A Ch'an̈ B'ab'el Libro Yic Yab'ixal Eb' Rey 22:43 - Chuj San Sebastian Bible

⁴³ A win Josafat cha, wach' xyutj win sb'eyb'al 'icha yutjnac smam, atn win Asa. A 'a sat Jehová, tojl xyutj win sb'on smasnil tas. Cojn b'i'an to ma'ix yij 'el win jun tzo'n̈ yet'l smacsej eb' 'anma 'a jolmctac witz, atn 'aj tzyac' eb' xajmb'al yet' 'aj sn̈us eb' incienso.

Chuj San Mateo Bible

⁴³ A vin̈aj Josafat chi', vach'n̈ej ix yutej sb'eyb'al vin̈ d'a yichan̈ Jehová, icha yutejnac sb'a vin̈aj Asa smam vin̈. An̈ej to maj scheclaj vin̈ ic'joquel masanil yed'tal b'aj tz'och ejmelal b'aj syac' silab' eb' anima yed' b'aj sn̈us incienso eb' d'a juntzan̈ lugar chaan̈.

A Ch'an̈ B'ab'el Libro Yic Yab'ixal Eb' Rey 22:43 Referans Kwoze

A Ch'an̈ B'ab'el Libro Yic Yab'ixal Eb' Rey 15:14

Wach'xam ma'ix yij 'el win smasnil jun tzo'n̈ macsej 'a 'aj tzyal sb'a eb' 'anma 'a jolmctac witz, palta caw tojl xyutj win Asa chi snab'en 'a sat Jehová.

A Ch'an̈ Schab'il Libro Yic Yab'ixal Eb' Rey 12:3

Palta b'i'an, ma'ix 'ijx 'el jun tzo'n̈ macsej 'a yet'l 'a jolmctac witz yu'uj, an̈ja to ya'n eb' 'anma xajmb'al, tzn̈usntz'a eb' incienso ta'.

Pr 4:27

Man̈ e'l a b'a 'a jun b'e yic tojlal, palta 'ij 'el a b'a 'a jun b'e yic maysch'olnil.

Salmos 125:5

Palta ax eb' tz'atcn 'a scal tu b'eyb'al, 'at cab' can eb' yet' eb' maysch'olnil sb'eyb'al chi 'a scal yailal. ¡'Ay cab' junc'ojlal 'a qui calc an̈ israel on̈c tic!

Salmos 101:3

May wal b'a'n̈ 'oj wa'ch in nab'en 'a tas maysch'olnil. Matz in nib'j wil eb' tzyij 'el sb'a 'a a tz'ey, may wal junc eb' 'oj wa'ch yopiso 'a in despacho.

Salmos 40:4

Caw wach' yic eb' to a Jehová tzya'ch yipc sc'ojol: Matz ya'ch sb'a eb' 'a scal eb' tzb'on maysch'olnil, matz ya'ch pax sb'a eb' yet' eb' tzyac' 'ejm sb'a 'a jun tzo'n̈ comn dios.

2 Cr 15:17

Wach'xam ma'ix yij 'el jun tzo'n̈ smacsej eb' 'anma 'a jolmctac witz 'a yol yic Israel, palta a Asa caw ste'wtzej sb'a syiclni Jehová.

2 Cr 15:8

A yic xyab'n Asa jun tzo'n̈ paxti 'ix yal win schecb' Dios cha, 'ix 'och wal yip si'mb'il, yuj cha, 'ix yi'n 'el jun tzo'n̈ yechl comn dios yajb'entac 'ay 'a smasnil yol yic Judá, 'a yol yic Benjamín, yet' 'a jun tzo'n̈ chon̈b' yijnac 'eq'ui, jun tzo'n̈ 'ay 'a jolmctac witz 'a yol yic Efraín. 'Ix sb'on pax chan̈ jun yet'l xajmb'al 'ay 'a yojltac yatut Jehová.

2 Cr 14:11

'Ix yaln sb'a Asa 'a Jehová sDiosal, xyaln 'ixtic: Mamin Jehová, ach tic caw lajnn̈ej tzotj a colwj 'a mach tec'an yet' 'a mach may wal ste'nal. Yuj wal cha, colwjan̈ quet' ach Jehová qui Diosal on̈, yujto 'ix ca'ch wal qui c'ojl 'ayach. A yet' a poder tzon̈ jaw cac' owl yet' jun tzo'n̈ soldado tic. Mamin Jehová, ach tic qui Diosal ach on̈, ch'oxo chajtlto may junc mach tztac' ste'wtzan sb'a 'a a sat, xchi.

A Ch'an̈ Schab'il Libro Yic Yab'ixal Eb' Rey 18:22

Toto tzeyal 'ixtc 'ayin: An̈ tic on̈ a Jehová qui Diosal on̈, a tzca'ch yipc qui c'ojol, toto xe chi. 'In tox 'ix yac' win Ezequías chi satl jun tzo'n̈ macsej 'ay 'a jolmctac witz yet' smasnil yet'l xajmb'al yic e Diosal cha. Tox 'ix yal 'ayx 'ex 'aj Judá yet' ex 'aj Jerusalén, to an̈j 'a jun yet'l xajmb'al 'ay 'a Jerusalén, ata tzeyal e b'a.

A Ch'an̈ B'ab'el Libro Yic Yab'ixal Eb' Rey 15:11

A win Asa cha, caw tojl xyutj win snab'en 'a sat Jehová, 'icha 'e'nc smam 'ichm David winac.

A Ch'an̈ B'ab'el Libro Yic Yab'ixal Eb' Rey 15:5

yujto a win David cha, caw tojl snab'en win 'a sat Jehová. May 'aj xyij 'el win snab'en 'a tas xyal Jehová 'a 'a, cojn wal smul 'ix 'ochi, yic xya'n milxoc win Urías hitita.

A Ch'an̈ B'ab'el Libro Yic Yab'ixal Eb' Rey 14:23

'Ix sb'o pax eb' yet'l 'emmquilal 'a lum jolmctac witz, yet' 'a yich smasnil te te caw pim xi'il. Tzlin̈n chan̈ eb' q'uen q'uen yechloc, yet' te te sch'oxnb'il comn dios tzcuch Asera.

Ex 32:8

Yajn̈j wal cha, 'ix yi'n 'el sb'a eb' 'a tas xwala, sb'on eb' jun yechl quelm wacax; xlaj cob' ya'nc 'ejm sb'a eb', xya'n eb' xajmb'al 'a jun yechl cha, xyaln eb' 'ixtic: Ex q'uit israelal, atn wal qui diosalec tic on̈ 'i'nec 'elt 'a Egipto, xchi cob' eb', xchi Dios 'a Moisés cha.

A Ch'an̈ B'ab'el Libro Yic Yab'ixal Eb' Rey 3:2

A 'a yic jun tiempoal cha, ata tz'at yac' eb' 'anma xajmb'al 'a jolmctac witz, yujto mantzac b'o yatut Jehová.

A Ch'an̈ B'ab'el Libro Yic Yab'ixal Eb' Rey 22:42

'Ayx 35 ab'il xo sq'uinl winac, yic yoch win reyl cha. 25 ab'il 'ix yac' win reyl 'a Jerusalén. Azuba sb'i 'ix snun winac, yisl jun win tzcuch Silhi.

Pr 13:1

A eb' 'unnab'il wach' snab'en, tzchaj eb' yab' tennb'il tzyal smam 'a 'a; ax eb' tzyij chan̈ sb'a, matz chaj eb' yab'i'.