A Ch'an̈ B'ab'el Libro Yic Yab'ixal Eb' Rey 4:33 - Chuj San Sebastian Bible

³³ 'Ix yal yuj te te', yet' yuj c'ultac, tzchaj cot yaln yuj te c'ute 'ay 'a Líbano, masnto 'a te hisopo tzq'uib' 'a spatquil yich n̈a. An̈jtona', 'ix yaln yuj smasnil no noc', no ch'ic, no tzjuc sb'a 'a sat lu'um, yet' no chay.

Chuj San Mateo Bible

³³ Ix lolon vin̈ d'a yib'an̈ te te' yed' d'a yib'an̈ tas tz'avchaji. Ix schael yich vin̈ slolon d'a te' c'ute' ay d'a Líbano masanto d'a yib'an̈ te' hisopo sq'uib'q'ue d'a spatictac te' pat. Ix lolonpax vin̈ d'a yib'an̈ juntzan̈ noc' chan̈e' yoc, noc' much, noc' tz'ec' d'a sat luum yed' d'a yib'an̈ noc' chay ay d'a yoltac a a'.

A Ch'an̈ B'ab'el Libro Yic Yab'ixal Eb' Rey 4:33 Referans Kwoze

Salmos 92:12

Palta ax eb' wach' snab'en, 'icha to 'oj nichnoc eb' 'icha te palma, ax sq'uib' eb' 'icha te c'ute 'a Líbano.

Salmos 51:7

'Ijcan 'el in mul, sec tzin b'ox can 'el'chi. B'icn can 'eli, sec yel xo sac tzin 'ajcn 'icha q'uen sacb'acum.

A Ch'an̈ Schab'il Libro Yic Yab'ixal Eb' Rey 19:23

'Ix a'n yal eb' a checb' tu paxti'al 'ayn an Jehová in, 'ix cob' aln 'ixtic: Til wal sb'isl in caruaje yic owl wet'i, yic in q'ue'ch 'a sjolm eb' lum witz caw 'ay't 'a chan̈ 'a yol yic Líbano. 'Ix wa'n ch'acxoc te c'ute niwc ste'il yet' te taj wach' yilxi. 'Ixta to b'i'an, in q'ue'ch 'a lum jolmctac witz 'ay't 'a cha'an̈, xlaj wiln jun tzo'n̈ lum lum caw wach' yilx yet' sb'a'al.

A Ch'an̈ Carta D'a Eb' Hebreo 9:19

Yujto a Moisés 'awtjnac 'elt smasnil jun tzo'n̈ checnb'il yic jun ley chi 'a eb' qui mam quichmec. Xlajw cha, syamn chan̈ jun chac lana, yet' jun sc'ab' te hisopo. Ax 'a scal schic'l no quelm wacax, no quelm chiwo, caln yaj yet' a', slab'jnac 'ejmi, stzicn 'at 'a yib'n̈ ch'an̈ ley, yet' 'a yib'n̈ eb' 'anma'.

Nm 24:6

Sja'l wal eyilx 'at 'icha spantail te palma, 'icha yilx te 'awb'ente 'a sti a a', 'icha pax yilx te áloe 'awb'il yuj Jehová, mto 'icha yilx te c'ute 'a sti a', 'ixta eyilxi.

Nm 19:18

Tzlajw cha, ax junc winc wach' yaj 'icha yaln ley, a tz'i'n cot junc te sc'ab' hisopo, tzlab'n 'ejm 'a scal jun a a cha, tzicn 'och 'a yib'n̈ jun mantiado cha, tzicn 'och 'a smasnil lum chen mto lum xalu, yet' pax 'a smasnil eb' 'anma 'ay 'a yojl jun mantiado cha, an̈jtona tzicx 'och 'a jun mach tzyamn sniwnal junc chamnc cha, mto sb'acl junc 'anma milb'il chamoc mto mun chamnac, mto junc yet'l chamnc cha.

Ex 12:22

Tze chan schic'l no 'a yol junc palagan, tze sayn jun yuchc te sc'ab' hisopo, tze lab'n 'ejm 'a scal schic'l no cha, tze sucn 'och 'a smasnil smarcoal smac eyatut. May junc ex tzex 'elt 'a sti smac eyatut, masnto tzsacb'i.

Lv 14:51

Tzlajw cha, tzyi'n cot win te c'ute', te hisopo, te chac nip, yet' pax no ch'ic pitznto, tzlab'n 'ejm 'a scal schic'l no ch'ic to chamnc xo cha, atn jun chic' caln yaj yet' a a', tzlajw cha, tzicx 'och uc 'ejmoc 'a te n̈a cha.

A Ch'an̈ B'ab'el Libro Yic Yab'ixal Eb' Rey 4:32

'Ix yalcn 'el 'oxe mil paxti yic jelnal, sb'on pax 1,005 b'it.

A Ch'an̈ B'ab'el Libro Yic Yab'ixal Eb' Rey 4:34

A 'a smasnil nacion̈ 'aj 'ix c'och yab'xil sjelnal Salomón, 'ix cot eb' 'anma yet' eb' rey, yic tzwul 'ab'xnoc eb' 'a 'a.

Cantares 4:8

Ach cob's 'ix to 'oj och wistloc, 'el con̈ 'a lum Líbano tic. 'Oj calcn qui b'a 'a lum jolm witz Amana, 'a lum jolm witz Senir yet' 'a lum jolm witz Hermón; a 'a lum jolm witz chi 'ay sn̈aq'uen e no león, a pax ta 'ay yet'l e no leopardo.

Cantares 5:15

A yoc na, lajn yilx 'icha junc piral b'ob'il 'a q'uen mármol, te'n 'ejm q'uen 'a yib'n̈ sb'achnub'al nab'a oro, lajn pax yilx ni 'icha te c'ute niwc stel 'ay 'a Líbano.