A Ch'an̈ B'ab'el Libro Yic Yab'ixal Eb' Rey 3:7 - Chuj San Sebastian Bible

⁷ Ach tic Mamin Jehová, in Diosal ach, 'ix 'el 'a a c'ojl in a'n 'och reyl sjelc in mam, wach'xam quelm in to, mant 'a in jelnal.

Chuj San Mateo Bible

⁷ Mamin Jehová in Diosal, vach'chom quelem into, mantalaj in jelanil yic svalan tas tz'aj eb' anima, palta ix el val d'a a c'ool ix in ac'anoch reyal sq'uexuloc vin̈ in mam chi'.

A Ch'an̈ B'ab'el Libro Yic Yab'ixal Eb' Rey 3:7 Referans Kwoze

1 Cr 29:1

Xlajw cha, 'ix yaln rey David 'ixtc 'a smasnil eb' 'anma yamn cha: Cojn jun wunnal Salomón tic 'ix si'x can 'el yuj Dios, caw quelm 'unn to, ax jun munljel tic, caw niwquil, yujto a jun n̈a cha, man̈ jantcoc swach'l yilx 'oj 'ajoc, man̈ sdespachooc junc winac, palta to yatut Jehová Dios.

Nm 27:17

sec a 'oj jucb'tzanc eb' 'anma tic, yic 'oj 'atx eb' 'a 'aj 'oj b'eyoc, sec wach' ma'oj satc' eb' 'icha no calnelu may yilmal, xchi.

Jeremías 1:6

¡'Oltacn Mamin Jehová, ach Wajlil! ¡Caw wal quelm in to 'unin, mantzac nachj wu'uj, tas tzwutj paxtinc in b'a! xin chi 'a 'a.

Jn 10:9

An tic, lajn in yet' sti colal. A eb' tz'och wu'uj, 'oj colchjoc 'el eb'. 'Icha junc calnelu tz'och 'a yol scolal, tz'el paxta, tz'at saync wa sb'a, 'ixta 'oj 'aj eb'.

Dn 5:21

'Ix pechx 'el 'a scal yit 'anma'il, 'ix jelmj snab'en, lajn x'aj snab'en 'icha no noc'. Ax yet' no calcte'al b'uru 'ajnc cajan, a te c'ultc slo 'icha no wacax. 'Emnc chicb'chan̈ 'a yib'n̈ sniwnal, masnto xnachj 'el yu'uj, chajtlto a jun Dios cojxn niwn yel'chi, a tz'a'n yajlil 'a yib'n̈ eb' tz'och reyal. A mach tznib'j tzya'ch yajlil 'a junjn chon̈ab', tzya'chn̈ej.

Dn 5:18

Mamin rey, a jun Dios cojxn niwn yel'chi, a x'a'n 'och yopiso a mam 'ichm Nabucodonosor, sec niwn yel'ch yet' sjelnal, yic tzb'inaxi.

Dn 4:32

'Oj a pechx 'el 'a scal eb' 'anma', ax yet' no calte'al noc' 'oj a c'och cajan. Uque ab'il 'oj a lo te c'ultc 'icha e no wacax, masnto 'oj nachjoc 'el o'oj, to a jun Dios yel xo niwn yel'chi, a tz'a'n yajlil 'a yib'n̈ smasnil 'anma', yet' 'a yib'n̈ smasnil nacion̈ 'ay 'a sat lum lum tic. A tz'a'n 'och eb' yajl tznib'j ya'ch yajlil, xchi jun paxti cha.

Dn 4:25

To 'oj a pechx 'el 'a scal eb' 'anma tic, ax yet' no calte'al noc', ata 'oj aj cajan. A te c'ultc 'oj a lo 'icha no wacax, 'oj 'em chicb'chan̈ 'a eb'an̈. 'Ixtan̈ej 'oj 'aj yec' uque ab'il o'oj, masnto 'oj nachjoc 'el o'oj chajtlto a jun Dios yel xo niwn yel'chi, a yajl yaj 'a yib'n̈ eb' 'anma tz'a'n yajlil, a tz'a'n 'och yajlil eb' tznib'j tzya'chi.

Dn 2:21

Ach ojtac jantc tiempo tzyac' junjn mach yajlil, ach tza'ch eb' 'a yopiso, tze'n pax 'el eb'. O'oj yuj cha, 'ay snab'en eb' 'ay snab'en, o'oj yuj cha, 'ay sjelnal eb' 'ay sjelnal.

Ec 10:16

'Oltac wal junc nacion̈ to quelm 'unn junc tzya'ch sreyloc, ax eb' yichmtac wincal chon̈ab', an̈j 'a 'aj 'ay q'uin̈ ata tzq'uin̈lb'i 'el eb'.

Salmos 121:8

A Jehová a tzon̈ tan̈wni 'aj tzon̈ 'atec yet' pax yic tzon̈ japxec. Tzon̈ stan̈wniec 'a smasnil tiempo.

A Ch'an̈ Schab'l Libro Samuel 5:2

Wach'xam a Saúl 'ochnc qui reyloc, palta ach wal a'jnac ep on̈ a jucb'tzan 'a yic on̈ 'e'c 'a owal; a pax Jehová aljnac 'ayach, chajtlto ach 'oj on̈ e'c b'eyoc, ax a'n pax yajlil 'a quib'n̈ an̈ israel on̈ tic, xchi eb'.

A Ch'an̈ B'ab'el Libro Samuel 18:16

Palta smasnil eb' israel, yet' eb' 'aj Judá caw tzchamc'ojlej eb' David, yujto a tzjucb'tzan eb' soldado 'a owal.

Dt 31:2

An tic, 'ayx 120 ab'il in q'uinal, man̈x 'a wip ex in jucb'tzani. An̈jtona', tox 'ix yal Jehová 'ayin, to man̈x 'oj in c'axw 'ec' 'a a Jordán cha.

1 Cr 22:5

Yujto 'ix sna 'ixtic: A ni wunnal Salomón tic caw 'unn to na, ax pax jun yatut Jehová 'oj b'o cha, caw niwquil 'oj 'ajoc. Yel xo 'oj b'inax yuj swach'l yilx 'a smasnil yolyib'n̈q'uinal; ax ticnec yowlal 'oj in yamb'tzoc can smasnil syamc'ab'il 'oj 'och 'a 'a, xchi. A yic pitzn to David cha, caw niwn tas 'ix syamb'tzej cani.

1 Cr 22:9

Palta 'ay jun onnal 'oj 'aljoc, may owl 'oj sb'o', yujto an 'oj wa'cn 'och smasnil eb' 'ajc'ojl 'a junc'ojlal yet'oc. Salomón 'oj sb'ioc. A 'a yol stiempoal, an 'oj wac' junc'ojlal yet' tzaljc'ojlal 'a yib'n̈ in chon̈b' Israel.

Jeremías 1:7

'Ix yaln Jehová 'ayn 'ixtic: An Jehová in, an tzwala, man̈ ala', chajtlto quelm ach to 'unin, cojn to 'oj a 'atn̈j 'a 'ajtil 'oj ach in checa', ax aln smasnil tas 'oj wac' ala'.

Pr 18:12

A b'an̈quinal, tzon̈ yijec 'ejmi, ax 'emmquilal tzon̈ 'ijxec chan̈ yu'uj.