an̈ B'ab'el Libro Yic Yab'ixal Eb' Rey 2:33

A schaml eb' cha, 'och cab' smulc Joab, yet' eb' yin̈tl 'a smasnil tiempo. Palta ya' cab' Jehová sjunc'ojlal 'a quib'n̈ an̈ yin̈tl on̈ec rey David, to 'oj quemc wocnn̈ej 'a sdespacho, xchi Salomón.

Ester 9:25

Palta yujto xc'och 'ix Ester paxtinc 'a win rey, yuj cha, xya'n 'elt win jun ley, to a smasnil tas tu 'ix sna Amán sb'on 'a eb' israel cha, a 'a yib'n̈ win tz'atcni, yuj cha, 'ix q'ue locn win yet' eb' yunnal smasnil.

Salmos 7:9

Yujto Dios ach, caw tojln̈ej a nab'en; ojtac tas yaj snab'en eb' 'anma', yet' tas c'ultac yaj 'a snab'en eb'. Sat cab' 'el eb' maysch'olnil sb'eyb'al, palta ax eb' wach' sb'eyb'al, 'ac' ste'nal eb'.

Ez 9:10

'Ixta wal 'oj wutc eb', man̈x 'a in niwnc'ojlal 'a yib'n̈ eb' 'anma tic yuj stu b'eyb'al. Yuj smul eb' cha, ax sjaw wal yailal 'a yib'n̈ eb', xchi.