A Ch'an̈ B'ab'el Libro Yic Yab'ixal Eb' Rey 22:48 - Chuj San Sebastian Bible

⁴⁸ Sb'ojnac pax win Josafat jun tzo'n̈ te barco 'icha te yic Tarsis, yic tz'at yi'nc te q'uen oro 'a Ofir, palta ma'ix stac' s'at eb' ta', yujto 'ix pojcn te barco chi 'a Ezión-geber.

Chuj San Mateo Bible

⁴⁸ A vin̈aj Josafat chi', ix yac' b'ojoc juntzan̈ te' barco vin̈ icha te' yic eb' aj Tarsis, yic sb'at te' yic' q'uen oro d'a Ofir, palta maj yal-laj sb'at te', yujto ix pojcanb'at te' d'a Ezión-geber.

A Ch'an̈ B'ab'el Libro Yic Yab'ixal Eb' Rey 22:48 Referans Kwoze

A Ch'an̈ B'ab'el Libro Yic Yab'ixal Eb' Rey 10:22

'Ay jun tzo'n̈ sniwc barco win rey Salomón jun tz'ec' yet' jun tzo'n̈ sniwc barco win Hiram, yoxxil ab'il tzjaw eb' 'a Israel, yet' eb' oro, plata, marfil, no chab'in, yet' no pavo real.

A Ch'an̈ B'ab'el Libro Yic Yab'ixal Eb' Rey 9:26

Ya'jnac pax rey Salomón b'o jun tzo'n̈ barco 'a Ezión-geber, jun 'ayc' 'a stz'ey Elot 'a sti a Chac Mar, 'a lum lum yic Edom.

A Ch'an̈ B'ab'el Libro Yic Yab'ixal Eb' Rey 9:28

'ix c'och eb' 'a Ofir, axta x'ilchj q'uen oro yuj eb', 'ix yi'n cot eb' 280 quintal q'uen oro chi 'a rey Salomón cha.

Jonás 1:3

Palta ax Jonás, ma'ix syiclj 'a Dios, a yico', to 'ix 'at 'elc 'a 'a. 'Ix 'atcn 'a chon̈b' Tarsis yalni, yuj cha, 'ix 'at 'a jun puerto 'ay 'a sti a mar 'a Jope. Ata x'ilchj jun barco yu'uj, wan s'at te 'a Tarsis cha. 'Ix stojn spasaje, xlajw xoj cha, x'och 'a yol barco, 'ix 'ati, yic tz'at 'elc 'a Jehová yalni.

Is 60:9

A jun tzo'n̈ 'oj eyil cha, atn te barco tzcot 'a jun tzo'n̈ xo chon̈b' 'ay 'a sti a mar, b'ab'l eb' te yic Tarsis yuj eb' te'. Ata ajun eb' eyit chon̈b' yet' eb' 'anma cha, yet' eb' oro, yet' eb' plata, yuj yi'nb'ilc chan̈ in b'i an Jehová in. An e Diosal in, to Cojxn In Ton Dios In, an 'ixta 'oj wutc ex wa'n b'inaxc paxi.

Is 2:16

ax ya'n 'ijxc 'ejm eb' te barco yic Tarsis 'a yich a mar, yet' pax jun tzo'n̈ xo barco wach' yilxi.

Salmos 48:7

'Ix satl eb' 'icha tz'aj te barco yic Tarsis spoj yuj junc niwquil 'ic'.

Salmos 45:9

'Ay eb' 'ix yisl ewin rey 'ayc' 'a 'aj tz'och eyamnil. A 'a stojlal a wach' c'ab' 'a a despacho, ata 'ayc' 'ix reina. A q'uen oro yel xo wal caw wach' a 'aych 'a 'ix.

2 Cr 25:7

Palta 'ay jun schecb' Dios xc'och 'a yojltac win rey, xyaln 'a win 'ixtic: —Ach rey, man̈ e'ch eb' soldado yic Israel et'oc, yujto man̈ 'ayc 'och Jehová yet' eb', atn smasnil eb' yic Efraín.

2 Cr 20:21

A yic 'ix lajw spaxtin yet' eb' chon̈b' cha, 'ix si'n 'el jun tzo'n̈ eb' to tzb'itni. 'Ix ya'n 'och eb' spichl yic yopiso cha, 'ix b'ab'lj eb' yuj eb' soldado cha. Tzyaln eb' wach' paxti yet' sb'it 'ixtic: Ca'c yuj diosal 'a Jehová, yujto a schamc'ojlal, 'ayc' 'a jun 'ejmn̈ej, xchi eb'.

2 Cr 9:21

A eb' schecb' win rey, tz'at eb' yet' eb' schecb' Hiram yet' te barco 'a Tarsis, yic tz'at yi'nc cot eb' q'uen oro, q'uen plata, q'uen marfil, no chab'in yet' no pavo real 'a junjn yoxxil ab'il.

A Ch'an̈ B'ab'el Libro Yic Yab'ixal Eb' Rey 22:49

Xlajw cha, ax win Ocozías yunnal can Acab, 'ix yaln win 'ixtc 'a win Josafat: Comnoc tzyal a c'ojol, tz'atx ewin in checb' tic yet' ewin ec chi 'a yol a barco cha, xchi winac, palta ax win Josafat, ma'ix yal sc'ojl winac.

Gn 27:37

'Ix yaln Isaac chi 'a Esaú 'ixtic: —'Ilto, tox xwa'ch yopiso ni Jacob 'a eb'an̈. Smasnil eb' yu'tac 'oj 'och eb' schecb'oc. An̈jtona', tox 'ix walcni, to til wal 'oj yutc ya'n trigo yet' te uva 'a na. ¿Tasto wal wach' tzach wutj ach wunnal? xchi.

A Ch'an̈ Schab'l Libro Samuel 8:14

Yajn̈j wal cha, xya'n 'och David chi eb' soldado stan̈malc chon̈b' Edom, yuj cha, smasnil eb' edomita cha, 'ix 'ochcn eb' 'a yaln̈ schecnb'il. Ax Jehová, a tz'a'n ya'n̈j ganar, yaln̈j 'ajtil tz'ati.

A Ch'an̈ Schab'il Libro Yic Yab'ixal Eb' Rey 3:9

Xlajw cha, 'ix 'at sreyl chon̈b' Israel, yet' sreyl chon̈b' Judá, yet' pax sreyl chon̈b' Edom, uque c'u 'ix b'ey eb', yujto 'ix yoymtej eb' lum cusltac lu'um. 'Ix lajw 'ejm yal eb' soldado tzyuq'uej, yet' yic no schej eb' ajun yet'oc.

A Ch'an̈ Schab'il Libro Yic Yab'ixal Eb' Rey 8:20

A 'a yol stiempoal Joram, 'ix yij 'el sb'a chon̈b' Edom 'a yaln̈ schecnb'il eb' 'aj Judá, 'ix ya'ch eb' sreyl 'a yol yico'.