A Ch'an̈ B'ab'el Libro Yic Yab'ixal Eb' Rey 6:7 - Chuj San Sebastian Bible

⁷ A yic 'ix 'el yich sb'o'i, wach' xon yaj eb' q'uen q'uen sb'o'i, tzeyb'ilx eb' q'ue'en. Yuj cha, a yic wan sb'o jun n̈a cha, man̈x 'a 'aj 'ix 'ab'x sc'an̈ q'uen martillo, q'uen ch'acab', yet' junc xo q'uen yamc'ab'.

Chuj San Mateo Bible

⁷ A jantac q'uen q'ueen ix och d'a templo chi', tzeyb'il q'uen smasanil. Vach'xo yaj q'uen ayic ix javi q'ueen, yuj chi' man̈xalaj b'aj ix ab'chaj sc'an̈ junoc q'uen mac'umpoj q'ueen, ma junoc q'uen tzeylab' q'uen, ma yaln̈ej tas q'uenal.

A Ch'an̈ B'ab'el Libro Yic Yab'ixal Eb' Rey 6:7 Referans Kwoze

Pr 24:27

Mant e b'o chan̈ eyatut, toto mant 'a tas 'ay 'ayex yic tz'ec' tiempo eyu'uj.

Ex 20:25

Palta toto tze b'o junc yet'l xajmb'al 'a q'uen q'ue'en, man̈ eya'ch q'uen tzeyb'il, yujto a yic tzeyx q'uen yet' jun tzo'n̈ q'uen yamc'ab', man̈x smojc yoch yet'l xajmb'alil.

A Scarta San Pablo D'a Eb' Aj Colosas 1:12

Ax eya'n yuj diosal 'a qui Mam Dios. A tzb'on qui nab'enec, sec 'ay calnec quic yet' jantcn̈ej eb' yic xo yaji, yujto yic on̈c xo sacq'uinal.

2 Co 5:5

Yujn̈ej wal ton jun tic, on̈ sb'onec can Dios. Ya'n pax Yespíritu 'ayn̈ec, sec cojquec, to caw yel 'oj qui chac jun tzo'n̈ tic 'a 'a.

Ro 9:23

'Ixta yutjnac Dios sch'oxn 'eli, to caw niwn yel'ch swach'il, yic 'ix 'o'ch sc'ojl 'ayn̈ec. Yujto yictax pecti', si'jnacn̈ec 'och yico'oc, sec wach' 'ay calnec quic 'a swach'l cha.

A Tas Sc'ulejnac Eb' Schecab' Jesús Hechos 9:31

'Ixta to b'i'an, 'ix 'och wan jun owl chi 'a yib'n̈ eb' creyente smasnil 'a Judea, 'a Galilea, yet' 'a Samaria. Caw xlaj 'och ste'nal eb'. 'Ay xiwc'ojlal eb' 'a Cajlil. 'Ix 'och Yespíritu Dios yet' eb'. Yuj cha, 'ix niwtj chan̈ sb'isl eb'.

Is 42:2

May 'aj 'oj q'ue yaw, may mach 'oj 'ab'noc sjaj 'a yoltc caye.

Santiago 1:20

Yujto a yic tzcot cowlec, man̈oc 'icha tznib'j Dios wan qui b'oni, yujto tznib'j tojl tzcutjec qui b'eyb'al.

A Ch'an̈ B'ab'el Libro Yic Yab'ixal Eb' Rey 6:6

'Oxe piso x'aj't 'a cha'an̈, jun b'ab'l piso, chab' metro yet' 25 centímetro slewnal sat; ax schab'l piso, chab' metro yet' 70 centímetro slewnal sat, ax yoxl piso, 'oxe metro yet' 15 centímetro slewnal sat; jab'jnal 'ix 'aj satch 'a spac'b'il 'a spatic, sec wach' matz olx jun spac'b'il chi 'aj tz'och spatzb'il jun yatut Dios cha.

A Ch'an̈ B'ab'el Libro Yic Yab'ixal Eb' Rey 6:8

A spuertail jun tzo'n̈ cuarto cha, a 'a stojlal sur tzcani, yic tzon̈ 'och 'a yojl jun yatut Dios cha, ax yic tzon̈ q'ue 'a schab'l piso, yet' a yoxl piso, 'ay sc'ochal.