A Ch'an̈ B'ab'el Libro Yic Yab'ixal Eb' Rey 22:39 - Chuj San Sebastian Bible

³⁹ A jancto yab'xil smasnil tas sb'o win Acab, yet' yab'xil jun yatut win sb'o'o, atn jun nab'a marfil, yet' pax yab'xil jun tzo'n̈ chon̈b' xlaj sb'o win smuroal, ata tz'ib'b'il 'a ch'an̈ libro yic yab'xil eb' sreyl chon̈b' Israel.

Chuj San Mateo Bible

³⁹ A jantacto yab'ixal vin̈aj rey Acab chi' yed' tas ix sc'ulej vin̈ yed' pax yab'ixal spalacio vin̈ ayoch marfil yelvanub'oc yed' nivac chon̈ab' ix laj sb'o vin̈, tz'ib'ab'ilcan b'aj aycan yab'ixal eb' vin̈ sreyal Israel.

A Ch'an̈ B'ab'el Libro Yic Yab'ixal Eb' Rey 22:39 Referans Kwoze

Am 3:15

An Jehová in, an tzwala, 'oj in mac' lan̈chjoc jun tzo'n̈ n̈a tzc'anlb'ax 'a yic stiempoal si'ic, yet' jun tzo'n̈ tzc'anx 'a yic stiempoal c'ac'. 'Oj in mac' lan̈chjoc jun tzo'n̈ n̈a 'aych q'uen marfil yelwnub'loc, atn jun tzo'n̈ niwc n̈a, xchi Dios.

Am 6:4

Man̈x jantcoc swach'l yilx 'aj tzex 'em wocn e wa'i. Niwn tas tzb'o e c'uxu' yic tze chin no cotc quelmtac calnelu, yet' no quelmtac wacx to caw wal b'aq'uech.

Ez 27:15

A eb' 'aj Rodas yet' eb' cajn 'a jun tzo'n̈ xo chon̈b' 'ay 'a sti a mar, tzwulc' eb' manwjoc 'ayach, ax q'uen marfil yet' ébano, a tzya'cn eb' stojloc tas tzman cha.

Ez 27:6

A te sma'lab'il a yic te barco cha, 'ix b'o te 'a te mach' 'ix cot 'a lum Basán; ax te q'uisis xcot 'a Chipre, a te x'och smacloc eb' te barco cha. A q'uen marfil, a 'aych pax yelwnub'loc.

Salmos 45:8

Smasnil a pichul, caw tz'ec' sjab' yet' sperjumail te mirra, te áloe, yet' yic te canela. A son 'aych sch'an̈il a tz'a'n tzaljc'ojlal 'aych 'a atut 'aj tzac' yajlil, jun to nab'a marfil 'aych yelwnub'loc.

A Ch'an̈ B'ab'el Libro Yic Yab'ixal Eb' Rey 16:27

A jancto yab'xil win Omri yet' smasnil tas xlaj sb'o', yet' jantc tas ya'jnac ganar yi'n cani, ata tz'ib'b'il 'a ch'an̈ libro yic yab'xil eb' sreyl Israel.

A Ch'an̈ B'ab'el Libro Yic Yab'ixal Eb' Rey 16:20

A jancto yab'xil win Zimri yet' tas snajnac chan̈ 'a spatquil win rey, ata tz'ib'b'il 'a ch'an̈ libro yic yab'xil eb' sreyl Israel.

A Ch'an̈ B'ab'el Libro Yic Yab'ixal Eb' Rey 16:5

A jancto yab'xil Baasa yet' tas xlaj sb'o yet' sjelnal, ata tz'ib'b'il can 'a ch'an̈ libro yic yab'xil eb' sreyl Israel.

A Ch'an̈ B'ab'el Libro Yic Yab'ixal Eb' Rey 15:31

Ax jancto yab'xil win Nadab yet' tas b'ob'il yu'uj, ata tz'ib'b'il can 'a ch'an̈ libro yic yab'xil eb' sreyl Israel.

A Ch'an̈ B'ab'el Libro Yic Yab'ixal Eb' Rey 15:23

A jancto yab'xil win Asa yet' tas sb'o'o, yab'xil sjelnal winac, yet' eb' lum chon̈b' xlaj sb'o chan̈ winac, ata tz'ib'b'il can 'a ch'an̈ libro yic yab'xil eb' sreyl Judá. Ax yic x'och win 'ichm wincal, 'ix 'och syailal, a yoc 'ix 'och syab'il.

A Ch'an̈ B'ab'el Libro Yic Yab'ixal Eb' Rey 14:19

A jun tzo'n̈ xo yab'xil win Jeroboam, 'icha yuj jun tzo'n̈ tas xlaj sb'o', yet' 'aj xlaj yac' owal, yet' yuj tas xyutj ya'n reyal, ata tz'ib'b'il can smasnil 'a ch'an̈ libro yic yab'xil eb' sreyl Israel.

A Ch'an̈ B'ab'el Libro Yic Yab'ixal Eb' Rey 10:22

'Ay jun tzo'n̈ sniwc barco win rey Salomón jun tz'ec' yet' jun tzo'n̈ sniwc barco win Hiram, yoxxil ab'il tzjaw eb' 'a Israel, yet' eb' oro, plata, marfil, no chab'in, yet' no pavo real.

A Ch'an̈ B'ab'el Libro Yic Yab'ixal Eb' Rey 10:18

'Ix ya'n pax b'o jun niwquil despacho to nab'a marfil x'aji, 'ix ya'n 'ajxoc 'och q'uen oro to caw wach' 'a 'a.

A Ch'an̈ B'ab'el Libro Yic Yab'ixal Eb' Rey 22:40

'Ix cham win Acab, ax jun yunnal win tzcuch Ocozías, a x'ochx can reyl sjelc winac.

A Ch'an̈ Schab'il Libro Yic Yab'ixal Eb' Rey 1:18

A jab'x yab'xil win rey Ocozías yet' smasnil tas 'ix 'el sb'oni, ata tz'ib'b'il 'a ch'an̈ libro 'a 'aj tz'ib'b'il yab'xil eb' sreyl chon̈b' Israel.

A Ch'an̈ Schab'il Libro Yic Yab'ixal Eb' Rey 15:15

Ax jantc to yab'xil Salum yet' yic 'ix 'och 'ajc'ojlal 'a Zacarías, ata tz'ib'b'il can 'a ch'an̈ libro 'aj tz'ib'b'il can yab'xil eb' sreyl chon̈b' Israel.