A Ch'an̈ B'ab'el Libro Yic Yab'ixal Eb' Rey 4:31 - Chuj San Sebastian Bible

³¹ Yel xo jeln 'a yib'n̈ smasnil eb' winc b'inab'il yuj sjelnal: Atn Etán yin̈tl Zera, yet' 'a Hemán, Calcol, yet' pax 'a Darda, atn eb' yunnal Mahol. 'Ix 'ojcax 'el yab'xil 'a smasnil nacion̈ 'ay 'a stz'ey cha.

Chuj San Mateo Bible

³¹ Te jelan vin̈ d'a yib'an̈ juntzan̈ eb' vin̈ vinac b'inajnac yuj sjelanil, aton vin̈aj Etán yin̈tilal vin̈aj Zera, vin̈aj Hemán, vin̈aj Calcol yed' vin̈aj Darda, aton eb' vin̈ yuninal vin̈aj Mahol. A sb'inajnaquil sjelanil vin̈ chi', ix c'och specal d'a masanil juntzan̈ chon̈ab' d'a spatic yichan̈ Israel.

A Ch'an̈ B'ab'el Libro Yic Yab'ixal Eb' Rey 4:31 Referans Kwoze

1 Cr 2:6

Ax eb' yunnal Zera: atn Zimri, Etán Hemán, Calcol yet' Dara, own̈ sb'ey eb' 'a smasnil.

A Ch'an̈ B'ab'el Libro Yic Yab'ixal Eb' Rey 3:12

yuj cha, 'oj wac' tas chi xa c'an cha. 'Oj wac' a jelnal, mant 'a mach lajn snab'en 'ix 'ec' 'icha ach tic, may pax junc xo tot 'oj 'och 'a yic 'oj lajwc stiempoal eco'.

Lc 11:31

A 'a yic 'oj jawc jun c'u yic 'oj e b'eyc'ojlax yuj Dios, a 'ix sreinail Sur 'a pecti', 'oj q'ue wan 'ix, ax yaln 'ix e mul. Yujto caw wal najt cotnc 'ix, yic wul yab'xni 'ix 'a win Salomón yuj jantc sjelnal. An xo tic, 'ayn 'ec' 'a tic, 'ec'b'al wel'ch 'a yib'n̈ win Salomón cha, palta matz ex cot 'ab'xnoc 'ayin.

Mt 12:42

'Ixta pax jun 'ix sreinail Sur pecti', caw wal najt cotnc 'ix, wul yab'xni 'ix 'a win Salomón yuj sjelnal. Ax ticnec, 'ayn 'ec' 'a tic, 'ec'b'al wel'ch 'a yib'n̈ Salomón cha, palta matz wul ex 'ab'xnoc 'ayin. Yuj cha, at 'oj jawc jun c'u yic b'eyc'ojlal, 'oj q'ue wan 'ix, ax yaln 'ix e mul.

1 Cr 6:33

A eb' 'ayc' yet' yunnal ta', atn eb' yin̈tl Coat, a Hemán a tzjucb'tzan eb' 'a b'it; a stzolil tzchaj 'at 'a smam, masnto 'a slajb' smam 'icham, atn eb' tic: Joel, Samuel, Elcana, Jeroham, Eliel, Toa, Zuf, Elcana, Mahat, Amasai, Elcana, Joel, Azarías, Sofonías, Tahat, Asir, Ebiasaf, Coré, Izhar, Coat, Leví, Israel.

A Scarta San Pablo D'a Eb' Aj Colosas 2:3

Yujn̈ej Cristo tic, tztac' snachj 'el smasnil sjelnal Dios cujec, yet' jantcn̈ej tas yojtac.

Mt 4:24

C'uxn 'ix puccn 'el yab'xil 'a scal smasnil eb' 'aj Siria. Yuj cha, smasnil eb' ya'ay yuj tzann̈j yab'ilal, 'ix 'ijx cot eb' 'a 'a. An̈jtona yet' eb' tz'ixtx yuj ewin demonio yet' eb' tzcot owya 'a sjolom, yet' eb' sicb'nac 'eli, 'ix ya'n can b'oxc sc'ojl eb' smasnil.

Salmos 88:1

Mamin Jehová in Diosal ach, in Colmal aji, sc'ual yac'wlil in c'ann a colwal 'a wib'an̈.

2 Cr 9:23

A smasnil eb' rey cha, 'ix jaw eb' 'a Salomón, yic tzwul yilnc eb', mto wul yab'nc pax eb' jantc wal sjelnal x'ajx yuj Dios.

1 Cr 15:17

Yuj cha, a 'a scal eb' yin̈tl Leví 'ix si'x 'elt eb' tic yic tzyucn eb' q'uen platillo nab'a bronce: Atn Hemán yunnal Joel, yet' jun yican tzcuch Asaf, yunnal Berequías, Etán, yunnal Cusaías. A eb' tic yin̈tl Merari eb'. 'Ix si'x pax 'och jun tzo'n̈ xo eb' levita colwjoc yet' eb'. A eb' tzyucn jun tzo'n̈ arpa cotc sjaj: atn Zacarías, Jaaziel, Semiramot, Jehiel, Uni, Eliab, Benaía. Ax eb' tz'a'n 'och arpa niwquil sjaj, atn Maasías, Matatías, Elifelehu, Micnías, Azazías. Eb' tan̈m puerta, atn Obed-edom yet' Jeiel.

A Ch'an̈ B'ab'el Libro Yic Yab'ixal Eb' Rey 10:6

yuj cha, xyaln 'ix 'a win rey chi 'ixtic: A tas xwab' 'a in chon̈ab', yuj jun tzo'n̈ tas tza b'o'o, yet' yuj a jelnal tzb'inaxi, a jun tzo'n̈ tic, caw wal yel.

A Ch'an̈ B'ab'el Libro Yic Yab'ixal Eb' Rey 10:1

A 'ix reina yic chon̈b' Sabá, xyab' 'ix yel yab'xil Salomón, to caw niwn yel'chi, yujto caw tz'ijx chan̈ Jehová yu'uj. Xjaw 'ix 'a Jerusalén yic tzwul ya'nc prowal 'ix Salomón yet' jun tzo'n̈ tas tzc'anb'ej, jun tzo'n̈ to caw ya snachj 'eli. Caw niwn eb' schecb' 'ix ajun yet'oc. Yet' pax 'ix nan̈l e no cameyo, cuchb'il jun tzo'n̈ perjuma yuj e no', caw niwn pax q'uen oro, yet' pax jun tzo'n̈ q'uen q'uen caw wach' yilxi. A yic xjaw 'ix 'a yojltac Salomón, 'ix sc'anb'n 'ix smasnil jun tzo'n̈ tas nab'il yu'uj.

A Ch'an̈ B'ab'el Libro Yic Yab'ixal Eb' Rey 5:7

A yic 'ix yab'n Hiram jun tzo'n̈ paxti 'ix yalb't Salomón cha, caw 'ix tzalj wal si'mb'il, 'ix yaln 'ixtic: Alx cab' wach' paxti 'a Jehová ticnec, yujto 'ix yac' jun yunnal David, caw wal jeln snab'en, a 'oj yac' reyl 'a yib'n̈ jun niwquil chon̈b' cha, xchi.