A Ch'an̈ B'ab'el Libro Yic Yab'ixal Eb' Rey 20:6 - Chuj San Sebastian Bible

⁶ An̈jtona', yab'n 'icha hora tic q'uic'an, tzwa'n cot eb' syajlil eb' in soldado, tzwul saync eb' yil tas 'ay 'a yol atut yet' 'a yol yatut eb' 'aych yajlil et'oc, ax tas wach' 'oj 'ilchjoc yuj eb', 'oj yic' eb' tas 'icha tznib'ej, xchi winac, xchi eb' checb' cha.

Chuj San Mateo Bible

⁶ An̈ejtona' yab' icha tic q'uic'an, svac'anb'at eb' yajalil eb' in soldado yic sb'at yilan eb' masanil tas ay d'a yol a palacio yed' yoltac spat eb' vin̈ ayoch yajalil ed'oc. Masanil tas ol snib'ej eb', ol yic'cot eb', xchi vin̈, xchi eb' checab' chi'.

A Ch'an̈ B'ab'el Libro Yic Yab'ixal Eb' Rey 20:6 Referans Kwoze

Jl 3:5

Ax tic, xeyel'j q'uen plata yet' q'uen oro 'ayin, xeyi'n 'at in ricoal 'a yet'l e diosal.

Os 13:15

Wach'xam 'oj e niwtj chan̈ 'a scal eb' eyit israelal, palta 'oj cot wowl 'ayex. Lajn 'oj 'aj scot 'icha tacn̈ 'ic' tzcot 'a cusltac lum 'aj tzq'uel c'u, yuj cha, 'oj tup chan̈ eb' a spac'b'a' yet' eb' a c'ob'a'. Ax eb' 'ajc'ojl yajch 'ayex, a eb' 'oj 'i'nc 'at smasnil e ricoal.

Lm 1:10

A eb' 'ajc'ojl yajch 'a Jerusalén, tox 'ix yij 'ec' eb' smasnil sricoal jun chon̈b' tic. 'Ix yiln pax eb' 'anma yoch eb' 'ajc'ojl chi 'a yol scajnub' Dios, atn jun tzo'n̈ 'anma yaljnac Dios to matz tac' yochi.

Lm 1:7

A eb' 'aj Jerusalén, a wal yic 'aych eb' 'a sc'ul yab'n syal yuj tas tz'aj yixtxi, a yic cha, tznan cot eb' smasnil sricoal 'ay 'a yaln̈taxi. A yic x'ejm eb' yuj eb' 'ajc'ojol, toc 'ay mach xcoln eb'. A wal yic tz'ilx 'och eb' yuj eb' 'ajc'ojl cha, tzlaj b'uchx eb' yuj eb', yujto 'ix 'ejm eb'.

Jeremías 25:34

'El cab' eyaw yuj yailal ex yilmal chon̈ab'. 'E'n̈ec b'alb'noc 'a sat lu'um, yujto tox 'ix jaw sc'ul e milx chamoc. 'Oj e sactzic can 'ati. 'Oj eyajx ganar, ax e poj 'icha tz'aj spoj junc vaso to caw wach' yilxi.

Is 44:9

A eb' tzb'on yechl jun tzo'n̈ comn dios, may jac yel'ch eb', may pax yel'ch jun tzo'n̈ yechl tzchamc'ojlej eb' cha. A eb' tz'och 'emmquilal 'a jun tzo'n̈ cha, 'icha to matz uj yiln eb'. May snab'en eb', yuj cha, caw 'oj can eb' 'a q'uixwc'ojlal yu'uj.

Esdras 8:27

An̈jtona yet' junc'l niwc vaso to nab'a oro, 'ec'b'al waclajn̈e libra yalil, yet' chab' vaso to nab'a bronce wach' yaj sb'o'i, lajn stojl 'icha yamc'ab' to nab'a oro.

A Ch'an̈ Schab'l Libro Samuel 24:14

Yuj cha, xyaln David 'a Gad 'ixtic: —Caw wal matz nachj wu'uj. Yel xo wach' tzon̈ canc 'a yol sc'ab' Jehová, yujto niwquil schamc'ojlal 'ayn̈ec; man̈oc cab' 'a yol sc'ab' eb' 'anma tzon̈ canec, xchi.

Gn 27:15

Xlajw cha, xyi'n 'elt 'ix ya't pichl Esaú cha, win sb'ab'l 'une 'ix, te molb'il 'a yol yet'l eb' cha, xya'n 'och 'ix 'a Jacob, win stza'n 'une 'ix.

A Ch'an̈ B'ab'el Libro Yic Yab'ixal Eb' Rey 20:5

Xlajw cha, schecn pax 'at win eb' schecb' chi jun 'ejm xo 'a win Acab, ax yic xc'ochx eb', xyaln eb' 'ixtic: A win Ben-adad 'ixtc 'ix yutj yalni: Tox xwac' alxoc 'ayach, to wic yaj a ricoal, wic yaj eb' estzil yet' eb' onnal.

A Ch'an̈ B'ab'el Libro Yic Yab'ixal Eb' Rey 20:7

Yuj cha, 'ix ya'n win Acab chi 'awtxoc cot smasnil eb' yichm wincal chon̈ab', 'ix yaln 'a eb' 'ixtic: —¿Tas tzeyutj e nan ax tic? A jun winc cha, to tzsay tas tzin yutj in yixtni, tox xwal 'a 'a, to yic yaj smasnil tas 'ay 'ayin, eb' wistzil yet' eb' wunnal, xchi 'a eb'.