A Ch'an̈ B'ab'el Libro Yic Yab'ixal Eb' Rey 20:4 - Chuj San Sebastian Bible

⁴ 'Ix ta'w win rey Acab 'ixtc 'a winac: Mamin rey b'o cab' 'icha tzal cha, smasnil tas 'ay 'ayin, ec waj yet'oc, xchi.

Chuj San Mateo Bible

⁴ Ix yalanb'at vin̈aj Acab chi' d'a vin̈ icha tic: Mamin rey, ujocab' icha ix al chi'. A in tic yed' masanil tastac ay d'ayin icocab'i, xchib'at vin̈.

A Ch'an̈ B'ab'el Libro Yic Yab'ixal Eb' Rey 20:4 Referans Kwoze

Dt 28:48

Yuj cha, yowlal 'oj eyac' servil eb' 'ajc'ojl 'oj ya' cot Jehová 'a e cal. 'Oj eyab' syal wejel, tacn̈ti'al, man̈ pichlal yet' smasnil yailal. Caw 'oj eyab' syal yuj eb' 'ajc'ojl cha, majniln̈ej 'oj eyajchi, masnto 'oj e lajw 'ejmi.

Lv 26:36

Ax eb' eyin̈tl pitznto 'a scal eb' 'ajc'ojl yajch 'ayx cha, 'oj wac' jawc xiwc'ojlal eb' si'mb'il. 'Oj laj comn 'at eb' 'eloc, yic 'oj yab'nc eb' sc'an̈ yem c'otnjoc junc xil te'. 'Oj laj 'at eb' 'eloc, 'icha to 'ay mach pechjnac eb' yet' q'uen espada. 'Oj laj smac' telwc sb'a eb' s'at 'eloc, palta may mach tzpechn eb'.

A Ch'an̈ B'ab'el Libro Yic Yab'ixal Eb' Rey 20:5

Xlajw cha, schecn pax 'at win eb' schecb' chi jun 'ejm xo 'a win Acab, ax yic xc'ochx eb', xyaln eb' 'ixtic: A win Ben-adad 'ixtc 'ix yutj yalni: Tox xwac' alxoc 'ayach, to wic yaj a ricoal, wic yaj eb' estzil yet' eb' onnal.

A Ch'an̈ Schab'il Libro Yic Yab'ixal Eb' Rey 10:5

Ax jun smayltoma win rey 'a sdespacho, yet' jun sgobernadoral chon̈b' cha, yet' eb' yichm wincal chon̈ab', yet' pax eb' yilmal eb' yunnal Acab, 'ix 'at ya'nc eb' alxc 'a Jehú 'ixtic: An̈ tic on̈ a checb' caj on̈; 'oj qui b'o smasnil tas 'oj ala', palta may junc 'oj qui si'ch reyal. B'o tas 'icha tza nib'ej, xchi eb'.

A Ch'an̈ B'ab'el Libro Samuel 11:10

'Ix yaln 'at eb' 'ixtc 'a win Nahas, atn win 'ajc'ojl yajch 'a eb': —A q'uic'an, tzca'ch qui b'a 'a yol e c'ab' on̈, yic tze b'on tas tze nib'j tzon̈ eyutj on̈, xchi eb'.

A Ch'an̈ B'ab'el Libro Yic Yab'ixal Eb' Rey 2:38

—Caw wach' 'ix al 'ayn mamin rey. 'Oj in b'o 'icha tas tzala, xchi Simei cha. Najtl 'ix 'ec' cajn Simei 'a Jerusalén.