A Ch'an̈ B'ab'el Libro Yic Yab'ixal Eb' Rey 21:10 - Chuj San Sebastian Bible

¹⁰ Tze sayn chawn̈oc winc tu snab'en tzte'wtzej sb'a ya'n testigoal sb'a 'a yojltac, tzyaln eb' 'ixtc 'a 'a: Ach tic, ach b'uchwj 'a Dios yet' 'a win rey, xchi cab' eb' 'a 'a. Tzlajw cha, tzeyi'n 'el win 'a sti 'el chon̈ab', axta tzjul q'uenax winac, sec tzcham ta', xchi ch'an̈ carta cha.

Chuj San Mateo Bible

¹⁰ Tze sayan chavan̈oc vinac chuc spensar stec'b'ej sb'a yalan d'a spatic vin̈ icha tic: A ach tic, ix ach b'uchvaj d'a Dios yed' d'a vin̈ rey, xchiocab' eb' d'a vin̈. Slajvi chi' tzeyic'anel vin̈ d'a stiel chon̈ab', axo ta' tze julq'uenejcham vin̈, xchib'at ix.

A Ch'an̈ B'ab'el Libro Yic Yab'ixal Eb' Rey 21:10 Referans Kwoze

Ex 22:28

Man̈ eyal tu paxti 'a yib'n̈ eb' juez, mto 'a yib'n̈ eb' yajl yaj 'a yol e chon̈ab'.

A Tas Sc'ulejnac Eb' Schecab' Jesús Hechos 6:11

Ax eb' cha, ton̈j xlaj sman eb' jaywn̈ stestigo. 'Ix ya'n eb' sc'ojloc eb', sec tzyal eb' 'ixtic: —'Ix cab' yaln win Esteban chi on̈. Caw 'ix b'uchwj win 'a qui mam quichmec Moisés, xb'uchwj pax win 'a Dios, xchi cob' eb'.

Dt 19:15

Toto cojn junc mach tzyac' testigoal sb'a yuj junc 'anma tz'och smul, matz tac' yoch 'a yib'an̈, masnto 'ay chawn̈oc mto 'oxwn̈oc tzyac' testigoal sb'a yuj smul cha, 'ixta b'i'an tz'och 'a yib'an̈.

Dt 13:13

toto ata tzyij chan̈ sb'a eb' tenmtac 'a Dios, tzjucb'tzan eb' 'anma chi 'a maysch'olnil yic tzya'n 'ejm sb'a eb' 'a jun tzo'n̈ comn dios man̈ 'ojcab'iloc,

A Tas Sc'ulejnac Eb' Schecab' Jesús Hechos 6:13

Xlajw cha, 'ix sayn eb' jun tzo'n̈ xo eb' tz'a'n 'och 'es 'a yib'n̈ Esteban cha. 'Ix yaln eb' 'ixtc 'a ewin yajl cha: —A win Esteban tic, caw matz yactj can win sb'uchwj 'a yatut Dios, palta yicn̈ej Dios yaji. Tzb'uchwj pax win 'a ley yic Moisés.

Jn 10:33

—Man̈ yujoc junc wach' xa b'o'o, tzach qui nib'n qui jul cham on̈, palta yujn̈ej to tzach b'uchwj 'a Dios. Ach tic, comn 'anma ach, palta 'in tzalch a b'a Diosal, xchi eb'.

Jueces 19:22

Wanto wal stzalj eb' cha, 'ix jaw jun tzo'n̈ ewin 'aj chon̈b' cha, caw maysch'olnil snab'en ewinac. 'Ix 'och oyn eb' 'a spatquil te n̈a cha, syamn 'och eb' sma'n poj spuertail te'. 'Ix yaln eb' 'ixtc 'a win 'ichm winc 'ay yic te n̈a cha: —'Ac' 'elt win 'ayc' ula'il chi 'ayach. Tzqui nib'j tzquixtej, xchi ewinac.

Lv 24:14

'Ijec 'el win x'och smul chi 'a sti 'el camplamento; ax smasnil eb' x'ab'n yaln cha, ya' cab' q'ue eb' sc'ab' 'a sjolm winac, ax eb' chon̈b' chi smasnil, a eb' tzjuln cham yet' q'uen q'ue'en.

A Ch'an̈ B'ab'el Libro Samuel 2:12

A eb' yunnal Elí caw maysch'olnil sb'eyb'al eb', may xon yel'ch Jehová 'a sat eb'.

A Ch'an̈ Schab'l Libro Samuel 20:1

'Ay jun winc caw wal tu snab'en 'a eb' yin̈tl Benjamín, tzcuch Seba, yunnal Bicrí, c'uxn wal 'ayc' win 'a Gilgal cha. A win Seba tic 'ix yutz'j scacha. 'Ix q'ue somnjoc eb' chon̈ab', 'ix yaln win 'a eb' 'ixtic: An̈ec tic may calnec quic yet' David, atn jun yunnal Isaí, junjn on̈ an̈ israel on̈ec tic, tzon̈ paxc 'a catut, xchi 'a eb'.

A Ch'an̈ B'ab'el Libro Yic Yab'ixal Eb' Rey 21:9

A eb' ch'an̈ carta cha, 'ixtc yaln eb' ch'an̈: Alc 'a eb' 'anma', to tz'och eb' 'a c'ajb'c'ojlal, tzeya'n 'elt win Nabot 'a yojltac eb'.

A Ch'an̈ B'ab'el Libro Yic Yab'ixal Eb' Rey 21:11

Ax eb' 'ichmtac winc cha, yet' eb' yajl 'a schon̈b' Nabot, sb'o eb' 'icha xyutj 'ix Jezabel yaln 'a scarta cha.

A Ch'an̈ Schab'il Libro Yic Yab'ixal Eb' Rey 6:32

Yuj cha, 'ix schecn 'at jun winc 'a 'a. Ax Eliseo chotn 'ec' 'a yatut yet' eb' yichm wincal chon̈ab', Palta yic mantzac c'och win checb' cha, 'ix yaln Eliseo 'ixtc 'a eb' 'ayc' yet' cha. —'Iltec, 'ix schec cot win ma'm cham 'anma jun schecab', yic tzwul yi'nc 'el in jolom. Palta sictac tzex 'aj eyab'n tas 'oj wala', a yic 'oj jawc win checb' cha, tze macn 'el te puerta 'a yojltac winac, wach' tzeyutj e macn can 'el te' sec matz 'ochta', 'oj eyab' nab'n sc'an̈ sjaw win syajlil win 'a spatic, xchi.

Job 1:5

A yic tzlajw yec' q'uin̈ chi 'a junjn eb', tzyawtn win Job chi smasnil eb' yunnal cha yic tzsacb'tzan sb'a eb' 'a sat Dios. Ax 'a junx c'u, tzseb' q'ue wan win yac' tz'a xajmb'al yuj junjn eb' yunnal cha, yujto lemb'il tzlaj 'och smul eb' sb'uchwj 'a Dios snan winac. Yuj cha, 'ixtan̈ej tzyutj sb'a win 'a junjn 'ejem.

Is 59:14

A b'eyc'ojlal yet' tas wach', man̈x 'a xon yel'ch 'a qui sat on̈. A tojlal cha, caw najt yajcn cuj on̈. A tas yel, toc 'ayt mach tzchan 'ab'noc 'a plas. A tojlal cha, 'icha to man̈x checloc 'aj 'ay.