A Ch'an̈ B'ab'el Libro Yic Yab'ixal Eb' Rey 22:15 - Chuj San Sebastian Bible

¹⁵ Xlajw cha, 'ix jaw win 'a yojltac win rey cha, 'ix yaln win rey chi 'ixtc 'a winac: Micaías, ¿tzam stac' 'at wa'nc owl 'a chon̈b' Ramot, 'a yol yic Galaad, mto ma'ay? xchi win 'a 'a. 'Ix ta'w cob' Micaías 'ixtc 'a winac: —'Ixc 'a owl cha, ach 'oj 'ac' ganar, yujto a Jehová 'oj 'a'nc jun chon̈b' chi 'a yol a c'ab', xchi 'a winac.

Chuj San Mateo Bible

¹⁵ Ix javi vin̈aj Micaías chi' d'a yichan̈ vin̈ rey chi', ix sc'anb'an vin̈ rey chi' d'a vin̈: —A ticnaic ach Micaías, ¿tom smoj sco yamoch oval yed' chon̈ab' Ramot d'a yol yic Galaad, mato maay? xchi vin̈. Ix tac'vi vin̈aj Micaías chi': —Ixic, ol ac' ganar jun oval chi', yujto a Jehová ol ac'anoch jun chon̈ab' chi' d'a yol a c'ab', xchi vin̈. Palta ton̈ej ix yal vin̈ icha chi'.

A Ch'an̈ B'ab'el Libro Yic Yab'ixal Eb' Rey 22:15 Referans Kwoze

Mt 26:45

Yic 'ix jab'x 'a eb' scuywum cha, 'ix yaln 'ixtc 'a eb': —¿Tom an̈ja caw waync ex? ¿Tom ton̈j tzex comn 'ilji? A ticnec, xc'och yorail wajx 'och an 'Ochnc in 'Anmal tic 'a yol sc'ab' ewin maysch'olnil.

Ec 11:9

Ex quelmtac yet' ex cob'stac, tzaljan̈ec ya' sb'a caw te'n eyip; 'a'c tzaljoc e c'ojl 'a tas wach' ya' sb'a tztac' eyu'uj. 'Ixquec 'aj tze nib'j tzex 'ati, yet' tas tze nib'j tze b'o'o, palta tzeyojcan pax 'eli, to 'oj ex sb'eyc'ojloc Dios yuj smasnil jun tzo'n̈ tze b'o cha.

2 Cr 18:14

Yajn̈ej 'ix c'och Micaías 'a yojltac win rey, 'ix sc'anb'n win 'a 'ixtic: —¿Tzam stac' tz'at wac' owl yet' chon̈b' Ramot 'a yol yic Galaad, mto ma'ay? xchi 'a 'a. 'Ix stz'acn Micaías yal 'a 'ixtic: —'Ac' owl yet'oc, toxn to 'oj 'ajxc ganar o'oj, yujto 'oj 'ajxc 'och 'a yol a c'ab' yuj Dios, xchi.

A Ch'an̈ Schab'il Libro Yic Yab'ixal Eb' Rey 3:13

Xlajw cha, 'ix yaln Eliseo 'ixtc 'a win sreyl Israel: —¿Tas waln wic et'oc? Ata cab' tzach 'at a c'anb'c 'a eb' schecb' scomn diosal a mam a nun sayjnac, xchi Eliseo cha. —Ma'ay, yujto a Jehová on̈ yamb'tzan an̈ 'oxwn̈ reyn̈ tic on̈, yic tzon̈ ya'n 'och 'a yol sc'ab' eb' moabita, xchi 'a 'a.

A Ch'an̈ B'ab'el Libro Yic Yab'ixal Eb' Rey 18:27

Ax yic x'och chimc'ual, 'ix tzewj chan̈ Elías yuj eb', 'ix yaln 'a eb' 'ixtic: —Caw 'ip eyawji, yujto dios eyaln jun, caw am witz'n yaji, 'ay't am chuljoc, mto 'ay 'aj 'ayt schec sb'a. Toq'ue to waync pax jun, pitzc 'el swayan̈, xchi 'a eb'.

Jueces 10:14

'Ixquec, 'at c'anc scolwal eb' comn dios chi xeya'ch yipc e c'ojl cha. A cab' eb' tzex coln 'elt 'a scal e cusc'ojlal, xchi 'a eb'.

A Ch'an̈ B'ab'el Libro Yic Yab'ixal Eb' Rey 4:13

A yunnal Geber, a 'ajcuenta yi'n cot jun tzo'n̈ chi 'a Ramot 'a yol yic Galaad yet' smasnil yaldea'il Galaad, to yic eb' yin̈tl Jaír yunnal Manasés. A pax 'ajcuenta 'a Argob, 'a yol yic Basán. Ata 'ay 60 niwc chon̈b' 'aych smuroal, broncen̈ej 'aych yijloc spuertail.

A Ch'an̈ B'ab'el Libro Yic Yab'ixal Eb' Rey 22:12

Smasnil eb' tzyalch sb'a schecb'oc Dios cha, junn̈j tzyutj eb' yaln smasnil 'ixtc 'a winac: Ach rey, 'ixc ac' owl chi 'a Ramot 'a yol yic Galaad; 'oj ac' ganar jun owl cha, yujto a Jehová 'oj 'a'nc 'och jun chon̈b' chi 'a yol a c'ab', xchi eb' 'a winac.

A Ch'an̈ B'ab'el Libro Yic Yab'ixal Eb' Rey 22:16

—Til wal 'ejm xwal 'ayach, to a tas yel a chi tzal 'ayn 'a sb'i Jehová, xchi win rey cha.

Jeremías 37:17

Ax win rey Sedequías chi in 'a'n 'ijxoc 'at 'a sdespacho. A yic in c'och 'a yojltac win rey cha, 'ix sc'ultac c'anb'n win 'ixtc 'ayin: —¿'Aym junc spaxti Jehová tzal wab'i'? xchi winac. In ta'w 'ixtc 'a winac: —N', 'ay toni, 'ixtc wal yaln 'ixtic: Ach tic mamin rey, 'oj ajx 'och 'a yol sc'ab' win sreyl Babilonia, xin chi.

Ez 13:6

Tzcob' yal eb' to 'ay tas tzyila, tznan eb' tas tzyutj ya'n 'es, tzyaln cob' eb' 'ixtic: A Jehová a tz'a'n cal jun tzo'n̈ tic, xchi cob' eb', palta may tas tzwal 'a eb'. Tzlaj cob' stan̈wnoc eb' yel'ch tas tzyal cha.