A Ch'an̈ B'ab'el Libro Yic Yab'ixal Eb' Rey 3:12 - Chuj San Sebastian Bible

¹² yuj cha, 'oj wac' tas chi xa c'an cha. 'Oj wac' a jelnal, mant 'a mach lajn snab'en 'ix 'ec' 'icha ach tic, may pax junc xo tot 'oj 'och 'a yic 'oj lajwc stiempoal eco'.

Chuj San Mateo Bible

¹² yuj chi' ol vac' tas tza c'an chi'. Ol vac' a jelanil chi'. Malaj junoc mach ec'nacxo lajan spensar icha ach tic. Malaj pax junocxo mach ol pitzvocchaan̈ ayic toxo ix ach ec'b'ati.

A Ch'an̈ B'ab'el Libro Yic Yab'ixal Eb' Rey 3:12 Referans Kwoze

Ec 1:16

Yuj cha, xin nan 'ixtc yet' in nab'en: An tic, caw wal niwn wel'ch 'a sat eb' 'anma'; yel xo jeln in 'a yib'n̈ smasnil eb' 'e'nc reyl 'a Jerusalén tic; til wal tas wojtac. Yuj cha xin yamn 'och in b'eyc'ojlani tas wal sjelpal jelnal yet' man̈ nab'enal. Ata xnachj 'el wu'uj to a jun tzo'n̈ cha, lajn 'icha 'ic' to matz tac' syamxi, caw matz nachj 'el wu'uj, xin chi.

Mt 12:42

'Ixta pax jun 'ix sreinail Sur pecti', caw wal najt cotnc 'ix, wul yab'xni 'ix 'a win Salomón yuj sjelnal. Ax ticnec, 'ayn 'ec' 'a tic, 'ec'b'al wel'ch 'a yib'n̈ Salomón cha, palta matz wul ex 'ab'xnoc 'ayin. Yuj cha, at 'oj jawc jun c'u yic b'eyc'ojlal, 'oj q'ue wan 'ix, ax yaln 'ix e mul.

A Ch'an̈ B'ab'el Libro Yic Yab'ixal Eb' Rey 5:12

A Jehová 'ix yac' sjelnal Salomón, 'icha 'ix yutj yalni. 'Ix sb'ocn jun strato yet' Hiram, yuj cha, caw 'ay junc'ojlal 'a scal eb' schawn̈il.

A Ch'an̈ B'ab'el Libro Yic Yab'ixal Eb' Rey 3:28

'Ix yab'n smasnil chon̈b' Israel, yuj tas 'ix yutj win rey sb'onyaj jun owl cha, yuj cha, caw wal niwn yel'ch win rey 'a sat eb', yujto 'ix 'ajx sjelnal yuj Dios, yic tzb'onyaj junc mach.

Lc 21:15

Yujto an 'oj ex wac' paxtinoc, ax wa'n jun jelnal 'ayex. Yuj cha, may junc eb' tzchichn 'och 'ayx 'oj eya'n ganar. May junc eb' tza'wni sjelnal 'icha jun 'oj wac' 'ayex.

Is 65:24

A yic mantzac in yawtj eb', toxn b'ab'l in ta'w 'a eb'; a yic mantzac lajw spaxtin eb' 'ayin, wojc xo tas chi tzyal eb'.

2 Cr 2:12

Yuj cha, alx cab' wach' paxti 'a Jehová e Diosal, jun b'ojnac satcha'an̈ yet' lum lu'um, yujto ach 'ix ach si'cn 'el 'a scal eb' o'tac. Ach yunnal rey David, caw jeln ach, caw tznachj 'el o'oj, cuywnacch 'a jeln nab'enal, ach 'oj a b'o chan̈ yatut Jehová, yet' junc a despacho 'aj 'oj ac' reyal.

A Scarta San Pablo D'a Eb' Aj Colosas 2:3

Yujn̈ej Cristo tic, tztac' snachj 'el smasnil sjelnal Dios cujec, yet' jantcn̈ej tas yojtac.

A Ch'an̈ B'ab'el Libro Yic Yab'ixal Eb' Rey 2:9

Man̈ ac' niwnc'ojlal 'a 'a. Ach tic caw 'ay a nab'en, tzcham wal a nani tas tzotej. Man̈ cab' ton̈joc tzcham 'a 'ichn̈jta', palta to yowlal tzmilx cham yuj tas tu sb'ojnac, xchi rey David.

Ec 1:13

'Ix in yamn 'och in b'eyc'ojlani, 'ix cham in cuyn wal 'a jelnal smasnil tas 'ay 'a yolyib'n̈q'uinl tic. Caw wal 'al jun 'ictz 'aych can 'a quib'n̈ an̈ 'anman̈ec tic yuj Dios.

Salmos 10:17

Ach wal tzab' slesl eb' 'emmquilal yeq'ui, tza'n ste'nal eb', tzab'n pax tas tzyal eb'.

A Ch'an̈ B'ab'el Libro Yic Yab'ixal Eb' Rey 2:6

Yuj cha, caw jeln tzotj a b'a, ma'oj cham cab' Joab 'a 'ichn̈jta'.

Pr 2:6

A Jehová a tz'a'n qui jelnal, a spaxti tz'a'n cojcoc 'el wach' nab'enal.

Dn 1:17

A ewin quelm tic schan̈wn̈il, a Dios 'ix 'a'n snab'en ewinac, xya'n sjelnal ewin scuyn smasnil jun tzo'n̈ ch'an̈ u'un̈. Ax Daniel 'ix 'ajx sjelnal snan 'el jun tzo'n̈ wayich, yet' jun tzo'n̈ 'ilwal.

Dt 34:9

Ax Josué yunnal win Nun, 'ix schaj can sjelnal 'a Moisés, yujto ya'jnac can Moisés chi yopiso 'a 'a, ax eb' yit israelal, yiclum xyutj sb'a eb' 'a Josué, 'icha yutjnac Jehová yaln can 'a Moisés yic 'ayt 'ec' yet' eb' yit chon̈b' cha.

A Ch'an̈ B'ab'el Libro Yic Yab'ixal Eb' Rey 5:9

'Oj yic' 'emt eb' in checb' te 'a lum jolm witz Líbano, ax yem'ch te 'a sti a mar. Ax ya'n 'och eb' te 'a yib'n̈ a', 'ixta 'oj 'aj te sc'och 'a 'aj 'ix al 'ayin. Ata 'oj a cha sc'och te', ach xo 'oj 'e't te ta', ax tas 'oj a b'o', cojn to tzac' cot tas tzin c'ux yet' eb' 'ayc' 'a watut tic, xchi Hiram.

1 Cr 29:25

'Ix 'ijx chan̈ sb'inab'ilal win yuj Jehová 'a sat smasnil eb' yit israelal, caw rico x'aj 'el'ch winac. Caw niwn x'aj 'el'ch 'a yopiso chi yu'uj, mant 'a xon junc sreyl chon̈b' Israel sb'inax 'icha rey Salomón tic.

Nehemías 13:26

'Ixtn tic x'aj yoch smul Salomón sreyl Israel. Wach'xam may junc xo rey lajn yet' 'a jun tzo'n̈ xo nacion̈, to 'ay schamc'ojlal Dios 'a 'a, 'ix 'ajx 'och qui reyloc an̈ israel on̈c tic, palta 'ix 'ijx 'at 'a maysch'olnil yuj eb' 'ix chuc chon̈b'al.