A Ch'an̈ B'ab'el Libro Yic Yab'ixal Eb' Rey 21:24 - Chuj San Sebastian Bible

²⁴ A eb' en̈tl 'oj cham 'a yol chon̈ab', a no tz'i 'oj chinc eb'. Ax eb' en̈tl 'oj cham 'a scalte', a e no 'usj 'oj chinc eb', xchi Dios, xchi Elías 'a win Acab.

Chuj San Mateo Bible

²⁴ A eb' in̈tilal ol cham eb' d'a yol chon̈ab', a noc' tz'i' ol chianb'at snivanil eb'. Axo eb' ol cham d'a spatiquel chon̈ab' chi', a noc' ostoc ol chianb'at eb', xchi Jehová, xchi vin̈aj Elías chi'.

A Ch'an̈ B'ab'el Libro Yic Yab'ixal Eb' Rey 21:24 Referans Kwoze

A Ch'an̈ B'ab'el Libro Yic Yab'ixal Eb' Rey 16:4

Tzann̈j junc ecan 'oj cham 'a yol chon̈ab', a no tz'i 'oj chinc schib'jal. Ax eb' 'oj cham 'a scalte', a no 'usj 'oj chinc schib'jal eb', xchi Jehová.

A Ch'an̈ B'ab'el Libro Yic Yab'ixal Eb' Rey 14:11

'Oj cham eb' ecan 'a yol chon̈ab', a no tz'i 'oj chinc sniwnal eb', ax eb' 'oj cham 'a calte', a no 'usj 'oj chinc sniwnal eb' cha, yujto an Jehová in, an tzwala, xchi Dios, xchi win schecb' Dios cha.

Jeremías 15:3

An Jehová in, an tzwala: 'Oj wa' cot chan̈ macn̈ yailal 'a yib'n̈ eb' 'anma tic: 'Oj milxoc cham eb' 'a scal owal, 'oj jucxoc b'eyc'oc sniwnal eb' yuj no tz'i', 'oj chixoc eb' yuj no 'usej, ax e no calte'al noc' 'oj wach' satnc 'el eb'.

Apoc 19:18

Yic tzwul e chinc schib'jal eb' rey, yet' eb' scapitan̈il 'a eb' soldado, yet' eb' niwc winac. Tze chin schib'jal e no chej. Tze chin pax schib'jal eb' 'ay q'ue 'a yib'n̈ e no'. Toxn̈ej eb' mun yic sb'a, toxn̈ej eb' moso man̈ yico'oc sb'a, wach'xam eb' may yel'chi, wach'xam eb' niwn yel'chi, 'oj e chin̈j schib'jal eb' smasnil, xchi 'a e no'.

Is 14:19

Ach xo tic, najt ach julx can 'el 'icha c'alem 'ayx sjab', xjulx can 'ejm a niwnal 'a scal eb' xi'lb'a, eb' 'icha to tec'b'il can 'ejm sniwnal 'a scal q'uen 'a yol xab' olan.

A Ch'an̈ Schab'il Libro Yic Yab'ixal Eb' Rey 9:25

Xlajw cha, 'ix yaln Jehú 'ixtc 'a jun scapitan̈ Bidcar sb'i: —¡'Ij 'elta! Tzlajw cha, tz'at 'a julnc can 'el 'a sti 'el slum can Nabot win 'aj Jezreel cha. Yujto tzat in na coti to ach tic ajun ach wet'oc, yic tza'n on̈ 'a spatquil scaruaje Acab, atn smam jun winc tic, yic yaln can Jehová 'a yib'n̈ 'ixtic:

Jeremías 22:19

'Icha tz'aj junc no chamnc b'uru, 'ixta 'oj 'ajoc, ton̈j 'oj jucxoc 'el 'a sti 'el chon̈b' Jerusalén, xchi Dios.