A Ch'an̈ B'ab'el Libro Yic Yab'ixal Eb' Rey 20:40 - Chuj San Sebastian Bible

⁴⁰ Ya' sb'a an xo tic, caw wal witz'n tzwutj in b'a yuj tas tzin b'o'o, ax x'aji, 'ix 'at jun winc chi 'elc 'ayin, xchi winac. Ax win sreyl Israel cha, 'ix yaln win 'ixtc 'a winac: —'Ixtnta 'oj aji, yujto mun ach tza pucl a b'a yuj tas xa b'o'o, xchi win rey cha.

Chuj San Mateo Bible

⁴⁰ Palta mamin rey, a in tic yacb'an ay jab'oc tas van in c'ulani, ix el lemnaj vin̈ ajc'ol chi' d'ayin, xchi vin̈ d'a vin̈aj Acab chi'. Ix tac'vi vin̈aj Acab sreyal Israel chi': —Munil a ach ix alq'ueta a mul yed' tas ol elul d'a ib'an̈ yuuj, xchi vin̈.

A Ch'an̈ B'ab'el Libro Yic Yab'ixal Eb' Rey 20:40 Referans Kwoze

Lc 19:22

Yuj cha, xyaln pax win 'ixtc 'a 'a: Ach tic cob' moso ach, palta caw may a ch'olnil. Yuj wal jun tzo'n̈ tas xal tic, 'oj ach in b'eyc'ojloc. 'In ojc xoni ch'an in. Toxn̈ej tzin chaj wico'oc tas tzyac' ganar junc xo 'anma'. Toxn̈ej tzin jach'a, palta may tas tzwawej.

Job 15:6

Man̈ a na', to an 'oj wa'ch 'a eb'n̈ yuj a mul, palta mun a a ti chi tzlocn cot 'a eb'an̈.

A Ch'an̈ Schab'l Libro Samuel 14:13

'Ix yaln 'ix 'ixtic: —¿Tas yuj 'icha wal tz'aj yoch eb' wican chi 'ajc'ojlal 'ayin, tas yuj 'ixta tzach 'aj 'och 'ajc'ojlal 'a eb' schon̈b' Dios? Yujto a tas tzal 'a yib'n̈ eb' wican chi mamin rey, locn ach 'oj jawc 'a eb'n̈ yu'uj, yujn̈ej to matz a chaj meltzjoc win onnal 'aycn 'at 'eloc.

A Ch'an̈ B'ab'el Libro Yic Yab'ixal Eb' Rey 20:39

Ax yic x'ec' win rey cha, caw 'ip 'ix 'awj 'a winac, xyaln 'ixtic: —An a checb' in tic, in c'och 'a scal owal, at wal cha, 'ix jaw jun win soldado 'ayn yet' jun win winac, xyaln win soldado chi 'ixtc 'ayin: Tza tan̈wj jun winc tic, toto tz'at win 'elc 'ayach, ach xo 'oj a tup lajwc smul winac, mto tzac' 'oxe'oc mil q'uen tumn plata yuj winac, xchi win soldado chi 'ayin.

A Ch'an̈ B'ab'el Libro Yic Yab'ixal Eb' Rey 20:41

Palta yajn̈ej 'ix yi'n 'el win schecb' Dios chi jun nip 'aych smacloc sat cha, 'ix yojcan 'el win rey cha, to schecb' Dios winac.

Jeremías 48:10

(Catb'tzaxc cab' mach to matz b'on snib'b'en Jehová 'a smasnil sc'ojol. Catb'tzaxc cab' mach to matz c'anlb'ej yespada yic tzmilw cham 'anma'.)

A Ch'an̈ Schab'l Libro Samuel 12:1

'Ix schecn 'at Jehová win Natán 'a David. Ax yic xc'och win 'a David cha, 'ix yaln win 'ixtc 'a 'a: —'Ay chawn̈ winc 'a jun chon̈ab', jun winac caw wal rico, ax junx winac, caw wal meb'a'.