A Ch'an̈ B'ab'el Libro Yic Yab'ixal Eb' Rey 21:19 - Chuj San Sebastian Bible

¹⁹ 'At al 'a win 'ixtic: 'Ixtc wal xyutj Jehová yaln 'ayach: Yujto 'ix a mil win Nabot, 'ix a to'n 'ec' slum winac, yuj cha, a wal 'aj 'ix le'x schic'l win Nabot yuj e no tz'i', a pax ta 'oj slec' e no ec jun xo, xchi Dios, xchi Elías cha.

Chuj San Mateo Bible

¹⁹ Tzalan d'a vin̈ icha tic: A Jehová tz'alan d'ayach icha tic: Yujto ix a milcham vin̈aj Nabot, ix ic'anec' lum sluum vin̈ tic, yuj chi' a b'aj ix lec'jiq'ue schiq'uil vin̈ yuj noc' tz'i', an̈eja' pax ta' ol lec'jocq'ue a chiq'uil a ach tic yuj noc', xchi Jehová, xa chi d'a vin̈, xchi d'a vin̈aj Elías chi'.

A Ch'an̈ B'ab'el Libro Yic Yab'ixal Eb' Rey 21:19 Referans Kwoze

A Ch'an̈ B'ab'el Libro Yic Yab'ixal Eb' Rey 22:38

'Ix sb'icn ewin scaruaje win rey chi 'a jun a pama b'ob'il 'a Samaria cha, atn 'a 'aj tz'achn eb' 'ix 'ajmul 'ix. Ax e no tz'i', a e no xle'n schic'l win cha, 'ix 'el'ch 'icha wal xyutj Jehová yalni.

A Ch'an̈ Schab'l Libro Samuel 12:9

¿Tas yuj ma'ix a yiclj in checnb'il an Jehová in? 'Ix a b'on wal tas maysch'olnil 'a in sat. 'Ix ac' milxoc win Urías hitita, ax eb' amonita 'ix miln win o'oj, 'ix e'nec' yistzil winac.

Mt 7:2

Yujto 'icha wal tzeyutj e b'eyc'ojlan eb' eyit 'anma'il, 'ixta 'oj ex yutc Dios ex sb'eyc'ojlan jun xo. A wal eyechtab' tzeya'lb'ej, a 'oj 'a'lb'axc 'ayex, tzyal 'el'chi to 'icha wal tzeyutj e b'eyc'ojlwi, 'ixta 'oj eyaj e b'eyc'ojlax jun xo.

Habacuc 2:12

'Oltacx wali, xcob' laj e b'o e chon̈b' yuj smasnil tas xlaj eyac' ganar 'a spatc maysch'olnil. Ex 'och ricoal yuj e milm cham 'anma'il.

Habacuc 2:9

'Oltac ex, yujto 'ix cob' eyac' b'ut'joc yol eyatut yuj tas xlaj eyelc'oc, sec tztac' e coln e b'a 'a tas 'ay smay e nani.

Salmos 9:16

Mamin Jehová, ach 'ojcax 'el yuj tas wach' tza b'o'o. Mun tzyalej sb'a eb' tzb'on maysch'olnil.

Ester 7:10

'Ix slocn q'ue eb' win Amán 'a te 'oy ya'jnac b'o yuj Mardoqueo. 'Ixta x'aj sicb' yowl sc'ojl win rey cha.

A Ch'an̈ Schab'l Libro Samuel 12:11

An Jehová in, an tzwalcni: A 'a scal eb' onnal, ata 'oj wac' pitzwoc chan̈ maysch'olnil. Q'ueln ach wal 'och 'a eb' 'ix estzil cha, ax wa'n eb' 'ix 'a junc xo win winac, ax sway win yet' eb' 'ix.

Jueces 1:7

Yuj cha, xyaln Adoni-bezec 'ixtic: A 'a yic yaln̈taxi, in tzu'jnac 'el snun sc'ab' yet' snun yoc 70 eb' rey, x'och eb' sic' sc'ajl schib'l woch 'a yaln̈ in mexa. 'Icha wal wutjnac eb' rey cha, 'ixta wal xyutj Dios ya'n spac 'ayn ticnec, xchi. Xlajw cha, xyi'n 'at eb' 'a Jerusalén, axta xchami.

Gn 3:11

'Ix sc'anb'n Dios 'ixtc 'a winac: —¿Mach x'a'n ojcoc 'eli chajtlto jitn ach 'eli? ¿Tope wal 'ix a lo sat te te 'ix wal 'ayach to matz a lo'o? xchi.

A Ch'an̈ Schab'il Libro Yic Yab'ixal Eb' Rey 10:10

A ticnec, tzcham wal eyojcan 'eli, to a smasnil tas yaljnac can 'el Jehová 'a yib'n̈ eb' yin̈tl Acab, may junc tas ma'oj 'el'choc. Wan yel'ch smasnil tas yaljnac can Jehová 'a sti jun schecab', atn Elías, xchi Jehú.

Job 31:39

Q'uinloc 'ay tas ton̈j in c'uxjnac 'a smunljel junc mach, man̈toc tojb'il wu'uj, toto yixtjnac sb'a jun 'ay yic lum lum chi sb'oni,

Salmos 68:23

sec 'oj e b'on̈ eyoc 'a schic'l eb' 'ajc'ojl cha, ax sle'n pax e no e tz'i schic'l eb' cha, xchi.

Ez 46:18

A jun yajl cha, matz tac' sto'n 'ec' slum junc xo mach. A tas yic win yaji, a chi tzya'x can win 'a yunnal sec wach' may junc eb' 'a eb' in chon̈b' to tzcan 'a may slu'um, xchi Dios.

A Ch'an̈ Schab'il Libro Yic Yab'ixal Eb' Rey 6:32

Yuj cha, 'ix schecn 'at jun winc 'a 'a. Ax Eliseo chotn 'ec' 'a yatut yet' eb' yichm wincal chon̈ab', Palta yic mantzac c'och win checb' cha, 'ix yaln Eliseo 'ixtc 'a eb' 'ayc' yet' cha. —'Iltec, 'ix schec cot win ma'm cham 'anma jun schecab', yic tzwul yi'nc 'el in jolom. Palta sictac tzex 'aj eyab'n tas 'oj wala', a yic 'oj jawc win checb' cha, tze macn 'el te puerta 'a yojltac winac, wach' tzeyutj e macn can 'el te' sec matz 'ochta', 'oj eyab' nab'n sc'an̈ sjaw win syajlil win 'a spatic, xchi.

A Ch'an̈ Schab'il Libro Yic Yab'ixal Eb' Rey 10:7

A yic schan eb' 'ichm winc chi junx ch'an̈ carta cha, 'ix syamn ewin eb' yunnal win Acab cha, 'ix smiln cham ewin eb'. Xlajw cha, 'ix ya'n 'ejm ewin sjolm eb' chi 'a yol jun tzo'n̈ xu'uc, 'ix 'at ya'nc 'ajxoc can eb' 'a Jehú 'a Jezreel.

Salmos 9:13

Mamin Jehová 'o'ch cab' a c'ojl 'ayin, 'ilt wal cot in somc'ojlal 'aych yuj eb' matz in nib'ni. Coln 'el 'a yol sc'ab' chamel.

Jeremías 34:6

An Jeremías in tic schecb' in Dios, 'ix wal smasnil jun tzo'n̈ tic 'a win rey Sedequías 'a Jerusalén.