A Ch'an̈ B'ab'el Libro Yic Yab'ixal Eb' Rey 7:10 - Chuj San Sebastian Bible

¹⁰ An̈jtona pax yipnub'al yich, a q'uen q'uen caw ya 'ilb'il yaj sb'o'i, a 'ix 'och 'a 'a. A q'uen niwc q'uen 'ay 'ejmi, a junc'aj q'ue'en, nan̈l yol metro ste'il, ax junc'aj xo, 'oxe metro yet' 60 centímetro.

Chuj San Mateo Bible

¹⁰ An̈eja' q'uen ix can d'a yich, a q'uen q'ueen te vach' yaj sb'oi, a q'uen ix can d'ay, te nivac q'ueen. Ay q'uen nan̈al yoil metro sc'atul, ay pax q'uen oxe' metro yed' 60 centímetro sc'atul.

A Ch'an̈ B'ab'el Libro Yic Yab'ixal Eb' Rey 7:10 Referans Kwoze

Is 54:11

Xyaln pax Dios 'ixtic: 'Oltacch wal ach chon̈b' Jerusalén, 'ix ab' wal syal tas 'ix 'ec' 'a eb'an̈, may xon mach 'ix 'a'n jac sniwnal a c'ojol. Ax pax ticnec jun, an 'oj wac' b'oxc 'a chon̈b' jun 'ejm xo yet' q'uen q'uen wach' yilxi, ax wa'n 'ejm yipnub'al yich 'a yib'n̈ q'uen safiro.

Is 28:16

Yuj cha, tzyaln Jehová 'ixtic: An 'oj wa'cn 'och jun mach yipnub'alc 'a Sión, lajn jun chi 'icha junc q'ue'en. A jun cha to niwn yel'chi, sic'b'il 'el wu'uj yic tz'och 'a schicn n̈a. May b'an̈ 'oj satl jun yich 'aycn 'ejm cha. A eb' tzya'ch jun mach chi yipc sc'ojol, may b'a'n̈ 'oj somchjoc eb'.

A Ch'an̈ B'ab'el Libro Yic Yab'ixal Eb' Rey 7:9

A smasnil jun tzo'n̈ n̈a 'ix b'o cha, 'icha 'ix 'aj schan cot yipnub'al 'a yich, masnto 'ix lajw 'och yib'an̈, an̈jtona yet' yojol yet' spatquil, yet' jun niwquil 'amac', an̈j q'uen q'uen caw ya'ilb'il yaj sb'o'i, a 'ix 'och 'a 'a, q'uen wach' yaj stzeyxi, a tzyal yechel, polb'il yet' q'uen pol-lab'.

A Ch'an̈ B'ab'el Libro Yic Yab'ixal Eb' Rey 7:11

Ax 'a yib'n̈ yipnub'al yich cha, ata 'ay q'ue q'uen wach' yaj stzeyxi, 'icha wal yaj yechel, 'aych pax te c'ute yet'oc.