A Ch'an̈ B'ab'el Libro Yic Yab'ixal Eb' Rey 22:27 - Chuj San Sebastian Bible

²⁷ Tzeyaln 'ixtc 'a winac: A win rey 'ix alni to tz'och jun winc tic 'a preso, man̈ niwnoc tas tz'ajx sc'uxu', jab' wal jac wal tz'ajx 'a 'a. 'Ixta pax tas tzyuq'uej, masnto tzin meltzj pax 'a tzaljc'ojlal 'a owl cha, xchi win rey, xe chi, xchi win rey chi 'a eb' schecb' cha.

Chuj San Mateo Bible

²⁷ Tzeyalan d'a eb' vin̈ icha tic: A vin̈ rey ix alani to tz'och jun vin̈ tic d'a preso. Jab'n̈ej svael vin̈ tzeyac'a', jab'n̈ej pax a' tzeyac' yuq'uej vin̈, masanto tzin meltzaj d'a junc'olal, xchi vin̈ rey chi', xe chi d'a eb' vin̈.

A Ch'an̈ B'ab'el Libro Yic Yab'ixal Eb' Rey 22:27 Referans Kwoze

2 Cr 16:10

Yuj cha, caw xcot yowl rey Asa chi 'a jun schecb' Dios cha, 'ix ya'n 'och 'a preso, yujto 'ix cot yowl si'mb'il yuj jun cha. An̈jtona', a 'a yic jun tiempoal cha, ata 'ix 'ixtx 'el jaywn̈ eb' 'anma yuj Asa cha.

Apoc 2:10

Man̈ ex xiw yuj jun tzo'n̈ yailal 'oj jawc 'a eyib'an̈. 'Ayx 'oj eyajx 'och 'a preso yuj win diablo. 'Ixta 'oj ex yutc win ex ya'n prowal. Lajn̈e c'u 'oj eyab' syail. Palta yiclumn̈ej tzeyutj e b'a, masnto 'oj e chami. Toto 'ixta 'oj eyutc e b'a, 'oj wac' spac 'ayex, atn e q'uinl 'a jun 'ejmn̈ej.

Ef 3:1

Yuj wal jun tzo'n̈ xwal tic, tzin leslwi eyu'uj. An Pablo in tic, preso waji, yujto tzwac' servil Cristo Jesús 'a e cal ax man̈ ex israeloc.

A Tas Sc'ulejnac Eb' Schecab' Jesús Hechos 26:10

'ixta wutjnac in b'a 'a Jerusalén. 'Ochnc wopiso yuj ewin sat ya'mal 'och qui ti 'a Dios on̈, yuj cha, til wal eb' creyente wa'jnac 'och 'a preso, yic sma'x cham eb', in ta'w 'at 'a spatc eb'.

A Tas Sc'ulejnac Eb' Schecab' Jesús Hechos 5:18

Yuj cha, xya'n ewin yamchjoc eb' schecb' Jesús. 'Ix ya'n 'och ewin eb' 'a jun preso yic chon̈ab'.

Lc 3:20

palta a win Herodes cha, toxn ma'ix syiclj xon win jac 'a 'a, ton̈j 'ix swach' b'oj win junx maysch'olnil, yujto xya'ch win Juan chi 'a preso.

Jeremías 38:6

Yuj cha, in syamn cot ewinac. Xlajw cha, in ya'n 'ejm ewin yet' lasu 'a yojl jun xab' 'a 'aj tzyam sb'a a a'. A jun xab' cha, yic Malquías yunnal win rey cha. Ata 'ay 'a jun 'amc' 'a 'aj 'ayc' eb' tztan̈wni despacho. A jun xab' cha, man̈x a 'a yojol, cojxn b'i'ch 'ay, yuj cha, ax yic in 'emch 'a yich, in 'atcn 'a scal b'i'ch cha.

Jeremías 37:15

Caw xcot yowl ewin 'ayin, xin ya'n ma'xoc ewinac, xin ya'n ewin 'ajxoc 'och 'a preso 'a yatut Jonatán, win 'ajtz'ib'. A yatut win cha, a x'och presoal yuj ewinac.

Jeremías 20:2

in ya'n win ma'xoc, in ya'n win 'ajxoc 'och 'a yojl te sepo 'ay 'a sti spuertail yatut Jehová 'aych 'a yib'an̈, jun 'ay 'a stojlal yic Benjamín.

Is 30:20

Wach'xam tzex 'ec' 'a scal yailal, yet' 'a scal somc'ojlal yuj Cajlil, palta to e cuymal yaji, man̈x 'oj sc'ub'c 'el sb'a 'ayex, to caw 'oj eyil yet' e sat.

Salmos 127:2

May jac tzca'c ganar yic tzon̈ cob' seb' 'ochc 'a qui munljel, tz'at pax c'u cob' qui meltzjec, yic cob' tzqui saynec tas tzqui c'uxu, yujto a Dios tzyac' swach'c'ojlal 'a eb' chamc'ojlb'il yu'uj, ya' sb'a to tz'ilj eb'.

Salmos 102:9

A stan̈il c'ac' 'ay q'ue 'a in jolom, a chi tz'em 'a scal tas tzin c'uxu, ax tas tzwuq'uej, caln yaj yet' yal in sat.

Salmos 80:5

A qui cusc'ojlal on̈ yet' yal qui sat on̈, a 'ix ac' qui b'ut'jub'oc on̈.

Dt 16:3

A no noc' tzeyac' e xajmb'alc cha, tze chi no', tze wan pax 'ixm pan may yich. Uque c'u tze waj 'ixm pan cha, sec a 'ixm tz'och snanb'ilc cot yailal, yujto caw ji'ltixn̈ej on̈ 'eltec 'a Egipto. Ya' sb'a pitzn ex, 'a junjn ab'il yowlal tze na cot jun c'u yic queltec cha.

A Ch'an̈ Carta D'a Eb' Hebreo 11:36

'Ay jun tzo'n̈ xo eb' yab'jnac syal sb'uchxi, sma'xi. 'Ay eb' jalxjnac yet' q'uen cadena, yoch pax eb' 'a preso.

A Ch'an̈ B'ab'el Libro Yic Yab'ixal Eb' Rey 22:26

Xlajw cha, xyaln win sreyl eb' israel chi 'ixtic: —Yamc win Micaías tic, tzeyi'n 'at win 'a yojltac win Amón, win gobernador 'a jun chon̈b' cha, yet' 'a win Joás, win wunnal an reyn tic.

Jeremías 36:23

A yic xlajw yawtn win Jehudí 'oxe', mto chan̈ macn̈ yojl ch'an̈ un̈ cha, ax win rey cha, 'ix scotc poln 'elt win ch'an̈ yet' jun q'uen cuchlub' tzc'an ewin 'ajtz'ib', xlajw cha, xya'n 'at win ch'an̈ 'a yib'n̈ c'ac' cha. 'Ixta xyutj win sn̈usn smasnil ch'an̈ un̈ cha.

A Ch'an̈ B'ab'el Libro Yic Yab'ixal Eb' Rey 13:4

'Ayc' win rey Jeroboam chi 'a stz'ey jun yet'l xajmb'al cha, a yic xyab'n win smasnil tas 'ix yal win schecb' Dios chi 'a jun yet'l xajmb'al 'ayc' 'a chon̈b' Betel cha, 'ix ya'n 'at win sc'ab' 'a jun schecb' Dios cha, 'ix yaln 'ixtic: ¡Yamc coti! xchi. Palta a jun sc'ab' 'ix ya't 'a yic sch'oxn cha, caw x'ochcn yip, man̈x 'ic stac' spacn sb'a.